ສື່ມວນ​ຊ​ົນ​ສາ​ກົນ ເນັ້ນ​ໜັກ​ເຖິງ​ນະ​ໂຍ​ບາຍ​ປະ​ຕິ​ຮູບ ແລະ ການ​ເຕີບ​ໂຕ​ຂອງ ຫວຽດ​ນາມ

ຄະນະບໍລິຫານງານສູນກາງພັກກອມມູນິດ ຫວຽດນາມ ສະໄໝທີ XIV ສະເໜີຕົວຕໍ່ກອງປະຊຸມໃຫຍ່ (ພາບ: VOV)

ຫຼາຍສຳນັກຂ່າວພາກພື້ນ ແລະ ສາກົນ, ໃນນັ້ນ ມີສຳນັກຂ່າວສານຊິນຮວາ, ໜັງສືພິມ ໜານກວາຈ້າວປ້າວ, Laotian Times ພ້ອມກັບບັນດາອົງການສື່ມວນຊົນຕາເວັນຕົກຄື: Bloomberg ແລະ AFP ເນັ້ນໜັກວ່າ ເລື່ອງຄະນະບໍລິຫານງານສູນກາງພັກສະໄໝທີ XIV ບັນລຸໄດ້ຄວາມເຫັນດີເປັນເອກະພາບຢ່າງຂາດຂັ້ນເລືອກຕັ້ງທ່ານ ໂຕເລິມ, ເລຂາທິການໃຫຍ່ ຄະນະບໍລິຫານງານສູນກາງພັກສະໄໝທີ XIII, ສືບຕໍ່ດຳລົງຕຳແໜ່ງເປັນເລຂາທິການໃຫຍ່ ຄະນະບໍລິຫານງານສູນກາງພັກສະໄໝທີ XIV, ຖືນີ້ແມ່ນປະກົດການທີ່ຈະແຈ້ງທີ່ສຸດໃຫ້ແກ່ຄວາມເປັນເອກະພາບສູງພາຍໃນພັກກອມມູນິດ ຫວຽດນາມ, ປະກອບສ່ວນຮັບປະກັນລັກສະນະສະຖຽນລະພາບ ແລະ ສືບທອດໃນວຽກງານນຳພາປະເທດຊາດ.

ຫາງສຽງສາກົນກໍມີຄວາມສົນໃຈເຖິງເລື່ອງ ກອງປະຊຸມໃຫຍ່ຄັ້ງທີ XIV ໄດ້ບູລະນະກົມການເມືອງສະໄໝໃໝ່ຢ່າງສົມບູນ ດ້ວຍໂຄງປະກອບທີ່ໄດ້ຮັບການຕີລາຄາວ່າ ເປັນການປະສານສົມທົບຢ່າງກົມກ່ຽວລະຫວ່າງລັກສະນະສືບທອດ ແລະ ປ່ຽນແປງໃໝ່, ຕອບສະໜອງຄວາມຮຽກຮ້ອງຕ້ອງການຊີ້ນຳນຳພາໃນສະພາບການ ຫວຽດນາມ ກ້າວເຂົ້າສູ່ໄລຍະພັດທະນາໃໝ່, ມຸ່ງໄປເຖິງການຫັນປະເທດເປັນທັນສະໄໝ ແລະ ເຊື່ອມໂຍງເຂົ້າກັບສາກົນຢ່າງເລິກເຊິ່ງກວ້າງຂວາງ.