(VOVWORLD) - រដ្ឋាភិបាលវៀតណាមទើបតែបានចេញសេចក្តីសម្រេចចិត្តលេខ ៧៣/២០២៣ របស់រដ្ឋាភិបាល ចុះថ្ងៃទី ២៩ ខែកញ្ញា ឆ្នាំ ២០២៣ ដោយកំណត់លើការលើកទឹកចិត្ត និងការពារកម្មាភិបាលដែលមានភាពស្វាហាប់ មានគំនិតច្នៃប្រឌិត ហ៊ានគិត ហ៊ានធ្វើ និងហ៊ានទទួលខុសត្រូវ ដើម្បីផលប្រយោជន៍រួម។ នេះគឺជាជំហានមួយដើម្បីបញ្ជាក់ពីសេចក្តីសន្និដ្ឋានលេខ ១៤ របស់ការិយាល័យនយោបាយ ចុះថ្ងៃទី ២២ ខែកញ្ញា ឆ្នាំ ២០២១ ស្តីពីគោលនយោបាយលើកទឹកចិត្ត និងការពារកម្មាភិ បាលដែលមានភាពស្វាហាប់ មានគំនិតច្នៃប្រឌិត ដើម្បី ផលប្រយោជន៍រួម។ មតិសាធារណៈវាយតម្លៃខ្ពស់ចំពោះ គោលនយោបាយរៀបចំជួរកម្មាភិបាល បក្ខជនដែលមានទេពកោសល្យ ដែលតែងតែយកចិត្តទុកដាក់នឹងការងារ រួមចំណែកជាវិជ្ជមានដល់ការអភិវឌ្ឍន៍ប្រកបដោយចីរភាពរបស់វៀតណាម។

(VOVWORLD) - នាយករដ្ឋមន្ត្រី លោក Pham Minh Chinh និងគណៈប្រតិភូជាន់ខ្ពស់វៀតណាមទើបបានបញ្ចប់ដំណើរទស្សនកិច្ចចូលរួមសម័យប្រជុំពិភាក្សាទូទៅកម្រិតខ្ពស់ នៃមហាសន្និបាតនីតិកាលទី ៧៨ រួមផ្សំនឹងសកម្មភាពទ្វេភាគីជាច្រើននៅសហរដ្ឋអាមេរិក និងប្រេស៊ីលចាប់ពីថ្ងៃទី ១៧ ដល់ថ្ងៃទី ២៦ ខែកញ្ញា។ ទន្ទឹមនឹងនោះ ប្រធានរដ្ឋសភា លោក Vuong Dinh Hue និងគណៈប្រតិភូជាន់ខ្ពស់រដ្ឋសភាវៀតណាមក៏បានបញ្ចប់ដោយជោគជ័យនូវដំណើរទស្សនកិច្ចជាផ្លូវការនៅបង់ក្លាដែស និងប៊ុលហ្គារី ចាប់ពីថ្ងៃទី ២១ ដល់ថ្ងៃទី ២៦ ខែកញ្ញា។ ដំណើរទស្សនកិច្ចថ្មីៗនេះរបស់ថ្នាក់ដឹកនាំបក្ស និងរដ្ឋវៀតណាម រួមជាមួយនឹងសមិទ្ធិផលការទូតសម្រេចបាននាពេលកន្លងមកនេះ បង្កើតឡើងសញ្ញាសម្គាល់ថ្មីអំពីវៀតណាមនៅលើឆាកអន្តរជាតិ។

(VOVWORLD) - ចាប់ពីថ្ងៃទី ១៤ ដល់ថ្ងៃទី ១៧ ខែកញ្ញា រដ្ឋសភាវៀតណាមបានធ្វើជាម្ចាស់ផ្ទះ រៀបចំសន្និសីទសមាជិកសភាវ័យក្មេងជាសកលលើកទី ៩ ដោយមាន ប្រធានបទ៖ “តួនាទីរបស់យុវជនក្នុងការជំរុញការអនុវត្តគោលដៅអភិវឌ្ឍន៍ប្រកបដោយចីរភាពតាមរយៈការផ្លាស់ប្តូរឌីជីថល និងនវានុវត្តន៍”។

