 នាយករដ្ឋមន្ត្រី លោក ហ្វាម មិញ ជិញ និងលោកជំទាវភរិយា រួមជាមួយនឹងគណៈប្រតិភូជាន់ខ្ពស់វៀតណាម បានចាកចេញពីទីក្រុងហាណូយ ដើម្បីចូលរួមសន្និសីទមហាសន្និបាតអង្គការសហប្រជាជាតិលើកទី៣ នៅប្រទេសបារាំង (រូបថត៖ Lai Hoa/VOV) |
តបតាមការអញ្ជើញរបស់អគ្គលេខាធិការអង្គការសហប្រជាជាតិលោក Antonio Guterres និងប្រធានាធិបតីបារាំងលោក Emmanuel Macron នាយករដ្ឋមន្ត្រីអេស្តូនី Kristen Michal និងនាយករដ្ឋមន្ត្រីស៊ុយអែត Ulf Kristersson នៅម៉ោង ០០:៣៩នាទី (ថ្ងៃទី ៥ ខែមិថុនា) យន្តហោះដឹកលោកនាយករដ្ឋមន្ត្រី ហ្វាម មិញ ជិញ និងលោកជំទាវភរិយា ព្រមទាំងគណៈប្រតិភូជាន់ខ្ពស់វៀតណាមបានចាកចេញពីអាកាសយានដ្ឋានអន្តរជាតិ Noi Bai (ហាណូយ) ទៅចូលរួមកិច្ចប្រជុំមហាសមុទ្រលើកទី ៣ នៃអង្គការសហប្រជាជាតិ និងដំណើរការសកម្មភាពទ្វេភាគីមួយចំនួននៅប្រទេសបារាំង និងធ្វើទស្សនកិច្ចជាផ្លូវការនៅប្រទេសអេស្តូនី និងស៊ុយអែត ចាប់ពីថ្ងៃទី ដល់ថ្ងៃទី ១៤ ខែមិថុនា ឆ្នាំ ២០២៥។
នេះជាលើកទីមួយហើយដែលនាយករដ្ឋមន្ត្រីវៀតណាមបានចូលរួមកិច្ចប្រជុំមហាសមុទ្ររបស់អង្គការសហប្រជាជាតិ ហើយជាលើកទីមួយហើយដែលនាយករដ្ឋមន្ត្រីបានទៅបំពេញទស្សនកិច្ចនៅប្រទេសបារាំងចាប់តាំងពីប្រទេសទាំងពីរបានធ្វើឱ្យប្រសើរឡើងនូវទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយ (ខែតុលា ឆ្នាំ ២០២៤); នេះគឺជាដំណើរទស្សនកិច្ចលើកដំបូងទៅកាន់ប្រទេសស៊ុយអែតរបស់នាយករដ្ឋមន្ត្រីវៀតណាមក្នុងរយៈពេល ៦ ឆ្នាំកន្លងមក; ហើយនេះក៏ជាលើកទីមួយដែរដែលថ្នាក់ដឹកនាំសំខាន់របស់វៀតណាម ទៅបំពេញទស្សនកិច្ចនៅប្រទេសអេស្តូនី ចាប់តាំងពីប្រទេសទាំងពីរបានបង្កើតទំនាក់ទំនងការទូតក្នុងឆ្នាំ ១៩៩២ មក៕
