ប្រធានគណៈកម្មាធិការកិច្ចការបរទេសមជ្ឈិមលោក Le Hoai Trung អញើញថ្លែងមតិនៅកិច្ចសន្ទនា SRED ២០២៥ (រូបថត៖ Le Duong/TTXVN)

ក្នុងដំណើរទស្សនកិច្ចនេះ លោក Le Hoai Trung បានចូលជួបសម្តែងការគួរសមជាមួយអតីតនាយករដ្ឋមន្ត្រី ទេសរដ្ឋមន្ត្រី Lee Hsien Loong ដែលជាទីប្រឹក្សាជាន់ខ្ពស់គណបក្សសកម្មភាពប្រជាជន (PAP) ដែលកំពុងកាន់អំណាចផងដែរ។ ជួបជាមួយឧបការីអគ្គលេខាធិការ និងជារដ្ឋមន្ត្រីក្រសួងអប់រំ លោក Chan Chun Sing; ជួបធ្វើការជាមួយរដ្ឋមន្ត្រីការបរទេស Vivian Balakrishnan; ជួបពិភាក្សាការងារជាមួយប្រធានក្រុមហ៊ុន Temasek Group លោក Lim Boon Heng នាយកប្រតិបត្តិមូលនិធិ Temasek លោក Ng Boon Heong ជាដើម។ គណៈប្រតិភូក៏បានដាក់កម្រងផ្កានៅវិមានហូជីមិញ ទស្សនាគ្រឹះស្ថានសេដ្ឋកិច្ច និងវប្បធម៌មួយចំនួន និងបានពិភាក្សាជាមួយកម្មាភិបាលស្ថានទូតវៀតណាមប្រចាំប្រទេសសិង្ហបុរី។

ប្រធានគណៈកម្មាធិការកិច្ចការបរទេសមជ្ឈិម លោក Le Hoai Trung អញ្ជើញចូលជួបសម្តែងការគួរសមជាមួយអតីតនាយករដ្ឋមន្ត្រី  ទេសរដ្ឋមន្ត្រី លោក Lee Hsien Loong (រូបថត៖ TTXVN)

ក្នុងជំនួបជាមួយថ្នាក់ដឹកនាំជាន់ខ្ពស់សិង្ហបុរី លោក Le Hoai Trung ប្រធានគណៈកម្មាការកិច្ចការបរទេសមជ្ឈិមបានវាយតម្លៃខ្ពស់ចំពោះកិច្ចសហប្រតិបត្តិការរវាងវៀតណាម សិង្ហបុរីនិងរួមទាំងកម្មវិធីបណ្តុះបណ្តាលធនធានមនុស្ស កម្មវិធីសហប្រតិបត្តិការ ក៏ដូចជាការសម្របសម្រួលក្នុងបញ្ហាអន្តរជាតិ។ វៀតណាមជានិច្ចកាលវាយតម្លៃខ្ពស់ និងមានបំណងចង់បន្តជំរុញទំនាក់ទំនងដៃគូយុទ្ធសាស្ត្រវៀតណាម-សិង្ហបុរី។

ប្រធានគណៈកម្មាធិការកិច្ចការបរទេសមជ្ឈិម លោក Le Hoai Trung បានចូលជួបសម្តែងការគួរសមជាមួយឧបការីអគ្គលេខាធិការ PAP លោក Chan Chun Sing (រូបថត៖ TTXVN)

ថ្លែងមតិនៅ “កិច្ចសន្ទនា S. Rajaratnam” លោក Le Hoai Trung បានពិភាក្សាអំពីសមិទ្ធិផលសំខាន់ៗរបស់វៀតណាមបន្ទាប់ពី ៤០ ឆ្នាំនៃការផ្លាស់ប្តូរថ្មី គោលនយោបាយការបរទេសរបស់វៀតណាម និងគោលដៅអភិវឌ្ឍន៍រយៈពេលវែងក្នុងយុគសម័យថ្មីរបស់វៀតណាម ដែលជាយុគសម័យនៃការស្ទុះឈានទៅមុខដើម្បីភាពសម្បូរធូធារនិងវិបុលភាពរបស់ប្រជាជនវៀតណាម៕