នាយិការ CIEM លោកស្រី Tran Thi Hong Minh ថ្លែងក្នុងសិក្ខាសាលា។ រូបថត Trung Hieu/VOV1

របាយការណ៍ម៉ាក្រូសេដ្ឋកិច្ចវៀតណាមឆ្នាំ ២០២៤ និងយថាទស្សន៍សម្រាប់ឆ្នាំ ២០២៥ របស់ CIEM បានវាយតម្លៃថា សេដ្ឋកិច្ចវៀតណាមមានមូលដ្ឋានគ្រឹះវិជ្ជមានសម្រាប់ដំណាក់កាលអភិវឌ្ឍន៍ថ្មី។ ក្នុងឆ្នាំ ២០២៤ កំណើន GDP របស់វៀតណាមត្រូវបានប៉ាន់ប្រមាណចំនួន ៧,០៩% ។ របាយការណ៍នេះបានកត់សម្គាល់ពីបញ្ហាប្រឈមចំនួនបួន សម្រាប់កំណើនសេដ្ឋកិច្ចនៅឆ្នាំ ២០២៥។ ទីមួយ កំណើនសេដ្ឋកិច្ចសកលអាចនឹងងើបឡើងវិញយឺតយ៉ាវ ឬសូម្បីតែធ្លាក់ចុះនៅឆ្នាំ ២០២៥។ ទីពីរ វៀតណាមត្រូវអនុវត្តឱ្យបានឆាប់ៗនូវវិធីសាស្រ្តអភិក្រមដែលស្របនឹងការអភិវឌ្ឍយ៉ាងឆាប់រហ័សនៃបច្ចេកវិទ្យាថ្មីៗ។ ទី៣ ចាំបាច់ត្រូវបញ្ជាក់ឱ្យបានទាន់ពេលវេលានូវលក្ខណៈវិនិច្ឆ័យគុណភាពគម្រោង ស្របតាមទិសដៅអភិវឌ្ឍន៍សេដ្ឋកិច្ច ដើម្បីបន្តទាក់ទាញវិនិយោគិនផ្ទាល់ពីបរទេស(FDI)ប្រកបដោយគុណភាពនិងប្រសិទ្ធភាព។ ទីបួន គឺសម្រេចបាននូវកំណើនខ្ពស់ មិនដើរទន្ទឹមជាមួយសម្ពាធអតិផរណាខ្ពស់។ បណ្ឌិត Tran Thi Hong Minh នាយិការវិទ្យាស្ថានស្រាវជ្រាវការគ្រប់គ្រងសេដ្ឋកិច្ចមជ្ឈិមបានធ្វើអធិប្បាយថា៖ “យើងបានកំណត់យ៉ាងច្បាស់នូវការលំបាកនិងបញ្ហាប្រឈមជាច្រើន ដូចជាហានិភ័យនៃអន្ទាក់ចំណូលមធ្យម កត្តាដែលបង្កើតកម្លាំងចលករថ្មីសម្រាប់ការផ្លាស់ប្តូរថ្មីគំរូកំណើននិងការកែលម្អសមត្ថភាពប្រកួតប្រជែង។ ជាមួយនឹងផ្នត់គំនិតនេះ រាល់ការលំបាកនិងបញ្ហាប្រឈមអាចក្លាយជា "សម្ពាធវិជ្ជមាន" សម្រាប់វៀតណាម ប្តេជ្ញាអនុវត្តកំណែទម្រង់សេដ្ឋកិច្ចជាមូលដ្ឋាន ដោយផ្តោតលើការផ្លាស់ប្តូរថ្មី នវានុវត្តន៍និងធ្វើសមាហរណកម្ម ដើម្បីសម្រេចបាននូវគោលដៅកំណើនសេដ្ឋកិច្ចសម្រាប់ឆ្នាំ ២០២៥ និងទសវត្សរ៍ខាងមុខ”។

ទិដ្ឋភាពទូទៅនៃសិក្ខាសាលា។ រូបថត Trung Hieu/VOV1

របាយការណ៍ម៉ាក្រូសេដ្ឋកិច្ចវៀតណាមឆ្នាំ ២០២៤ យថាទស្សន៍សម្រាប់ឆ្នាំ ២០២៥ ផ្តល់អនុសាសន៍ថា វៀតណាមត្រូវចាប់យកឱ្យបានល្អ នូវការជំរុញការរៀបចំរចនាសម្ព័ន្ធសេដ្ឋកិច្ចឆ្ពោះទៅរកការបង្កើនផ្នែកនិងផលិតផលជាមួយនឹងតម្លៃបន្ថែមខ្ពស់និងបច្ចេកវិទ្យាខ្ពស់ជាងមុន។ បន្តទាក់ទាញការវិនិយោគពីបរទេសដើម្បីពង្រីកទំហំកំណើនសេដ្ឋកិច្ចតាមរយៈការផ្ទេរបច្ចេកវិទ្យា; លើកកំពស់ផលិតភាពតាមរយៈការកំណែទម្រង់ស្ថាប័ន រួមទាំងកំណែទម្រង់ក្បាលម៉ាស៊ីន និងកំណែទម្រង់បែបបទរដ្ឋបាលផងដែរ៕