(VOVWORLD) - វៀតណាមក្លាយជាប្រទេសសមាជិកទី ១៥៨ នៃអនុសញ្ញាប្រឆាំងការធ្វើទារុណកម្ម និងទម្រង់ប្រព្រឹត្តយ៉ាងឃោរឃៅ អមនុស្សធម៌ ឬទង្វើថោកទាបផ្សេងទៀត (ហៅកាត់ថា អនុសញ្ញាប្រឆាំងការធ្វើទារុណកម្ម ឬអនុសញ្ញា CAT) នាឆ្នាំ ២០១៥។ ការអនុវត្តអនុសញ្ញាប្រឆាំងនឹងការធ្វើទារុណកម្ម ជាមួយនឹងដំណោះស្រាយជាច្រើនក្នុងរយៈពេលថ្មីៗនេះ បញ្ជាក់កាន់តែច្បាស់អំពីការប្តេជ្ញាចិត្ត និងគោលនយោបាយយ៉ាងខ្ជាប់ខ្ជួនរបស់វៀតណាមក្នុងការធានាសិទ្ធិមនុស្ស។

(VOVWORLD) - បន្ទាប់ពីបានកែសម្រួលជាច្រើនលើក រហូតមកដល់ពេលនេះ សេចក្តីព្រាងច្បាប់ភូមិបាល (ធ្វើវិសោធនកម្ម) បានចែងយ៉ាងច្បាស់អំពីគោលនយោបាយធានាដីធ្លីសម្រាប់សកម្មភាពសហគមន៍ និងគោលនយោបាយបែងចែកដីធ្លី ការជួលដីលំនៅដ្ឋាន និងដីផលិតកម្មសម្រាប់ជនជាតិភាគតិចជាគ្រួសារក្រីក្រនៅតំបន់ដែលមានស្ថានភាពសេដ្ឋកិច្ច-សង្គមលំបាក។ សមាជិករដ្ឋសភាបានចាត់ទុកថា ការធ្វើវិសោធនកម្មនេះនឹងដោះស្រាយការខ្វះខាតដីលំនៅដ្ឋាន ដីផលិតកម្ម ឈានដល់ការលើកកំពស់ជីវភាពរស់នៅរបស់ប្រជាជន ព្រមទាំងរួមចំណែកធានាការអភិវឌ្ឍប្រកបដោយចីរភាពនៅតំបន់ជនជាតិភាគតិច។

(VOVWORLD) - ការសម្រេចបាននូវការអភិវឌ្ឍសេដ្ឋកិច្ចសង្គម ធានាសន្តិសុខ និងការពារប្រទេសក្នុងពាក់កណ្តាលអាណត្តិនៃមហាសន្និបាតបក្សកុម្មុយនិស្តវៀតណាមលើកទី ១៣ គឺមានការរួមចំណែកយ៉ាងសំខាន់របស់ការងារកម្មាភិបាល។ ពីស្ថានភាពជាក់ស្តែងនាពេលបច្ចុប្បន្ន បក្សកុម្មុយនិស្តវៀតណាមបន្តសុក្រិតរាល់យន្តការ និងគោលនយោបាយ ដើម្បីកសាងជួរកម្មាភិបាល បំពេញតាមតម្រូវការនៃការអភិវឌ្ឍប្រទេសជាតិ និងពង្រឹងសមត្ថភាពដឹកនាំរបស់បក្សកុម្មុយនិស្តវៀតណាម។

