ប្រធានរដ្ឋលោក លឿង គឿង សាកសួរសុខទុក្ខនិងជូនពរឆ្នាំថ្មីដល់កងកម្លាំងប្រដាប់អាវុធនៅ Phu Quoc
(VOVWORLD) - ក្នុងឱកាសឆ្នាំថ្មី ឆ្នាំ ២០២៥ និងបុណ្យតេតប្រពៃណីជាតិខិតជិតមកដល់ នាព្រឹកថ្ងៃទី ១៤ មករា ប្រធានរដ្ឋវៀតណាម លោក លឿង គឿង និងគណៈប្រតិភូមជ្ឈិមបានអញ្ជើញទៅសាកសួរសុខទុក្ខ និងជូនពរឆ្នាំថ្មីដល់គណៈកម្មាធិការបក្ស រដ្ឋបាល និងប្រជាជនខេត្ត Kien Giang នៅទីស្នាក់ការគណៈកម្មាធិការបក្សទីក្រុង Phu Quoc។
លោកប្រធានរដ្ឋបានសង្កត់ធ្ងន់ថា Kien Giang មានតួនាទីនិងឋានៈជាយុទ្ធសាស្ត្រសំខាន់ណាស់ក្នុងវិស័យសេដ្ឋកិច្ច នយោបាយ កិច្ចការបរទេស ការពារជាតិ និងសន្តិសុខ។ កងកម្លាំងប្រដាប់អាវុធខេត្ត Kien Giang ពង្រឹងការគ្រប់គ្រងដើម្បីធានាសន្តិសុខ សណ្តាប់ធ្នាប់ និងសុវត្ថិភាពទាំងស្រុង ជាពិសេសនៅមូលដ្ឋានសំខាន់ៗ ដែលមានប្រជាជនរស់នៅច្រើនកុះករ នារយៈពេលខាងមុខ ជាពិសេសក្នុងឱកាសបុណ្យតេតប្រពៃណីនេះ។
 ប្រធានរដ្ឋ លោក លឿង គឿង បានជូនពរឆ្នាំថ្មីដល់ ភូមិភាគលេខ ៥ កងទ័ពជើងទឹក និងកងកំលាំងប្រដាប់អាវុធនៅទីក្រុង Phu Quoc ខេត្ត Kien Giang។ រូបថត៖ Lam Khanh/VNA |
ដោយចង្អុលបង្ហាញថា ផែនការរៀបចំទីក្រុង Phu Quoc រហូតដល់ឆ្នាំ២០៤០ ត្រូវបានអនុម័តដោយរដ្ឋាភិបាល លោកប្រធានរដ្ឋបានកត់សម្គាល់ថា ការអភិវឌ្ឍទីក្រុងត្រូវតែគោរពតាមផែនការ ដោយធានាថា Phu Quoc ក្លាយជាឋានសួគ៌ទេសចរណ៍និងរមណីយដ្ឋានយ៉ាងពិតប្រាកដ។ ជាពិសេសនៅឆ្នាំ ២០២៧ ទីក្រុង Phu Quoc ខេត្ត Kien Giang ត្រូវបានជ្រើសរើសជាម្ចាស់ផ្ទះនៃវេទិកាសេដ្ឋកិច្ចអាស៊ី-ប៉ាស៊ីហ្វិក (APEC)។ លោកប្រធានរដ្ឋ លឿង គឿង បានស្នើឱ្យខេត្ត Kien Giang និយាយរួម និងទីក្រុង Phu Quoc និយាយដោយឡែក ត្រៀមរៀបចំឱ្យបានល្អ ដើម្បីព្រឹត្តិការណ៍នេះប្រព្រឹត្តិទៅប្រកបដោយជោគជ័យ៕