(VOVWORLD) -ສະໂມສອນສິລະປະວັນນະຄະດີພື້ນເມືອງ ຮົ່ງມີ ຢູ່ເມືອງບັກຮ່າ ແຂວງ ລ່າວກາຍ ແມ່ນໜຶ່ງໃນບັນດາຫົວໜ່ວຍນຳໜ້າໃນຂະບວນການວັດທະນະທຳ ສິລະປະວັນນະຄະດີມະຫາຊົນຢູ່ທ້ອງຖິ່ນ. ສະມາຊິກສະໂມສອນເຄີຍສະແດງຢູ່ຕະຫຼາດນັດ ບັກຮ່າ ແລະ ຢູ່ບັນດາຮ້ານກາເຟ ພັດຕະຄານ ໂຮງແຮມ. ການເຄື່ອນໄຫວນີ້ ໄດ້ປະສ່ວນແຜ່ກະຈາຍສີສັນວັດທະນະທຳເຜົ່າມົ້ງ ໃຫ້ແກ່ແຂກທ່ອງທ່ຽວ ທັງຢູ່ພາຍໃນ ແລະ ສາກົນ.

(VOVWORLD) -ດ້ວຍຫົວຂໍ້ “ຊັອກຈັງ - ການພົວພັນແລກປ່ຽນ ແລະ ເຊື່ອມຕໍ່” ວັນບຸນວັດທະນະທຳ - ທ່ອງທ່ຽວ ແຂວງ ຊັອກຈັງຄັ້ງທີໜຶ່ງ ໄດ້ດຳເນີນໃນເດືອນ ເມສາ ທີ່ຜ່ານມາຢູ່ບ້ານວັດທະນະທຳ - ທ່ອງທ່ຽວບັນດາເຜົ່າ ຫວຽດນາມ ຢູ່ເທດສະບານເຊີນເຕິຍ ຮ່າໂນ້ຍ. ແຂວງ ຊັອກຈັງ ໄດ້ລະດົມນັກສະລະປະການ ນັກສະແດງ ນັກເສບດົນຕີປະມານ 30 ຄົນຂອງສາມເຜົ່າຄື ເຜົ່າກິງ, ເຜົ່າຮວາ, ຂະແມ ໄດ້ວາດພາບເຖິງການເຄື່ອນໄຫວວັດທະນະທຳ ສິລະປະທີ່ເປັນເອກະລັກ ແລະ ສະແດງອາຊີບຫັດຖະກຳຢູ່ທ້ອງຖິ່ນ

(VOVWORLD) -ຕະຫຼາດນັດ ບັກຮ່າ ທີ່ມີມາແຕ່ດົນນານ ໄດ້ກາຍເປັນທີ່ຮູ້ຈັກກັນດີ ແມ່ນໜຶ່ງໃນບັນດາຕະຫຼາດນັດທີ່ເປັນເອກະລັກຂອງແຂວງ ລ່າວກາຍ ດ້ວຍບັນດາຈຸດວັດທະນະທຳພື້ນເມືອງ ແລະ ສີສັນການດຳລົງຊີວິດຂອງປະຊາຊົນບັນດາເຜົ່າຢູ່ທີ່ນີ້. ມາຮອດຕະຫຼາດນັດ ບັກຮ່າ ແຂກທ່ອງທ່ຽວບໍ່ພຽງແຕ່ໄດ້ຊີມບັນດາເຍື່ອງອາຫານ, ໄດ້ດື່ມເຫຼົ້າສາລີ, ພິເສດ ໄດ້ດື່ມນ້ຳຊາດອກສາມເຈັດ ດ້ວຍລົດຫອມພິເສດເທົ່ານັ້ນ ຫາກຍັງໄດ້ເຊື່ອມຕົວເຂົ້າກັບບັນດາລາຍການສະແດງສິລະປະວັນນະຄະດີ ທີ່ເຂັ້ມຂົ້ນໄປດ້ວຍສີສັນວັດທະນະທຳຂອງທ້ອງຖິ່ນອີກດ້ວຍ.

