(VOVWORLD) - យោងតាមតារាងរៀបចំណាត់ថ្នាក់របស់អង្គការសហប្រជាជាតិ ការជួញដូរមនុស្សគឺជាឧក្រិដ្ឋកម្មដ៏គ្រោះថ្នាក់បំផុតមួយក្នុងចំណោមឧក្រិដ្ឋកម្មដ៏គ្រោះថ្នាក់បំផុតចំនួនបួន នៅលើពិភពលោក ដែលត្រូវបានដាក់បញ្ចូលនៅក្នុងកម្មវិធីបង្ការទប់ស្កាត់ឧក្រិដ្ឋកម្មសកល។ នៅប្រទេសវៀតណាមនាពេលថ្មីៗនេះ រដ្ឋាភិបាលបានចេញដំណោះស្រាយនិងមានកិច្ចខិតខំប្រឹងប្រែងយ៉ាងខ្លាំង ដើម្បីប្រយុទ្ធប្រឆាំង និងទប់ស្កាត់ការជួញដូរមនុស្ស ក្នុងនោះមានទាំងការជួញដូរកុមារផងដែរ។

(VOVWORLD) - អង្គការផ្តួចផ្តើមគំនិតវាយតម្លៃសិទ្ធិមនុស្ស (HRMI) ដែលមានមូលដ្ឋាននៅនូវែលសេឡង់ទើបតែបានចេញផ្សាយរបាយការ ណ៍ប្រចាំឆ្នាំរបស់ខ្លួន ស្តីពីស្ថានភាពសិទ្ធិមនុស្ស សកលឆ្នាំ ២០២៤ ដោយផ្អែកលើលក្ខណៈវិនិច្ឆ័យចំនួនបីគឺ៖ គុណភាពនៃជីវភាពរស់នៅ សុវត្ថិភាពចំពោះមុខរដ្ឋ និងការប្រគល់អំណាច។ គួរឲ្យសោកស្តាយដែលអង្គការនេះវាយតម្លៃថា ស្ថានភាពសិទ្ធិមនុស្សរបស់វៀតណាមខ្វះវឌ្ឍនភាព និងកាន់តែអាក្រក់ទៅៗ។ ទាំងនេះជាទឡ្ហីករណ៍ដែលគ្មានហេតុផល មិនមែនផ្អែកលើស្ថានភាពជាក់ស្តែងនៃការធានាសិទ្ធិមនុស្សនៅវៀតណាមនោះទេ។

(VOVWORLD) - ក្នុងបរិបទដែលសេដ្ឋកិច្ចពិភពលោកមានការប្រែប្រួល និងជួបប្រទះបញ្ហាប្រឈមផ្ទៃក្នុងជាច្រើនក៏ដោយ ប៉ុន្តែលទ្ធផលកំណើនសេដ្ឋកិច្ចរបស់វៀតណាមក្នុងរយៈពេល ៦ ខែដំបូងនៃឆ្នាំនេះឈានដល់ ៦,៤២% គឺគួរអោយចាប់អារម្មណ៍ណាស់។ លទ្ធផលនេះបានបង្ហាញពីការខិតខំប្រឹងប្រែងយ៉ាងខ្លាំងក្លារបស់អាជ្ញាធរ និងសហគមន៍ធុរកិច្ចក្នុង រយៈពេលកន្លងមក ព្រមទាំងបញ្ជាក់អំពីភាពត្រឹមត្រូវនៃគោលនយោ បាយគ្រប់គ្រងសេដ្ឋកិច្ចរបស់វៀតណាម។

