(VOVWORLD) - ដំណើរទស្សនកិច្ចនៅវៀតណាមរបស់នាយករដ្ឋមន្ត្រីរុស្ស៊ី លោក Mikhail Mishustin តបតាមការអញ្ជើញ របស់នាយករដ្ឋមន្ត្រីវៀត ណាម លោក ហ្វាម មិញជីញ (ថ្ងៃទី ១៤-១៥ ខែមករា) គឺជាសកម្មភាពសំខាន់នៅក្នុងទំនាក់ទំនងរវាងប្រទេសទាំងពីរ នៅចំពោះមុខខួបលើកទី ៧៥ នៃការបង្កើតទំនាក់ទំនងការទូត វៀតណាម-រុស្ស៊ី (១៩៥០-២០២៥)។ ដំណើរទស្សនកិច្ចនេះកាន់តែមានអត្ថន័យ ក្នុងបរិបទដែល វៀតណាមកំពុងនៅចំពោះមុខ យុគសម័យថ្មី ដោយមានបំណងចង់ជំរុញកិច្ចសហប្រតិបត្តិការជាមួយដៃគូយុទ្ធសាស្ត្រដើម្បីបម្រើគោលដៅអភិវឌ្ឍន៍។

(VOVWORLD) - ការអភិវឌ្ឍវិទ្យាសាស្ត្រ បច្ចេកវិទ្យា នវានុវត្តន៍ និងការធ្វើបរិវត្តកម្មឌីជីថលជាតិត្រូវបានកំណត់ថា ជារបកគំហើញដ៏សំខាន់បំផុត និងជាកម្លាំងចលករដើម្បីនាំវៀតណាមឈានចូលក្នុងយុគសម័យថ្មី។ សេចក្តីសម្រេចចិត្តលេខ ៥៧ របស់ការិយាល័យនយោបាយ (ខែធ្នូ ឆ្នាំ២០២៤) និងសន្និសីទទូទាំងប្រទេសស្តីពីរបកគំហើញក្នុងការអភិវឌ្ឍវិទ្យាសាស្ត្រ បច្ចេកវិទ្យា នវានុវត្តន៍ និងការធ្វើបរិវត្តកម្មឌីជីថលជាតិ (ថ្ងៃទី ១៣ មករា) បានបង្ហាញយ៉ាងច្បាស់អំពីសារៈសំខាន់នៃវិទ្យាសាស្ត្រ និងបច្ចេកវិទ្យាចំពោះការអភិវឌ្ឍរបស់ វៀតណាម។

(VOVWORLD) - មុនពេលផ្ទេរអំណាចនៅថ្ងៃទី ២០ ខែមករា សហរដ្ឋអាមេរិកកំពុងប្រញាប់ប្រញាល់អនុវត្តន៍គោលនយោបាយកិច្ចបរទេស និងកិច្ចការផ្ទៃក្នុងគួរឱ្យកត់សម្គាល់ជាច្រើន។ កាយវិកាទាំងនេះបង្ហាញថារដ្ឋបាល Joe Biden កំពុងខិតខំការពារកេរ្តិ៍ដំណែលរបស់ខ្លួន និងកាត់បន្ថយផលប៉ះពាល់ដែលមិនអាចទាយទុកជាមុនបាន មកពីរដ្ឋាភិបាលថ្មីរបស់ លោក Donald Trump។

(VOVWORLD) - សន្និសីទបូកសរុបការងារឆ្នាំ២០២៤ និងដាក់ពង្រាយការងារឆ្នាំ ២០២៥ របស់រដ្ឋាភិបាលនិងអាជ្ញាធរមូលដ្ឋាន បានប្រារព្ធធ្វើឡើងនាថ្ងៃទី ៩ ខែមករា តាមទម្រង់ទាំងអ៊ីនធឺណិតនិងដោយផ្ទាល់ផង។ លទ្ធផលនៃសន្និសីទបានបង្ហាញពីការប្តេជ្ញាចិត្តរបស់វៀតណាមក្នុងការបន្តការផ្លាស់ប្តូរថ្មីយ៉ាងប្តូរផ្តាច់ និងគ្រប់ជ្រុងជ្រោយ។

(VOVWORLD) - នៅឆ្នាំ២០២៥ ការទូតប្រជាជននឹងបន្តលើកកម្ពស់តួនាទីរបស់ខ្លួនក្នុងការគាំទ្រកិច្ចការបរទេសរបស់បក្ស និងការទូតរបស់រដ្ឋ ជំរុញកិច្ចសហប្រតិបត្តិការជាមួយអង្គការប្រជាជននានារបស់ពិភពលោក ក្នុងទិសដៅនៃការផ្លាស់ប្តូរថ្មី និងកិច្ចសហប្រតិបត្តិការសំខាន់ៗ។ តាមនោះ ការពារផលប្រយោជន៍ជាតិ និងរួមចំណែកដល់ចលនាប្រជាជនពិភពលោកដើម្បីសន្តិភាពនិងការអភិវឌ្ឍន៍ប្រកបដោយចីរភាព។ ទន្ទឹមនឹងនោះ កៀរគរធនធានខាងក្រៅ ដើម្បីបម្រើដល់គោលដៅអភិវឌ្ឍន៍សេដ្ឋកិច្ចរបស់ប្រទេសជាតិ។

