លោកនាយករដ្ឋមន្ត្រី ហ្វាម មិញជីញ ធ្វើការជាមួយសហគ្រាសអេស្តូនីដើម្បីជំរុញការអនុវត្តគម្រោងនៅវៀតណាម

នាយករដ្ឋមន្ត្រីវៀតណាមលោក ហ្វាម មិញជីញ ទទួលជួបជាមួយលោក Jevgeni Kabanov ប្រធានទទួលបន្ទុកគោលនយោបាយសាធារណៈសកនៃក្រុមហ៊ុន Bolt។ (រូបថត៖ VOV)

ក្នុងជំនួបជាមួយថ្នាក់ដឹកនាំក្រុមហ៊ុន Bolt លោក Jevgeni Kabanov ប្រធានទទួលបន្ទុកគោលនយោបាយសាធារណៈសកល និងលោកស្រី Eirini Zaferiatou អនុប្រធានក្រុមហ៊ុន និងគណៈប្រតិភូសហការី លោកនាយករដ្ឋមន្ត្រីបានស្នើឱ្យ Bolt ជំរុញដំណើរការធ្វើបរិវត្តកម្មឌីជីថលក្នុងវិស័យគមនាគមន៍ និងដឹកជញ្ជូន-ទទួល ទំនិញ; ដាក់ពង្រាយការវិនិយោគក្នុងការលើកកម្ពស់គុណភាពសេវាដឹកជញ្ជូន បង្កើតការងារបន្ថែមទៀត និងជំរុញការអភិវឌ្ឍសេដ្ឋកិច្ចចែករំលែកនៅវៀតណាម។ លោក នាយករដ្ឋមន្ត្រី ហ្វាម មិញជីញ បានស្នើឱ្យក្រុមហ៊ុនស្រាវជ្រាវនិងអភិវឌ្ឍន៍គំរូបរិវត្តកម្ម ឌីជីថល ដោយមានគុណភាពឈានមុខគេ រួមបញ្ចូលកម្មវិធីបច្ចេកវិទ្យាព័ត៌មាន និង បញ្ញាសិប្បនិម្មិត (AI) ដើម្បីគ្រប់គ្រងប្រតិបត្តិការ; ចែករំលែកបទពិសោធន៍ប្រតិបត្តិការ និងគ្រប់គ្រងជាមួយស្ថាប័នគ្រប់គ្រងរដ្ឋ និងសហគ្រាសវៀតណាមឆ្ពោះទៅរកកិច្ចសហ ប្រតិបត្តិការ និងការអភិវឌ្ឍប្រកបដោយចីរភាព។

នាយករដ្ឋមន្ត្រីវៀតណាមលោក ហ្វាម មិញជីញ ទទួលជួបលោក Carlo Lustrissimi អគ្គនាយកនិងជាសហស្ថាបនិកក្រុមហ៊ុន ៥.០ Robotics។ (រូបថត៖ VOV)

ក្នុងជំនួបធ្វើការរវាងនាយករដ្ឋមន្ត្រីវៀតណាមជាមួយថ្នាក់ដឹកនាំក្រុមហ៊ុន ៥.០ Robotics លោក Carlo Lustrissimi អគ្គនាយក និងជាសហស្ថាបនិក និងលោកស្រី Ilaria Perla នាយិកាផ្នែកអាជីវកម្មរបស់ក្រុមហ៊ុនបានសម្តែងនូវបំណងចង់សហ ប្រតិបត្តិការវិនិយោគនៅប្រទេសវៀតណាម ដោយផ្តោតលើវិស័យផលិតកម្មឆ្លាតវៃ ស្វ័យប្រវត្តិកម្មឧស្សាហកម្ម និងការកែលម្អជំនាញឌីជីថល។ ក្រុមហ៊ុនបានស្នើឱ្យ អនុវត្តន៍គម្រោង "រ៉ូបូត ១០០ សម្រាប់ទេពកោសល្យ ១០០" ដែលដាក់ពង្រាយម៉ាស៊ីន CNC កម្រិតខ្ពស់ចំនួន ១០០ គ្រឿង សម្រាប់សហគ្រាសធុនតូចនិងមធ្យមវៀតណាម ចំនួន ១០០ អង្គភាព ព្រមទាំងជួយឧបត្ថម្ភការបណ្តុះបណ្តាលដើម្បីលើកកំពស់ជំនាញ សម្រាប់ប្រតិបត្តិកររ៉ូបូតក្នុងស្រុកចំនួន ១០០ នាក់។ លោកនាយករដ្ឋមន្ត្រីបានស្នើឱ្យ ក្រុមហ៊ុន ៥.០ Robotics ផ្ទេរបច្ចេកវិទ្យាទៅឲ្យវៀតណាម; ជំរុញការអភិវឌ្ឍប្រព័ន្ធ អេកូឡូស៊ីនវានុវត្តន៍នៅវៀតណាម ជាពិសេសក្នុងវិស័យ AI និងរោងចក្រឆ្លាតវៃ; តភ្ជាប់ និងជួយឧបត្ថម្ភការចាប់ផ្តើមអាជីវកម្មដើម្បីទទួលបានបច្ចេកវិទ្យាពី ៥.០ Robotics និងបណ្តុះបណ្តាលធនធានមនុស្សប្រកបដោយមានគុណភាពខ្ពស់ផងដែរ៕