ເຂົ້າປຸ້ນເຫ້ວອໍຊວນ

ເປັນຕາແຊບທີ່ສຸດເມື່ອໄດ້ເຫັນ ເຂົ້າປຸ້ນຖ້ວຍໜຶ່ງທີ່ຖືກປຸ່ງແຕ່ງດ້ວຍຊີ້ນງົວ, ຊີ້ນຂາໝູ, ລູກຊີ້ນ, ເລືອດງົວພ້ອມກັບຜັກຫອມ, ຜັກງອກ, ໝາກປີຕື່ມອີກ

ຮ້ານເຂົ້າປຸ້ນເຫ້ວອໍຊວນ

ເປັນຕາແຊບທີ່ສຸດເມື່ອໄດ້ເຫັນ ເຂົ້າປຸ້ນຖ້ວຍໜຶ່ງທີ່ຖືກປຸ່ງແຕ່ງດ້ວຍຊີ້ນງົວ, ຊີ້ນຂາໝູ, ລູກຊີ້ນ, ເລືອດງົວພ້ອມກັບຜັກຫອມ, ຜັກງອກ, ໝາກປີຕື່ມອີກ. ເຂົ້າປຸ້ນນ້ຳຜົງແມ່ນເຍື່ອງອາຫານທີ່ແຊບນົວຂອງນະຄອນເຫ້ວຊຶ່ງແມ່ນເມືອງຫຼວງເກົ່າຕັ້ງຢູ່ພາກກາງຫວຽດນາມ. ຖ້າຫາກຢາກຊິມ ເຂົ້າປຸ້ນນ້ຳຜົງທັງແຊບ ທັງຮັບປະກັນຫຼັກອະນາໄມຢູ່ຮ່າໂນ້ຍນັ້ນ, ຂໍເຊີນບັນດາທ່ານພ້ອມກັບນັກຂ່າວຢ້ຽວຮົ່ງຂອງ VOV ໄປຫາຮ້ານເຂົ້າປຸ້ນ ເຫ້ວອໍຊວນຊຶ່ງຕັ້ງຢູ່ຖະໜົນກວາງຈຸງຮ່າໂນ້ຍ.

ຮ້ານເຂົ້າປຸ້ນ ເຫ້ວອໍຊວນ ຕັ້ງຢູ່ເຮືອນເລັກທີ 3 ແລະ 5 ຖະໜົນກວາງຈຸງຮ່າໂນ້ຍຊຶ່ງແມ່ນສະຖານທີ່ມີອົງການ, ສຳນັກງານຢູ່ອ້ອມແອ້ມ. ແຕ່ລະມື້ເປີດປະຕູຂາຍຮັບໃຊ້ແຂກແຕ່ເຊົ້າຮອດຕອນເດິກ. ຮ້າຍເຂົ້າປຸ້ນ ເຫ້ວອໍຊວນໄດ້ເຄື່ອນໄຫວນັບແຕ່ 20 ປີມານີ້, ປະຈຸບັນມີຄົນຮັບໃຊ້ເຖິງ 15 ຄົນ, ແຕ່ບາງເວລາແຂກມາກິນຕ້ອງລໍ່ຖ້າຍ້ອນແຂກມາຫຼາຍ.

ເມື່ອເວົ້າເຖິງເຂົ້າປຸ້ນເຫ້ວຢູ່ຮ່າໂນ້ຍ ແມ່ນມີຮ້ານຫຼາຍແຫ່ງ, ແຕ່ແຂກຫຼາຍຄົນໃຫ້ຂໍ້ສັງເກດວ່າ ເຂົ້າປຸ້ນເຫ້ວອໍຊວນ ແຊບ ແລະ ມີລົດຊາດພິເສດເມື່ອທຽບໃສ່ຮ້ານອື່ນໆຍ້ອນຮ້ານມີເຄັດລັບພິເສດໃນການປຸ່ງແຕ່ງອາຫານ. ດ້ວຍຄວາມສຸມຈິດສຸມໃຈຕໍ່ການປະກອບອາຊີບຂາຍເຂົ້າປຸ້ນ, ນາງ ຈິງບອນ ເຈົ້າຂອງຮ້ານເຂົ້າປຸ້ນເຫ້ວອໍຊວນ ເປີດເຜີຍວ່າ :

