(VOVWORLD) - នាថ្ងៃទី ២៤ ខែតុលា នៅទីស្នាក់ការអង្គការសហប្រជាជាតិ ប្រចាំទីក្រុង ញូវយ៉ក (សហរដ្ឋអាមេរិក) បានប្រព្រឹត្តទៅវេទិកាសកលលើកទី ១៩ ស្តីពីការតាំងទីលំនៅ ដោយប្រធានបទ "ជម្រុញការច្នៃប្រឌិតនិងភាព ជាអ្នកដឹកនាំនៅក្នុងមូលដ្ឋានសម្រាប់អនាគតប្រកបដោយចីរភាពនៃទីក្រុង”។

(VOVWORLD) - នាព្រឹកថ្ងៃទី ២៥ តុលា) នៅវិមានរដ្ឋសភា បន្តកម្មវិធីសម័យប្រជុំរដ្ឋសភាលើកទី ៨ នីតិកាលទី១៥ ក្រោមអធិបតីភាពប្រធានរដ្ឋសភា លោក ត្រីន ថាញ់ មិន រដ្ឋសភាបានបើកកិច្ចពិភាក្សាពេញអង្គនៅសាលប្រជុំ លើខ្លឹមសារមួយចំនួនដែលមានមតិផ្សេងគ្នានៅក្នុងសេចក្តីព្រាងច្បាប់ស្តីពីផែនការទីក្រុងនិងជនបទ។

(VOVWORLD) - ថ្លែងនៅក្នុងកិច្ចប្រជុំស្តីពីស្ថានភាពនៅលីបង់ ដោយបារាំងរៀបចំឡើងថ្ងៃទី ២៤ ខែតុលាប្រធានាធិបតីបារាំងលោក Emmanuel Macron បានសង្កត់ធ្ងន់ថា ជម្លោះរវាងអ៊ីស្រាអែលនិងកងកម្លាំងហេសបូឡា បណ្តាលឲ្យប្រជាជនជាង ១ លាននាក់ត្រូវជម្រ្លៀសខ្លួនទាំងនៅក្នុងប្រទេសអ៊ីស្រាអែលនិងលីបង់ ហើយមនុស្ស ២.៥០០នាក់ត្រូវស្លាប់ និងធ្វើឲ្យវិបត្តិសេដ្ឋកិច្ចកាន់តែដុនដាប់។ ដូច្នេះ "ជំនួយដ៏ធំ" គឺត្រូវការជាចាំបាច់នាពេលខាងមុខ ដើម្បីឧបត្ថម្ភមិនត្រឹមតែជនភៀសខ្លួនរាប់សែននាក់ប៉ុណ្ណោះទេ ថែមទាំងសហគមន៍ដែលទទួលពួកគេទៀតផង។

(VOVWORLD) - នាថ្ងៃទី ២៤ ខែតុលា នៅស្រុក Cho Gao ខេត្ត Tien Giang ក្រុមហ៊ុនភាគហ៊ុន FADO iExport បានសម្របសម្រួលជាមួយ សហករណ៍ Hung Thinh Phat រៀបចំការនាំចេញផ្លែដូងជាផ្លូវការជើងដំបូងទៅកាន់ទីផ្សារប្រទេស ចិន ដោយមានចំនួន ៦ម៉ឺន ផ្លែ ទម្ងន់ប្រហែល ៦៥ តោន។

(VOVWORLD) - រដ្ឋមន្ត្រីការបរទេសអាមេរិក លោក Antony Blinken បានមកដល់ទីក្រុង Doha នៅថ្ងៃទី ២៤ ខែតុលា ដើម្បីធ្វើការពិភាក្សាជាមួយប្រទេសកាតា ដែលជាអ្នកសម្របសម្រួលសម្រាប់ជម្លោះរវាងចលនាអ៊ីស្លាមហាម៉ាស និងអ៊ីស្រាអែលនៅតំបន់ហ្គាហ្សាស្ទ្រីប។ នេះជាកិច្ចខិតខំប្រឹងប្រែងការទូតថ្មីបំផុត សំដៅទប់ស្កាត់ការកើនឡើងបន្ថែមទៀតនៃភាពតានតឹងនៅក្នុងតំបន់។

