(VOVWORLD) - ទីភ្នាក់ងារសារព័ត៌មានកម្ពុជា (AKP) បានដកស្រង់សម្តីរបស់អ្នកនាំពាក្យក្រសួងការពារជាតិកម្ពុជា លោកស្រី ម៉ាលី សុជាតា កាលពីថ្ងៃទី ៣០ កក្កដា បានឲ្យដឹងថា រដ្ឋមន្ត្រីក្រសួងការពារជាតិកម្ពុជា លោក ទៀ សីហា ជាមួយសមភាគីថៃ នឹងធ្វើជាសហអធិបតីនៃកិច្ចប្រជុំគណៈកម្មាធិការព្រំដែនចម្រុះរវាងប្រទេសទាំងពីរ ដែលគ្រោងនឹងប្រព្រឹត្តិទៅនៅប្រទេសកម្ពុជា នៅថ្ងៃទី៤ ខែសីហា។

(VOVWORLD) - រដ្ឋបាលសហរដ្ឋអាមេរិករបស់លោកប្រធានាធិបតី Donald Trump កាលពីថ្ងៃទី ៣០ ខែកក្កដា បានប្រកាសអត្រាពន្ធដែលប្រទេសនេះនឹងអនុវត្តចំពោះដៃគូសេដ្ឋកិច្ចសំខាន់ៗមួយចំនួនចាប់ពីថ្ងៃទី ១ ខែសីហា។ តាមនោះ ចាប់ពីថ្ងៃទី ១ ខែសីហា សហរដ្ឋអាមេរិកនឹងដាក់ពន្ធ ២៥% លើទំនិញនាំចូលពីប្រទេសឥណ្ឌាដែលជាមហាអំណាចសេដ្ឋកិច្ចទី ៥ របស់ពិភពលោក។ ក្រៅពីអត្រាពន្ធនេះ ប្រធានាធិបតីអាមេរិកក៏បានឲ្យដឹងថា នឹងមាន "ទណ្ឌកម្ម" មួយទៀតសម្រាប់ឥណ្ឌា ដោយសារតែឥណ្ឌាទិញប្រេងនិងឧស្ម័នពីរុស្ស៊ី ប៉ុន្តែមិនទាន់បង្ហើបពីការពិន័យជាក់លាក់នោះឡើយ។

(VOVWORLD) - នាព្រឹកថ្ងៃទី ៣០ ខែកក្កដា ក្រុមផលិតភាពយន្តឥណ្ឌានៃគម្រោងភាពយន្តអន្តរជាតិ SILAA បានមកដល់ខេត្ត Quang Tri ដោយមានផែនការថតភាពយន្តនៅទីតាំងសំខាន់ៗជាច្រើនក្នុងខេត្ត ចាប់ពីថ្ងៃទី ៣១ ខែកក្កដា ដល់ថ្ងៃទី ១២ ខែសីហា ឆ្នាំ ២០២៥។

(VOVWORLD) - នាព្រឹកថ្ងៃទី៣០ ខែកក្កដា នៅទីស្នាក់ការក្រសួងការពារប្រទេសវៀតណាម លោកនាយឧត្តមសេនីយ៍ Phan Van Giang រដ្ឋមន្ត្រីក្រសួងការពារប្រទេសវៀតណាម បានអញ្ជើញជាអធិបតីក្នុងពិធីទទួលបដិសណ្ឋារកិច្ចចំពោះគណៈប្រតិភូក្រសួងការពារជាតិឥណ្ឌូនេស៊ី ដឹកនាំដោយលោករដ្ឋមន្ត្រី Sjafrie Sjamsoeddin មកបំពេញទស្សន កិច្ចជាផ្លូវការនៅវៀតណាមចាប់ពីថ្ងៃទី ២៩ ដល់ថ្ងៃទី ៣០ ខែកក្កដា។

(VOVWORLD) - នេះជាសំណើរបស់អគ្គលេខាបក្សកុម្មុយនិស្ត វៀតណាមលោក តូ ឡឹម ក្នុងជំនួប ធ្វើការជាមួយអនុគណៈកម្មការទទួលបន្ទុកឯកសារ តំណាងអចិន្ត្រៃយ៍មកពីអនុគណៈ កម្មការនៃមហាសន្និបាតបក្សលើកទី១៤ និងគណៈកម្មាធិការដឹកនាំការបូកសរុប ៤០ ឆ្នាំនៃបុព្វហេតុផ្លាស់ប្ដូរថ្មី ដើម្បីត្រៀមរៀបចំឯកសារសម្រាប់មហាសន្និបាតបក្សលើក ទី១៤ ដែលប្រព្រឹត្តទៅនៅព្រឹកថ្ងៃទី ៣០ កក្កដា នៅទីស្នាក់ការមជ្ឈិមបក្ស (ទីក្រុង ហាណូយ)។ អញ្ជើញចូលរួមមាននាយករដ្ឋមន្ត្រីវៀតណាមលោក ហ្វាម មិញជីញ ផងដែរ។

