ទិដ្ឋភាពនៅជំនួបធ្វើការ។ (រូបថត៖ VOV)
ថ្លែងមតិនៅទីនេះ លោកអគ្គលេខាបក្ស តូ ឡឹម បានសង្កត់ធ្ងន់ថា សេចក្តីព្រាងរបាយការណ៍របស់បណ្ដាអនុគណៈកម្មការ គឺជាឯកសារដ៏សំខាន់បំផុត ដើម្បីឲ្យគ្រប់ កម្រិត និងគ្រប់ផ្នែក ចូលរួមកសាង បំពេញបន្ថែម និងសុក្រិត។ បើតាមលោកអគ្គ លេខាបក្ស នៅតែមានការងារជាច្រើនដែលត្រូវធ្វើ ដើម្បីឲ្យឯកសាររបស់បក្សពិតជា “ភ្លើងគប់បំភ្លឺផ្លូវ” និងពិតជាសៀវភៅណែនាំសម្រាប់សកម្មភាពក្នុងប្រព័ន្ធនយោបាយ ទាំងមូល។ លោកអគ្គលេខាបក្ស តូ ឡឹម បានស្នើថា៖
“ទន្ទឹមនឹងការផ្ញើរទៅកាន់មហាសន្និបាតគ្រប់ជាន់ថ្នាក់ដើម្បីចូលរួមផ្ដល់មតិយោបល់ ខ្ញុំស្នើឱ្យគណៈអចិន្ត្រៃយ៍នៃអនុគណៈកម្មការ និងគណៈកម្មាធិការដឹកនាំ បន្តម្ចាស់ការស្រាវជ្រាវ ពិនិត្យ ធ្វើបច្ចុប្បន្នភាព បំពេញបន្ថែម និងសុក្រិតសេចក្តីព្រាង ឯកសារទាំងនេះ។ នេះជាដំណើរការដែលបក្ខភាគនិងប្រជាជនចូលរួមផ្ដល់មតិ យោបល់ ហើយយើងត្រូវម្ចាស់ការផ្ទៀងស្តាប់និងក្រេបយក។ យើងធ្វើដំណើរការនេះ ជាប្រចាំ និងបន្តបន្ទាប់ រហូតដល់ឯកសារមហាសន្និបាតត្រូវបានអនុម័ត”។
លោកអគ្គលេខាបក្ស តូ ឡឹម អញ្ជើញថ្លែងនៅជំនួបធ្វើការ។ (រូបថត៖ VOV)
លោកអគ្គលេខាបក្សបានស្នើឱ្យអនុគណៈកម្មការសេដ្ឋកិច្ចសង្គម ដឹកនាំគណៈ កម្មាធិការបក្សនៃក្រសួងហិរញ្ញវត្ថុ ពិនិត្យឡើងវិញនូវសេចក្តីព្រាងកម្មវិធីសកម្មភាព ក្នុងសេចក្តីសម្រេចចិត្តនៃមហាសន្និបាតបក្សលើកទី១៤ ដោយគិតគូពីសមត្ថភាព កៀងគរធនធាន បំពេញប្រភពទុន លក្ខខណ្ឌក្នុងការរៀបចំ អនុវត្តគម្រោង និងសំណង់ សំខាន់ៗរបស់ប្រទេសជាតិ កំណត់ឱ្យបានច្បាស់លាស់នូវកិច្ចការអាទិភាពនានាដើម្បី នាំមកនូវប្រសិទ្ធភាពផ្នែកសេដ្ឋកិច្ចសង្គមនិងការអភិវឌ្ឍដោយស្ថិរភាពសម្រាប់ប្រទេសជាតិនាពេលខាងមុខ៕