(VOVWORLD) - មហោស្រពវប្បធម៌និងកីឡាលើកទី៧នៃតំបន់ជនជាតិភាគតិចនៅខេត្ត Lam Dong - ឆ្នាំ ២០២៤ បានបើកនាថ្ងៃទី ២៤ តុលា នៅស្រុក Bao Lam ខេត្ត Lam Dong។ មហោស្រពបានបង្ហាញពីស្មារតីសាមគ្គីភាពនៅ ភាគខាងត្បូងនៃតំបន់ខ្ពង់រាបភាគកណ្តាល (Tay Nguyen) ដោយមានការចូលរួមពីសិល្បករសិល្បការិនីជាង ៣០០ នាក់មកពីស្រុក ក្រុងទាំង ១២ ក្នុងខេត្ត Lam Dong។

(VOVWORLD) - នាថ្ងៃទី ២៤ ខែតុលា ក្នុងឱកាសចូលរួមកិច្ចប្រជុំថ្នាក់ដឹកនាំក្រុមប្រទេស BRICS បើកទូលាយ នៅទីក្រុង Kazan សហព័ន្ធរុស្ស៊ី នាយករដ្ឋមន្ត្រីវៀតណាម លោក ហ្វាម មីញជីញ បានអញ្ជើញជួបសន្ទនាទ្វេភាគីជាមួយថ្នាក់ដឹកនាំនៃប្រទេសមួយចំនួន។

(VOVWORLD) - នាយប់ថ្ងៃ ទី ២៤ តុលា យន្តហោះដឹកលោកនាយករដ្ឋមន្ត្រី ហ្វាម មីញ ជីញនិងគណៈប្រតិភូជាន់ខ្ពស់វៀតណាមបានចាកចេញពីទីក្រុង Kazan បញ្ចប់ប្រកបដោយជោគជ័យ ដំណើរទស្សនកិច្ចចូលរួមកិច្ចប្រជុំថ្នាក់ដឹកនាំ BRICS បើកទូលាយឆ្នាំ ២០២៤ ក្រោមប្រធានបទ “BRICS និងអឌ្ឍគោលខាងត្បូង៖ រួមគ្នាកសាងពិភពលោកឱ្យកាន់តែប្រសើរឡើង”។

(VOVWORLD) - ក្នុងក្របខ័ណ្ឌនៃការចូលរួមកិច្ចប្រជុំថ្នាក់ដឹកនាំក្រុម BRICS បើកទូលាយ ឆ្នាំ២០២៤ នៅទីក្រុង Kazan ប្រទេសរុស្ស៊ី នាយប់ថ្ងៃទី ២៤ ខែតុលា នាយករដ្ឋមន្ត្រីវៀតណាម លោក ហ្វាម មីញជីញ បានអញ្ជើញជួបពិភាក្សាជាមួយប្រធានាធិបតីសហព័ន្ធរុស្ស៊ី លោកវ្ល៉ាឌីមៀ ពូទីន (Vladimir Putin)។

(VOVWORLD) - លោកអគ្គលេខាបក្សបានស្នើឱ្យប្រទេសទាំងពីរបង្កើនការផ្លាស់ប្តូរ និងការជួបប្រាស្រ័យជាន់ខ្ពស់ និងគ្រប់ជាន់ថ្នាក់ដើម្បីពង្រឹងការជឿទុកចិត្តផ្នែកនយោបាយ និងសម្របសម្រួលលើបញ្ហាដែលមានការយកចិត្តទុកដាក់ដូចគ្នា; សម្រួលដល់កិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគ ខិតខំបង្កើនទំហំពាណិជ្ជកម្មទ្វេភាគីឡើងដល់ ១៨ ពាន់លានដុល្លារអាមេរិក តាមទិសដៅតុល្យភាពនៅឆ្នាំ ២០២៥។