“ ເພື່ອປຸ່ງແຕ່ງເຂົ້າປຸ້ນໃຫ້ແຊບ ແລະ ຖືກກັບແບບຂອງເຫ້ວນັ້ນ, ຮ້ານຕ້ອງສັ່ງຊື້ວັດຖຸດິບບາງຊະນິດມາຈາກເຫ້ວ, ຍົກຕົວຢ່າງຄື ໝາກນາວ, ໝາກເຜັດຂອງເຫ້ວ. ຖ້າຫາກຊື້ຢູ່ນີ້, ມັນຈະບໍ່ມີລົດຊາດຂອງເຫ້ວ”

ພໍ່ຂອງນາງ ບອນແມ່ນຊາວຮ່າໂນ້ຍ, ສ່ວນແມ່ ແມ່ນຊາວເຫ້ວ. ຕາມນາງ ບອນ ແລ້ວ, ປຸ່ງແຕ່ງເຂົ້າປຸ້ນໃຫ້ແຊບ ແລະ ຖືກກັບແບບຂອງເຫ້ວນັ້ນ ແມ່ນຍັງບໍ່ພຽງພໍເທື່ອ, ຫາກຕ້ອງແທດເໝາະກັບຄວາມມັກຕາມເຂດແຄ້ວນ. ນາງ ຈິງບອນ ເຈົ້າຂອງຮ້ານເຂົ້າປຸ້ນເຫ້ວອໍຊວນ ໃຫ້ຮູ້ວ່າ :

“ ສຳລັບຊາວຮ່າໂນ້ຍແລ້ວ, ການປຸ່ງແຕ່ງກໍມີຄວາມແຕກຕ່າງກັນ. ຄືຊາວຮ່າໂນ້ຍບໍ່ມັກກິນເຜັດ, ມັກກິນຮ້ອນ ”

ນາງລານເຟືອງແຂກມາກິນເຂົ້າປຸ້ນເຫ້ວຢູ່ຮ້ານອໍຊວນເປັນປະຈຳ ໃຫ້ຮູ້ວ່າ :

“ເຂົ້າປຸ້ນຢູ່ຮ້ານນີ້ແຊບ ແລະ ຮັບປະກັນຫຼັກອະນາໄມ. ບັນດາຜູ້ຮັບໃຊ້ໃນຮ້ານເຮັດວຽກຫ້າວຫັນ ແລະ ຮັກແພງແຂກ. ຮ້ານເຂົ້າປຸ້ນເຫ້ວອໍຊວນ ກໍຕັ້ງຢູ່ມໍ່ກັບສຳນັກງານຂອງຕົນ, ດັ່ງນັ້ນຂ້າພະເຈົ້າມີຄວາມສະດວກເມື່ອໄປກິນເຂົ້າປຸ້ນ. ລາຄາເຂົ້າປຸ້ນຖ້ວຍໜຶ່ງແມ່ນ 45.000 ດົງ ກໍພໍດີ. ຂ້າພະເຈົ້າພໍໃຈທີ່ສຸດ ”

ຂ່າວດີຂ່າວມວນໄດ້ຖືກສົ່ງໄປທົ່ວ, ໂດຍບໍ່ຕ້ອງການໂຄສະນາ, ແຕ່ຊື່ສຽງຂອງ ຮ້ານເຂົ້າປຸ້ນເຫ້ວອໍຊວນ ສາມາດດຶງດູດແຂກມາກິນນັບມື້ນັບຫຼາຍຂຶ້ນ. ສຳລັບນາງບອນແລ້ວ, ຂອງກິນແຊບແມ່ນຍັງບໍ່ພຽງພໍ, ຫາກທ່າທີຕ້ອນຮັບແຂກ ກໍເປັນການປະກອບສ່ວນສຳຄັນທີ່ສຸດ. 20 ປີຜ່ານມາ, ຄວາມແຊບນົວຂອງເຂົ້າປຸ້ນ ແລະ ທ່າທີຮັບໃຊ້ແຂກກໍຍັງຄົງເໝືອນເດີມ, ແຂກມາກິນ ຢູ່ຮ້ານເຂົ້າປຸ້ນເຫ້ວອໍຊວນ ຍາມໃດກໍໄດ້ຮັບຄວາມນັບຖື .