(VOVWORLD) -ເພື່ອຮັກສາ ແລະ ເສີມຂະຫຍາຍວັດທະນະທຳພື້ນເມືອງຂອງປະຊາຊົນບັນດາເຜົ່າສ່ວນໜ້ອຍພ້ອມທັງຖ່າຍທອດໃຫ້ລູກຫຼານກ່ຽວກັບສິ່ງທີ່ຍອດຍິ່ງທາງດ້ານວັດທະນະທຳຂອງບັນດາເຜົ່າ, ບັນດາຜູ້ອາຍຸສູງໃນບໍລິເວນແຂວງ ອຽນບ໊າຍ ໄດ້ມານະພາຍາຍາມຮັກສາ ແລະ ຖ່າຍທອດພາສາເວົ້າຕົວໜັງສື ທຳນອງເພງພື້ນເມືອງ ວາດຟ້ອນຂອງບັນດາເຜົ່າ. ຍ້ອນແນວນັ້ນບັນດາຈຸດຄວາມງາມທາງດ້ານວັດທະນະທຳຂອງບັນດາເຜົ່າໃນບໍລິເວນແຂວງ ໄດ້ຮັບການຮັກສາອະນຸລັກພັດທະນາໃຫ້ນັບມື້ນັບອຸດົມສົມບູນ

(VOVWORLD) - ດ້ວຍແຫຼ່ງບັນດານໃຈຈາກງານບຸນວິຫານ ຮຸ່ງ ແລະ ວັດຖຸພັນຈາກສະໄໝລາດຊະວົງ ຮຸ່ງ (ແຕ່ສະຕະວັດທີ VII ຫາສະຕະວັດທີ II) ກ່ອນ ຄສ, ນັກອອກແບບ ທວາເຈິ່ນ ໄດ້ໃຫ້ເປີດໂຕຊຸດສະສົມເສື້ອຍາວ “ມຸ່ງໄປສູ່ກົກເຄົ້າເຫງົ້າກໍ”. ບໍ່ພຽງແຕ່ແມ່ນຊຸດສະສົມແຟຊັນເທົ່ານັ້ນ, ຊຸດສະສົມມຸ່ງໄປສູ່ກົກເຄົ້າເຫງົ້າກໍ ຍັງສະແດງໃຫ້ເຫັນຄວາມຮູ້ບຸນຄຸນຢ່າງເລິກເຊິ່ງ ທີ່ມີຕໍ່ຄຸນງາມຄວາມດີຂອງບັນດາເຈົ້າຊີວິດໃນການກໍ່ຕັ້ງປະເທດຊາດ ແລະ ຮັກສາສີສັນວັດທະນະທຳຫວຽດນາມ

(VOVWORLD) -ຫວ່າງແລ້ວນີ້ ທ່ານຮອງນາຍົກລັດຖະມົນຕີ ຫວຽດນາມ ເຈິ່ນຮົ່ງຮ່າ ໄດ້ເຫັນດີຕໍ່ການຍື່ນສະເໜີຕໍ່ອົງການ Unesco ພິຈາລະນາ ຮັບຮອງສິລະປະຂັບແຈ່ວ ເປັນມໍລະດົກວັດທະນະທຳບໍ່ເປັນວັດຖຸເປັນຕົວແທນຂອງມວນມະນຸດ. ນີ້ແມ່ນໂອກາດທີ່ດີ ເພື່ອໃຫ້ບັນດານັກສິລະປິນສາມາດໂຄສະນາວັດທະນະທຳບັນດາເຜົ່າອອກສູ່ໂລກ

(VOVWORLD) -ສິລະປະຂັບແທນພິນຕິ້ງ ພວມນັບມື້ນັບແຜ່ຂະຫຍາຍຢູ່ແຂວງ ດັກລັກ ແລະ ທັງເຂດ ເຕິຍງວຽນ ຂະນະທີີ່ມີສະໂມສອນຫຼາຍແຫ່ງ ໄດ້ຮັບການສ້າງຕັ້ງຂຶ້ນ ພ້ອມທັງມີບັນດາການເຄື່ອນໄຫວສະແດງຖືກຈັດຂຶ້ນຢູ່ທ້ອງຖິ່ນຕ່າງໆ. ງານມະໂຫລານສິລະປະຂັບແທນພິນຕິ໊ງ ນະຄອນບວດມາຖ້ວດ ຄັ້ງທີສອງ ປີ 2024 ຖືກຈັດຂຶ້ນໃນເດືອນມີນາທີ່ຜ່ານມາ ອັນໄດ້ດຶງດູດກອງສິລະປະ 14 ກອງທີ່ມາຈາກແຂວງ ດັກນົງ, ເລິມດົ່ງ ແລະ ດັກລັກເຂົ້າຮ່ວມ