(VOVWORLD) - នាម៉ោង ២ ទៀបភ្លឺ ថ្ងៃទី ៣០ ខែកក្កដា (ម៉ោង GMT) ការរញ្ជួយដីកម្រិត ៨,៨ រិចទ័របានកើតឡើងនៅឯនាយសមុទ្រនៃឧបទ្វីប Kamchatka តំបន់ចុងបូព៌ារុស្ស៊ី។ នេះជាការរញ្ជួយដីខ្លាំងបំផុតដែលបានកត់ត្រានៅលើឧបទ្វីប Kamchatka ចាប់តាំងពីឆ្នាំ ១៩៥២ មក។

(VOVWORLD) - នាយករដ្ឋមន្ត្រីអង់គ្លេស លោក Keir Starmer បាននិយាយកាលថ្ងៃទី ២៩ ខែកក្កដា ថា ប្រទេសនេះត្រៀមខ្លួនជាស្រេចទទួលស្គាល់រដ្ឋប៉ាឡេស្ទីនក្នុងខែកញ្ញា ខាងមុខ នៅឯមហាសន្និបាតអង្គការសហប្រជាជាតិ លុះត្រាតែអ៊ីស្រាអែលចាត់វិធាន ការមួយចំនួនដើម្បីកែលម្អជីវភាពរស់នៅរបស់ប្រជាជនប៉ាឡេស្ទីន បញ្ចប់ជម្លោះនៅ តំបន់ហ្គាហ្សា ហើយសន្យាចំពោះសន្តិភាពដោយផ្អែកលើដំណោះស្រាយ “រដ្ឋពីរ”។

(VOVWORLD) - សហរដ្ឋអាមេរិក និងចិនកាលពីថ្ងៃទី ២៩ កក្កដា បានឯកភាពបន្តការចរចាលើ ការពន្យាពេលកិច្ចព្រមព្រៀងស្ដីពីការផ្អាកដាក់ពន្ធគ្នាទៅវិញទៅមក បន្ទាប់ពីកិច្ចប្រជុំ រយៈពេលពីរថ្ងៃនៅទីក្រុង Stockholm ប្រទេសស៊ុយអែត សំដៅសម្រេចបានកិច្ចព្រម ព្រៀងពាណិជ្ជកម្មមុនកាលកំណត់ថ្ងៃទី ១២ ខែសីហា។

(VOVWORLD) - ក្រុមបាលទាត់ U២៣ វៀតណាម បានក្លាយជាក្រុមបាល់ទាត់បុរសដំបូងគេដែលឈ្នះជើងឯកអាស៊ីអាគ្នេយ៍ចំនួន ៣ ដងជាប់គ្នា (២០២២, ២០២៣ និង ២០២៥) បន្ទាប់ពីយកឈ្នះលើក្រុម U២៣ ឥណ្ឌូនេស៊ីដោយលទ្ធផល ១-០ ក្នុងការប្រកួតវគ្គផ្តាច់ព្រ័ត្រនាយប់ថ្ងៃទី ២៩ ខែកក្កដា នៅកីឡដ្ឋាន Gelora Bung Karno (ឥណ្ឌូនេស៊ី)។ គួរបញ្ជាក់ផងដែរថា ក្រុមបាល់ទាត់ U២៣ វៀតណាមបានឈ្នះជើងឯកដោយកំណត់ត្រាឈ្នះទាំងស្រុង។

(VOVWORLD) - ក្នុងជំនួបជាមួយលោក Park Chang Dal បេសកជនពិសេសរបស់ប្រធានាធិបតីកូរ៉េខាងត្បូង ដែលកំពុងបំពេញទស្សនកិច្ចការងារនៅវៀតណាម (២៨-៣០ កក្កដា) នារសៀលថ្ងៃទី ២៩ កក្កដា នៅទីក្រុងហាណូយ នាយករដ្ឋមន្ត្រីវៀតណាម លោក ហ្វាម មិញជីញ បានស្នើឲ្យភាគីទាំងពីរបន្តជំរុញទំនាក់ទំនងសេដ្ឋកិច្ច បង្កើនការផ្លាស់ប្តូរប្រជាជន និងកិច្ចសហប្រតិបត្តិការទេសចរណ៍។