(VOVWORLD) - គ្រឹះស្ថានបោះពុម្ពផ្សាយនយោបាយជាតិ - ការពិត ទើបតែបានបោះពុម្ពសៀវភៅមួយក្បាលមានចំណងជើងថា៖ “ប្តេជ្ញា តស៊ូយ៉ាងម៉ឹងមាត់ប្រឆាំងអំពើ ពុករលួយ និងភាពអវិជ្ជមាន រួមវិភាគទានកសាងបក្ស និងរដ្ឋឲ្យកាន់តែស្អាតស្អំ និងរឹងមាំ” របស់លោកអគ្គលេខាបក្ស Nguyen Phu Trong ក្នុងឱកាសខួបលើកទី ៩៣ នៃការបង្កើតបក្សកុម្មុយនិស្តវៀតណាម (៣ កុម្ភៈ ១៩៣០ - ៣ កុម្ភៈ ២០២៣)។ អ្នកជំនាញជាច្រើនបានវាយតម្លៃថា នេះជាឯកសារដ៏មានសារៈប្រយោជន៍ រួមចំណែកលើកកម្ពស់ការយល់ដឹង និងបង្កើតការឯកភាពគ្នាក្នុងចំណោមកម្មាភិបាល បក្ខជន ប្រជាជន ក៏ដូចជាប្រព័ន្ធនយោបាយទាំងមូល ក្នុងកិច្ចការប្រយុទ្ធប្រឆាំងអំពើពុករលួយនិងភាពអសកម្ម។

(VOVWORLD) - បក្សកុម្មុយនិស្តវៀតណាមបានបង្កើតនៅថ្ងៃទី ៣ ខែកុម្ភៈ ឆ្នាំ ១៩៣០ គឺជារបត់ដ៍មហិមារនៃប្រវត្តិសាស្ត្ររបស់ប្រជាជាតិវៀតណាម ដែលនាំបដិវត្តន៍ វៀតណាមពីជ័យជំនះមួយទៅជ័យជំនះមួយទៀត។ ក្នុងរយៈពេល៩៣ឆ្នាំនៃការបង្កើត និងអភិវឌ្ឍន៍មក បក្សតែង តែយកចិត្តទុកដាក់យ៉ាងខ្លាំងចំពោះការងារកសាង និង កែទម្រង់បក្ស ហើយខ្ជាប់ខ្ជួននឹងការទទួលមរតក និងអនុវត្តន៍គោលមាគ៌ា និងគោលនយោបាយសមស្របទៅតាមសម័យកាលនីមួយៗ ជាពិសេសក្នុងរយៈពេលថ្មីៗនេះ។ ជាមួយនឹងការបំពេញបន្ថែម ការទទួលមរតក និងការកែលម្អគោលការណ៍ណែនាំស្តីពីការកសាង និងកែទម្រង់បក្ស បក្សកុម្មុយនិស្តវៀតណាមបានអះអាងកាន់តែខ្លាំងឡើងនូវការប្តេជ្ញាចិត្តរបស់ខ្លួនក្នុងការបង្កើតការផ្លាស់ប្តូរថ្មីនៅក្នុងការងារនេះ។

(VOVWORLD) - ឆ្នាំ ២០២២ គឺជាឆ្នាំទីពីរដែលប្រទេសជាតិទាំងមូលអនុវត្តសេចក្តីសម្រេចចិត្តនៃមហាសន្និបាតលើកទី ១៣ របស់បក្សកុម្មុយនិស្តវៀតណាម។ ក្នុងចំណោមភារកិច្ចដែលបានដាក់ចេញនោះ ភារកិច្ចកសាង និងកែទម្រង់បក្សត្រូវបានកំណត់ថា ជាការងារគន្លឹះ និងសំខាន់ជួរមុខ។ ដោយមានកិច្ចខិតខំប្រឹងប្រែង និងការប្តេជ្ញាចិត្តយ៉ាងមុតមាំ ការងារកសាង និងកែទម្រង់បក្សក្នុងរយៈពេលប៉ុន្មានឆ្នាំកន្លងមកបានបន្សល់ទុកនូវសញ្ញាណគួរឲ្យកត់សម្គាល់ ជាមួយនឹងលទ្ធផលលោតផ្លោះជាច្រើន ជាពិសេសការងាររៀបចំកម្មាភិបាល ការងារប្រឆាំងអំពើពុករលួយ ដោយស្មារតីស្រុះចិត្តគំនិតពីថ្នាក់លើរហូតដល់ថ្នាក់ក្រោម។