(VOVWORLD) -ໃນຊຸມປີທີ່ຜ່ານມາ ພ້ອມກັບການໂຄສະນາຂົນຂວາຍຂອງອຳນາດການປົກຄອງຂັ້ນຕ່າງໆ, ບັນດານັກສິລະປິນເຈົ້າກົກເຈົ້າເຫຼົ່າໃນບ້ານ ແລະ ປະຊາຊົນຢູ່ຫຼາຍໝູ່ບ້ານຂອງຊາວເຜົ່າ ເອເດ ໃນແຂວງ ດັກລັກ ໄດ້ຮັກສາ ແລະ ເສີມຂະຫຍາຍສີສັນຂອງເຜົ່າຕົນ. ມາຢາມໝູ່ບ້ານຂອງຊາວເຜົ່າ ເອເດ ແຂກທ່ອງທ່ຽວຈະໄດ້ຄົ້ນຫາເຊື່ອມຕົວເຂົ້າກັບບັນດາຄຸນຄ່າວັດທະນະທຳທີ່ເປັນເອກະລັກຂອງປະຊາຊົນຢູ່ແຫ່ງນີ້

(VOVWORLD) -ດ້ວຍວິທີເຮັດທີ່ມີໄຫວພິບ ການນຳໃຊ້ວິທີທາງດ້ານການສຶກສາໃໝ່, ໂຮງຮຽນມັດທະຍົມຕອນຕົ້ນ ຢຸຍເຕິນ ທີ່ເທດສະບານ ກິ່ງໂມນ ແຂວງ ຫ໋າຍເຢືອງ ໄດ້ປະສົບຜົນສຳເລັດໃນເບື້ອງຕົ້ນໃນການຖ່າຍທອດສິດສອນທັງດ້ານສິລະປະຂັບແຈ່ວໃຫ້ແກ່ນັກຮຽນ. ສະໂມສອນ “ນ້ອງຮັກທຳນອງເພງພື້ນເມືອງ” ຂອງໂຮງຮຽນໄດ້ຮັບການສ້າງຕັ້ງຂຶ້ນ ດ້ວຍສະມາຊິກຫຼາຍກວ່າ 50 ຄົນ. ແຕ່ລະອາທິດພວກນ້ອງໄດ້ຮັບການແນະນຳບັນດາທຳນອງເພງຂັບແຈ່ວໃໝ່ ຊອກຮູ້ບາງທຳນອງຂັບແຈ່ວບູຮານ ແລະ ພ້ອມກັນຝຶກແອບ

(VOVWORLD) - ການນຳທຳນອງເພງພື້ນເມືອງທີ່ເປັນເອກະລັກຂອງຫຼາຍເຂດພາກ, ຫຼາຍຊົນເຜົ່າເຂົ້າໃນຫຼັກສູດການສອນຢູ່ໂຮງຮຽນແຫ່ງທີ່ມີນັກຮຽນສ່ວນຫຼາຍແມ່ນລູກຫຼານຂອງພໍ່ແມ່ພີ່ນ້ອງບັນດາເຜົ່າສ່ວນໜ້ອຍກໍ່ແມ່ນວິທີທີ່ມີຫົວຄິດປະດິດສ້າງຂອງຂະແໜງສຶກສາແຂວງດ້ຽນບຽນໃນຊຸມປີທີ່ຜ່ານມາ. ຜ່ານບັນດາຊົ່ວໂມງຮຽນພວກນ້ອງນັກຮຽນໄດ້ມີໂອກາດເຂົ້າໃຈແຈ້ງກວ່າກ່ຽວກັບວັດທະນະທຳມູນເຊື້ອທີ່ເປັນເອກະລັກສະເພາະຂອງພໍ່ແມ່ພີ່ນ້ອງເຜົ່າຕົນ ປະກອບສ່ວນຮັກສາສີສັນນັບແຕ່ຢູ່ໂຮງຮຽນ