(VOVWORLD) - ប្រទេសវៀតណាមកំពុងប្រារព្ធ ខួបលើកទី ៩៩ នៃការចាប់បដិសន្ធិខឿនសារព័ត៌មានបដិវត្តន៍ វៀតណាម (២១ មិថុនា ១៩២៥- មិថុនា ២០២៤)។ អស់រយៈពេលជិតមួយសតវត្សកន្លងមក ប្រព័ន្ធសារព័ត៌មានរបស់វៀតណាមមានការអភិវឌ្ឍយ៉ាងខ្លាំងក្លា ជាបណ្តាញតភ្ជាប់ដ៏មានប្រសិទ្ធភាពរវាងអាជ្ញាធរគ្រប់លំដាប់ថ្នាក់ជាមួយប្រជាជន ឆ្ពោះទៅគោលដៅដ៏ខ្ពង់ខ្ពស់បំផុត នោះគឺបម្រើមាតុភូមិប្រទេសជាតិ និងបម្រើប្រជាជន រួមចំណែកលើកកម្ពស់វឌ្ឍនភាពសង្គម។ ការអភិវឌ្ឍយ៉ាងខ្លាំងក្លានៃប្រព័ន្ធសារព័ត៌មាន និងប្រព័ន្ធផ្សព្វផ្សាយបានឆ្លុះបញ្ចាំងយ៉ាងច្បាស់អំពីសិទ្ធិសេរីភាពនៃការបញ្ចេញមតិ និងសេរីភាពសារព័ត៌មាននៅក្នុងប្រទេសវៀតណាម។

(VOVWORLD) - ស្ថិរភាពនយោបាយគឺជាលក្ខខណ្ឌចាំបាច់ និងមានសារៈសំខាន់សម្រាប់ការអភិវឌ្ឍរបស់វៀតណាម។ ស្ថិរភាពនយោបាយត្រូវបានសម្រេចបានដោយសារសមត្ថភាព និងកិត្យានុភាពភាពជាអ្នកដឹកនាំរបស់បក្សកុម្មុយនិស្តវៀតណាម ក្នុងរយៈពេលកន្លងមក។ ការដែលបក្សធ្វើចំណាត់ការតាមច្បាប់ លើ កម្មាភិបាល ដែលបានបំពានវិន័យបក្សនាពេលថ្មីៗនេះ សំដៅលើគោលដៅតែមួយគត់ គឺធ្វើឱ្យបក្សកាន់តែស្អាតស្អំ និងរឹងមាំ និងបំពេញតួនាទីដឹកនាំឲ្យបានល្អបំផុតរបស់បក្ស តាមនោះ បង្កើតស្ថិរភាពយូរអង្វែង សម្រាប់អភិវឌ្ឍន៍ប្រទេសជាតិ។

(VOVWORLD) - នៅថ្ងៃទី ២២ ខែសីហា តុលាការសាលាឧទ្ធរណ៍ទីក្រុងប៉ារីស នឹងធ្វើសេចក្តីសម្រេចលើ បណ្តឹងរបស់លោកស្រី Tran To Nga ជនជាតិបារាំងដើមកំណើតវៀតណាម ប្រឆាំងនឹងក្រុមហ៊ុនគីមីអាមេរិកចំនួន ១៤ ក្នុងនោះមានក្រុមហ៊ុន Monsanto ពីបទផលិត និងជួញដូរថ្នាំសម្លាប់ស្មៅដែលផ្ទុកសារធាតុឌីអុកស៊ីត (ជាតិគីមីពុល ពណ៌លឿងទុំ) ផ្គត់ផ្គង់ដល់យោធាអាមេរិកសម្រាប់ប្រើប្រាស់ក្នុងអំឡុងសង្គ្រាមវៀតណាម។ លក្ខណៈសុច្ចរិតនៃបណ្តឹងនេះទទួលបានការគាំទ្រយ៉ាងខ្លាំងក្លាពីមតិសាធារណៈអន្តរជាតិ។ ទន្ទឹមនឹងនោះ ក៏បន្តការខិតខំប្រឹងប្រែងរបស់រដ្ឋាភិបាលវៀតណាម ក្នុងការថែទាំ ជនរងគ្រោះរាប់លាននាក់រងសារធាតុគីមីពុល ពណ៌លឿងទុំ/ឌីអុកស៊ីតផង។

(VOVWORLD) - នៅថ្ងៃទី ១០ ខែមេសា ឆ្នាំ ២០២៤ លេខាធិការដ្ឋានមជ្ឈិមបក្សកុម្មុយនិស្ត វៀតណាមបានចេញសារាចរលេខ ៣២ អំពីការបង្កើនការដឹកនាំរបស់បក្សក្នុងការបង្ការទប់ស្កាត់ និងលុបបំបាត់ការនេសាទខុសច្បាប់ គ្មានរបាយការណ៍ និងគ្មានការអនុញ្ញាត (Illigal Unreported and Unregulated Fishing, IUU) និងការអភិវឌ្ឍប្រកបដោយចីរភាពវិស័យជលផល។ ការផ្សព្វផ្សាយសារាចរណែនាំនេះបង្ហាញថា ប្រព័ន្ធនយោបាយវៀតណាមទាំងមូល បានរួមកម្លាំងគ្នា ដើម្បីដកកាតលឿង IUU ហើយទន្ទឹមនឹងនោះការពារកេរ្តិ៍ឈ្មោះជាតិ នៅលើឆាកអន្តរជាតិ។