(VOVWORLD) - នាព្រឹកថ្ងៃទី ៥ មករា សម័យប្រជុំវិសាមញ្ញលើកទី ២ នៃរដ្ឋសភានីតិកាលទី ១៥ បានបើកជាផ្លូវការនៅវិមានរដ្ឋសភា ទីក្រុងហាណូយ។ ប្រព្រឹត្តទៅក្នុងរយៈពេល ៤ថ្ងៃ (បញ្ចប់នៅរសៀលថ្ងៃទី ៩ ខែមករា) កិច្ចប្រជុំនេះមានគោលបំណងពិនិត្យ និងសម្រេចលើខ្លឹមសារ បញ្ហាសំខាន់ៗមួយចំនួនរបស់ប្រទេសជាតិ តាមសំណើរបស់រដ្ឋាភិបាល។ ទន្ទឹមនឹងនោះ បញ្ជាក់ជាថ្មីនូវស្មារតីផ្លាស់ប្តូរថ្មីដ៏រឹងមាំ និងខ្លាំងក្លារបស់រដ្ឋសភា ដើម្បីគោលដៅដ៏ឧត្តុងឧត្តមគឺបម្រើជាតិ និងប្រជាជាតិ។

(VOVWORLD) - បក្សកុម្មុយនិស្តវៀតណាមកំណត់ថា ការកសាងវប្បធម៌ និងកសាងមនុស្សមានទំនាក់ទំនងយ៉ាងជិតស្និទ្ធជាមួយគ្នា។ ការអភិវឌ្ឍវប្បធម៌ជាការធ្វើឱ្យបុគ្គលិកលក្ខណៈរបស់មនុស្សកាន់តែប្រសើរឡើង ហើយការកសាងមនុស្សដើម្បីលើកកម្ពស់ការអភិវឌ្ឍវប្បធម៌។ ដោយសារមនុស្សជាកម្មវត្ថុនៃការច្នៃប្រឌិត ផ្សព្វផ្សាយ ទទួលផលពីវប្បធម៌ និងជាមជ្ឈមណ្ឌលនៃយុទ្ធសាស្ត្រអភិវឌ្ឍន៍ ហេតុដូច្នេះ ការផ្តល់សិទ្ធិអំណាចជូនប្រជាជនដើម្បីអនុវត្តបេសកកម្មរក្សា និងអភិវឌ្ឍន៍វប្បធម៌ គឺជាកិច្ចការសំខាន់ក្នុងដំណើរការអភិវឌ្ឍន៍របស់វៀតណាម។

(VOVWORLD) - នៅក្នុងសេចក្តីប្រកាសមួយចុះថ្ងៃទី ២ ខែធ្នូ ឆ្នាំ ២០២២ រដ្ឋមន្ត្រីការបរទេសអាមេរិក លោក Antony Blinken បានប្រកាសអំពីសេចក្តីសម្រេច ដាក់ វៀតណាមក្នុងបញ្ជីឃ្លាំមើលពិសេស លើសេរីភាពសាសនា ដោយមិនអើពើការពិតដ៏រស់រវើកនៃសេរីភាពសាសនា វៀតណាមក្នុងបរិបទដែលគ្រឹស្តសាសនិកកំពុងរៀបចំអបអរបុណ្យណូអែលយ៉ាងសប្បាយទូទាំងប្រទេស។ ការដែលអាមេរិកដាក់វៀតណាមចូលក្នុងបញ្ជីឃ្លាំមើលពិសេស លើសេរីភាពសាសនា គឺច្បាស់ណាស់ជាការវាយតម្លៃខុសឆ្គង និងខ្វះសត្យានុម័តអំពីស្ថានភាពសេរីភាពសាសនា និងជំនឿរបស់វៀតណាម។

(VOVWORLD) - សន្និសីទវិទ្យាសាស្ត្រទូទាំងប្រទេស “ក្រឡេកមើលទៅលើរយៈពេល ១៥ ឆ្នាំ នៃការអនុវត្តសេចក្តីសម្រេចចិត្តលេខ ២៣ របស់ការិយាល័យនយោបាយ (អាណាត្តិ ១០) ស្តីពីការបន្តកសាងនិងអភិវឌ្ឍន៍អក្សរសាស្ត្រ និងសិល្បៈក្នុងយុគសម័យថ្មី” នឹងប្រព្រឹត្តទៅនៅទីក្រុងហាណូយនាពេលខាងមុខ។ ក្នុងដំណើរការកសាង ការពារ និងអភិវឌ្ឍន៍ បក្សកុម្មុយនិស្តវៀតណាមបានកំណត់វប្បធម៌ជាមូលដ្ឋានគ្រឹះខាងស្មារតីនៃសង្គម ជាកម្លាំងផ្ទៃក្នុង និងជាកម្លាំងចលករសម្រាប់ការអភិវឌ្ឍន៍។ ក្នុងនោះ អក្សរសាស្ត្រ និងសិល្បៈ គឺជាវិស័យពិសេសនៃវប្បធម៌។ ការអភិវឌ្ឍអក្សរសាស្ត្រ និងសិល្បៈត្រូវយកប្រជាជនជាមជ្ឈមណ្ឌល ជាកម្មវត្ថុ ជាគោលដៅ រួមចំណែកសុក្រិត្តនូវគុណតម្លៃ និងបុគ្គលិកលក្ខណៈរបស់មនុស្សវៀតណាម ឆ្ពោះទៅរកគុណតម្លៃស្នូលរបស់ប្រជាជាតិ។