(VOVWORLD) - វៀតណាមជាប្រទេសមួយនៅតាមបណ្តោយឆ្នេរសមុទ្រខាងកើតដែលមានសន្ទស្សន៍សមុទ្រខ្ពស់ជាងមធ្យមភាគពិភពលោក ៦ ដង។ ជាមួយនឹងខេត្ត-ក្រុងជាប់ឆ្នេរសមុទ្រចំនួន ២៨/៦៣ ដែលស្មើនឹង ៤២% នៃផ្ទៃដី និង ៤៥% នៃចំនួនប្រជាជនសរុប វៀតណាមមានគុណសម្បត្តិ និងសក្តានុពលធនធានខ្លាំងក្លាពីសមុទ្រ និងកោះ។ សេចក្តីសម្រេចចិត្តលេខ ៣៦-NQ/TW ចុះថ្ងៃទី ២២ ខែតុលា ឆ្នាំ ២០១៨ នៃសន្និបាតមជ្ឈឹមទី ៨ នីតិកាលទី ១២ ស្តីពី “យុទ្ធសាស្ត្រអភិវឌ្ឍន៍ប្រកបដោយចីរភាពនៃសេដ្ឋកិច្ចសមុទ្រវៀតណាមដល់ឆ្នាំ ២០៣០ ជាមួយនឹងចក្ខុវិស័យដល់ឆ្នាំ ២០៤៥” បានអះអាងពីសារៈសំខាន់ក៏ដូចជាសក្កានុពលការអភិវឌ្ឍសេដ្ឋកិច្ចពីកោះសមុទ្រ ហើយទន្ទឹមនឹងនោះ កំណត់ភារកិច្ចប្រែក្លាយវៀតណាមទៅជាប្រទេសខ្លាំងមាំមួន និងសម្បូរធូធារពីសមុទ្រ។

(VOVWORLD) - នៅប្រទេសវៀតណាម ទិវាយុទ្ធជនពិការ-យុទ្ធជនពលី ថ្ងៃទី២៧ ខែកក្កដាជារៀងរាល់ឆ្នាំ គឺជាថ្ងៃបុណ្យដ៏សែនសំខាន់ និងប្រកបដោយអត្ថន័យមនុស្សធម៌យ៉ាងជ្រាលជ្រៅ។ នេះជាឱកាសសម្រាប់បក្សទាំងមូល ប្រជាជនទាំងមូល និងកងទ័ពវៀតណាមទាំងមូលរំលឹកឡើងវិញ និងសម្តែងការតបស្នងសងគុណចំពោះបុព្វបុរសបដិវត្តន៍ វីរៈជន និងយុទ្ធជនពលីដែលបានពលីជីវិតយ៉ាងអង់អាចក្លាហាន លះបង់ទាំងសាច់ស្រស់ ឈាមស្រស់ក្នុងបុព្វហេតុតស៊ូរំដោះប្រទេសជាតិ ឯកភាពប្រទេសជាតិ ក៏ដូចជា ក្នុងការកសាង និងការពារមាតុភូមិវៀតណាម។

(VOVWORLD) - នាពេលកន្លងទៅ ការដែលខ្សែភាពយន្តបរទេសមួយចំនួនត្រូវបានស្ថាប័នមានសមត្ថកិច្ចវៀតណាមចាត់ការយ៉ាងម៉ឺងម៉ាត់ ហាមឃាត់ការផ្សព្វផ្សាយលើវេទិកាអនឡាញនៅវៀតណាម ដោយសារតែមានខ្លឹមសារបំប្លែងប្រវត្តិសាស្ត្រ រំលោភបំពានលើអធិបតេយ្យភាពជាតិ បានទទួលការគាំទ្រ ការស្រុះចិត្តគំនិត និងការវាយតម្លៃខ្ពស់ពីសាធារណមតិ។

(VOVWORLD) - “ការទូតឫស្សីវៀតណាម” គឺជាទស្សនៈត្រូវបានអ្នកការទូតជាច្រើនរូបលើកឡើង នៅពេលស្តីអំពីគោលនយោបាយការបរទេសរបស់វៀតណាម។ ទស្សនៈនេះមិនមែនជាបែបការទូតថ្មីទេ ប៉ុន្តែជាការសង្ខេប និងជានិមិត្តរូបនីយកម្មនៃគោលមាគ៌ាកិច្ចការបរទេសដែលបក្សកុម្មុយនិស្តវៀតណាមបាននិងកំពុងអនុវត្តន៍ ដោយមានការរួមចំណែកយ៉ាងសំខាន់ក្នុងការអភិវឌ្ឍន៍ប្រទេសជាតិ។