 កិច្ចប្រជុំមហាសមុទ្ររបស់អង្គការសហប្រជាជាតិឆ្នាំ ២០២៥ (រូបថត៖ UNOC) |
គោលដៅនៃកិច្ចប្រជុំនេះគឺដើម្បីសម្រេចបានការឯកភាពជាសកល និងកៀរគរមូលនិធិសម្រាប់ការអភិរក្សសមុទ្រ ក្នុងបរិបទនៃប្រទេសជាច្រើននៅតែមិនចុះចម្រុងគ្នាលើការជីកយករ៉ែនៅសមុទ្រជ្រៅ កាកសំណល់ប្លាស្ទិក និងការនេសាទលើសចំណុះ។
តាមគម្រោង ប្រទេសម្ចាស់ផ្ទះត្រូវបានរំពឹងថា នឹងស្វាគមន៍មេដឹកនាំជាតិ និងរដ្ឋាភិបាលប្រមាណ ៧០ នាក់ ក្នុងនោះមាននាយករដ្ឋមន្ត្រីវៀតណាម លោក ហ្វាម មិញ ជិញ នៅទីក្រុងនីស។ កិច្ចប្រជុំនេះក៏មានវត្តមានមេដឹកនាំធុរកិច្ច ម្ចាស់ជំនួយអន្តរជាតិ និងសកម្មជនបរិស្ថានសមុទ្រផងដែរ។ មុនពេលកិច្ចប្រជុំ សិក្ខាសាលាវិទ្យាសាស្ត្រមួយនឹងប្រព្រឹត្តទៅដោយមានការចូលរួមពីអ្នកជំនាញមហាសមុទ្រប្រហែល ២.០០០ នាក់។ ប្រទេសបារាំងសន្យាថា កិច្ចប្រជុំនេះនឹងដើរតួនាទីនៃ "កិច្ចព្រមព្រៀងទីក្រុងប៉ារីស" ក្នុងវិស័យអភិរក្សមហាសមុទ្រ។
នៅក្នុងកិច្ចប្រជុំនោះ ប្រទេសនានាត្រូវបានគេរំពឹងថានឹងអនុម័តឯកសារមួយហៅថា "សេចក្តីប្រកាសនីស" ដែលបង្ហាញពីការគាំទ្រសម្រាប់ការបង្កើនការការពារមហាសមុទ្រ រួមជាមួយនឹងការប្តេជ្ញាចិត្តបន្ថែមពីរដ្ឋាភិបាលនីមួយៗ៕