(VOVWORLD) - នៅក្នុងប្រព័ន្ធនៃតម្លៃដែលមនុស្សជាតិបានបង្កើត សិទ្ធិមនុស្សមានតួនាទីសំខាន់មួយ ទាំងជាគោលដៅ ជាកម្លាំងជំរុញ និងជាលក្ខខណ្ឌសម្រាប់ជំរុញការអភិវឌ្ឍនៃតម្លៃដែលនៅសេសសល់ផងដែរ។ ការគោរព និងការជំរុញការធានាសិទ្ធិមនុស្សបានក្លាយទៅជានិន្នាការចាំបាច់មានលក្ខណៈសកល តាមនោះ ការអប់រំសិទ្ធិមនុស្ស ក៏ក្លាយជាតម្រូវការបន្ទាន់ និងមានលក្ខណៈសហសម័យ។ ដូចប្រទេសដទៃដែរ ការអប់រំសិទ្ធិមនុស្សដើរតួនាទីយ៉ាងសំខាន់ក្នុងយុទ្ធសាស្ត្រមនុស្សរបស់បក្ស និងរដ្ឋវៀតណាម។

(VOVWORLD) - គោលគំនិត “ប្រជាជនជាឫសគល់” ជាគ្រឹះស្នូលក្នុងសកម្មភាពកម្មាភិបាលបំពេញការងាររណសិរ្ស។ ពាក្យពេជ្រមួយឃ្លានេះជាការអះអាងរបស់អគ្គលេខាបក្ស លោកNguyen Phu Trong ក្នុងជំនួបជាមួយតំណាងចំនួន ៦៣ ចូលរួមសន្និសីទលើកតម្កើង ប្រធានរណសិរ្សមាតុភូមិថ្នាក់ឃុំ និងប្រធានគណៈកម្មាធិការទទួលបន្ទុកកិច្ចការរណសិរ្សទូទាំងប្រទេស ដែលប្រព្រឹត្តទៅនាថ្ងៃទី ២៦ ខែវិច្ឆិកា ឆ្នាំ ២០២២ នៅទីក្រុងហាណូយ។ អគ្គលេខាបក្ស លោក Nguyen Phu Trong ក៏បានចង្អុលបង្ហាញអំពីតម្រូវការដ៏ធំធេងសម្រាប់ការពង្រឹង និងពង្រីកកម្លាំងមហាសាមគ្គីប្រជាជនទាំងមូល ក្នុងដំណាក់កាលសមាហរណកម្មដ៏រឹងមាំរបស់វៀតណាមទៅក្នុងសហគមន៍អន្តរជាតិ។

(VOVWORLD) - នាថ្ងៃទី ១៩ ខែវិច្ឆិកា ឆ្នាំ ១៩៩៧ វៀតណាមបានតភ្ជាប់ជាផ្លូវការជាមួយបណ្តាញអ៊ីនធឺណែតជាសកល ដែលគូសសញ្ញាសម្គាល់ដ៏សំខាន់ក្នុងប្រវត្តិសាស្ត្រនៃផ្នែកព័ត៌មាននិងផ្សព្វផ្សាយរបស់ប្រទេសជាតិ។ ក្រោយ រយៈពេល ២៥ ឆ្នាំនៃការអភិវឌ្ឍ អ៊ីនធឺណែតបានក្លាយជាផ្នែកមួយដែលមិនអាចខ្វះបាន ដែលមានវត្តមាននៅក្នុងគ្រប់វិស័យនៃជីវភាពសង្គមរបស់ប្រជាជនវៀតណាមរាប់ លាននាក់ ហើយជាមូលដ្ឋានគ្រឹះសម្រាប់ការអភិវឌ្ឍសេដ្ឋកិច្ចឌីជីថល និងសង្គមឌីជីថល។