(VOVWORLD) - ថ្ងៃទី ១៨ ខែមេសានេះ ចំនឹងថ្ងៃទី ១០ ខែមាឃ តាមប្រតិទិនច័ន្ទគតិ គឺជាពិធីបុណ្យខួបស្តេចហ៊ុង (ស្តេច Hung Vuong)។ ពិធីបុណ្យរំលឹកខួបស្តេចហ៊ុងគឺជាឱកាសសម្រាប់ប្រជាជនវៀតណាមទាំងក្នុង និងក្រៅប្រទេសរំលឹកដល់ការគុណូបការៈកសាងប្រទេសជាតិរបស់បណ្តាស្តេចហ៊ុង ហើយក៏ជាឱកាសពង្រឹងស្មារតីសាមគ្គីភាពជនជាតិ របស់កូលបុត្រ កូលធីតាវៀតណាម ដែលមានប្រភពដើមរួម និងបុព្វបុរសជាតិរួម។ ស្មារតីនៃសាមគ្គីភាពជនជាតិ ផ្តើមចេញពីពិធីបុណ្យរំលឹកខួបស្តេចហ៊ុង តែង តែត្រូវបានលើកតម្កើងទាំងអតីតកាល និងបច្ចុប្បន្នកាល ដោយដើរតួនាទីយ៉ាងសំខាន់ក្នុងការអភិវឌ្ឍប្រទេសជាតិ។

(VOVWORLD) - វៀតណាមជាប្រទេសពហុសាសនា។ ប្រជាជនគ្រប់សាសនាមានសេរីភាពក្នុងការអនុវត្តពិធីសាសនា និងជំនឿរបស់សាសនាខ្លួន ក្នុងបរិយាកាសស្ថិរភាព សុខដុមរមនា ស្មើភាព និងស្របតាមច្បាប់។ ប៉ុន្មានថ្ងៃថ្មីៗនេះ ផ្ទាំងរូបភាពនៃជំនឿ និងសាសនាកាន់តែមានភាពរស់រវើកជាមួយនឹងបរិយាកាសរីករាយ អបអរសាទរពិធីបុណ្យចូលឆ្នាំថ្មី របស់ជនជាតិខ្មែរណាមបូ (ជនជាតិខ្មែរនៅភាគខាងត្បូងវៀតណាម)។ ស្ថានភាពជាក់ស្តែងនៃជីវភាពខាងជំនឿសាសនាកាន់តែរស់រវើក ដែលជាសក្ខីភាពច្បាស់លាស់នៃការធានានូវសេរីភាពខាងជំនឿនៅប្រទេសវៀតណាម។

(VOVWORLD) - របាយការណ៍អភិវឌ្ឍន៍មនុស្សជាសកលត្រូវបានកម្មវិធីអភិវឌ្ឍន៍របស់អង្គការ សហប្រជាជាតិ (UNDP) ប្រកាសនាពេលថ្មីៗនេះ (ថ្ងៃទី១៣ ខែមីនា ម៉ោងនៅទីក្រុងញូវយ៉ក សហរដ្ឋអាមេរិក) បង្ហាញថា វៀតណាមជាប្រទេសដែលមានកម្រិតអភិវឌ្ឍន៍មនុស្សខ្ពស់។ សន្ទស្សន៍អភិវឌ្ឍន៍មនុស្សរបស់វៀតណាមបានកើនឡើងជាបន្តបន្ទាប់ក្នុងរយៈពេល ៣០ ឆ្នាំកន្លងមក។ នេះជាសក្ខីភាពបញ្ជាក់យ៉ាងច្បាស់បំផុត អំពីប្រសិទ្ធភាពនៃគោលនយោបាយដើម្បីមនុស្សរបស់បក្ស និងរដ្ឋវៀតណាម ក្នុងរយៈពេលជាច្រើនទសវត្សរ៍កន្លងមក។