ຖ້າຫາກທ່ານຢາກປຸ່ງແຕ່ງເຂົ້າປຸ້ນເຫ້ວທີ່ແຊບນົວ ເພື່ອໃຫ້ 5 ຄົນກິນຢູ່ບ້ານ, ທ່ານຕ້ອງກະກຽມວັດຖຸດິບດັ່ງນີ້ :

ເຂົ້າປຸ້ນ 1 kg, ຊີ້ນງົວ : 300 g , ຂາໝູ 1 ອັນ, ກະດູກ 1 kg, ລູກຊີ້ນງົວ : 200 g,

ຫົວສິງໄຄ : 6 ຫົວ, ຂີງ: 50 g , ພ້ອມກັບຜັກຫອມ, ຫົວຜັກທຽມ, ໝາກເຜັດ…

ກ່ອນອື່ນໝົດຕ້ອງລ້າງໃຫ້ສະອາດທັງໝົດ, ຊີ້ນງົວພັນ ແລະ ມັດໃຫ້ແໜ້ນ. ຫຼັງຈາກນັ້ນ, ເອົາຊີ້ນຈຸ່ມໃສ່ນ້ຳຟົດບຶດດຽວ, ແລ້ວກໍນຳໄປເອືອບກັບເກືອ, ແປ້ງນົວ, ຜັກຫອມບົວ,, ຜັກທຽມ ແລະ ຫົວສິງໄຄ. ເອືອບປະມານ 10 ນາທີ.

ຫຼັງຈາກນັ້ນ ພວກເຮົາເລີ່ມອົບ:

ກ່ອນອື່ນ ຕ້ອງເອົາຫົວສິງໄຄ ແລະ ຂີງ ພ້ອມກັບກະດູກໝູ ແລະ ຊີ້ຂາໝູໃສ່ໝໍ້ອົບ, ແລະໃຕ້ໄຟພໍດີ, ຖ້າຮອດເວລາຊີ້ນອ່ອນໄປ ຈຶ່ງໄດ້.

ກໍເຊັ່ນກັບວິທີນີ້, ພວມເຮັດເຮັດຄ້າຍຄືກັນກັບຊີ້ງົວ.

ພາຍຫຼັງອົບແລ້ວ, ພວກເຮົາຕັກຊີ້ນຂຶ້ນ , ແລ້ວປະໃຫ້ນຳ້ຍ້ອຍໝົດ. ຫຼັງຈາກນັ້ນ ຮອດຂັ້ນຕອນປຸ່ງແຕ່ງນ້ຳເຂົ້າປຸ້ນ. ພວກທ່ານຕ້ອງເອົານຳ້ຕົ້ມກະດູກ ແລະ ຊີ້ນງົວໃສ່ໝໍ້ໃຫຍ່, ແລ້ວຕ້ອງຕົ້ມໃຫ້ຟົດ. ຈາກນັ້ນເອົາຂົ້ວຫົວສິງໄຄ, ຜັກທຽມໃສ່ຕື່ມອີກ.

ສຸດທ້າຍ, ພວກທ່ານ ຕັດຜັກຫອມບົວ, ຫອມປ້ອມ…ໃຫ້ບ່າງໆ. ກະກຽມໝາກນາວ, ໝາກເຜັດຕາມໃຈມັກ ແລະ ເອົາຊີ້ນງົວ, ຊີ້ນຂາໝູ, ລູກຊີ້ນງົວພ້ອມກັບຜັກຫອມໃສ່ຖ້ວຍ, ແລ້ວກໍຖອກນຳ້ເຂົ້າປຸ່ນໃສ່ຈຶ່ງສຳເລັດ. ຫວັງວ່າບັນດາທ່ານຈະຮັບປະທານດ້ວຍຄວາມແຊບນົວ.