(VOVWORLD) - រយៈពេល ៤៦ ឆ្នាំ ចាប់តាំងពីថ្ងៃជ័យជម្នះ ៧ មករា ១៩៧៩ មក ប្រទេសទាំងពីរ វៀតណាម និងកម្ពុជា ជានិច្ចកាលគោរពនិងថែរក្សាទំនាក់ទំនងជាអ្នកជិតខាងដ៏ល្អ ប្រសើរ។ ភាគីទាំងពីរបានបញ្ជាក់ពីបំណងប្រាថ្នា ការប្តេជ្ញាចិត្ត និងផ្តល់អាទិភាព ចម្បងដល់ការកសាង និងអភិវឌ្ឍន៍ទំនាក់ទំនងនេះ។

(VOVWORLD) - អគ្គលេខាគណៈកម្មាធិការមជ្ឈិមបក្សកុម្មុយនិស្ត វៀតណាម លោក តូ ឡឹម នាពេលថ្មីៗនេះ បានអញ្ជើញជួបសំណេះ សំណាលជាមួយបញ្ញវន្ត និងអ្នកវិទ្យាសាស្ត្រវៀតណាមចំនួន ២០០នាក់។ លោកអគ្គលេខាបក្ស បានសង្កត់ធ្ងន់ថា៖ ជួរបញ្ញវន្ត និងអ្នកវិទ្យាសាស្ត្រត្រូវតែជាអ្នកត្រួសត្រាយផ្លូវ និងជាកម្លាំងស្នូលដែលបង្កើតការច្នៃប្រឌិត និងរបកគំហើញដ៏ខ្លាំងក្លា បង្កើតសន្ទុះអតិបរមាសម្រាប់គោលដៅអភិវឌ្ឍន៍ប្រទេសជាតិយ៉ាងឆាប់រហ័ស និងប្រកបដោយចីរភាពក្នុងដំណាក់កាលថ្មី។

(VOVWORLD) - អង្គការសេដ្ឋកិច្ច និងហិរញ្ញវត្ថុធំៗភាគច្រើននៅលើពិភពលោក បានវាយតម្លៃថា សេដ្ឋកិច្ចពិភពលោកក្នុងឆ្នាំនេះ នឹងមានកំណើនស្ថិរភាព ប៉ុន្តែនៅតែបន្តប្រឈមមុខនឹងហានិភ័យធំៗទាក់ទងនឹងជម្លោះពាណិជ្ជកម្ម និងអស្ថិរភាពភូមិសាស្ត្រនយោបាយ។

(VOVWORLD) - សេចក្តីសម្រេចចិត្តលេខ ៥៧ ដែលការិយាល័យនយោបាយទើបចេញផ្សាយនាពេលថ្មីៗនេះ ត្រូវបានចាត់ទុកថា ជាភាពទម្លុះទម្លាយក្នុងការអភិវឌ្ឍវិទ្យាសាស្ត្រ បច្ចេកវិទ្យា នវានុវត្តន៍និងការផ្លាស់ប្តូរឌីជីថលជាតិ។ សេចក្តីសម្រេចចិត្តនេះ បានបង្ហាញពីសេចក្តីប្រាថ្នាស្ទុះឈានទៅមុខរបស់ប្រជាជនវៀតណាម។ សេចក្តីសម្រេចចិត្តនេះ ផ្តោតលើការដោះស្រាយភាពជាប់គាំងដើម្បីបើកទូលាយភាពច្នៃប្រឌិត កម្លាំងពលកម្ម និងធនធានវិនិយោគនៃសង្គមទាំងមូលសម្រាប់វិទ្យាសាស្ត្រ បច្ចេកវិទ្យា នវានុវត្តន៍ និងការផ្លាស់ប្តូរឌីជីថល។

(VOVWORLD) - រួមជាមួយនឹងប្រជាជនជុំវិញពិភព លោក ប្រជាជនវៀតណាមថ្ងៃនេះបានស្វាគមន៍ថ្ងៃដំបូងនៃឆ្នាំ ២០២៥ ដោយក្តីរីករាយនិងពោរពេញទៅដោយក្តីសង្ឃឹម។ វិទ្យុសម្លេងវៀតណាម សូមគោរពជូនដល់មិត្តអ្នកស្តាប់នូវកម្មវិធីវិទ្យុពិសេសមួយមានចំណងជើងថា “វៀត ណាមត្រៀមខ្លួនរួចជាស្រេចសម្រាប់ស្ទុះទៅមុខ”។