មនុស្សចំនួនជាង៥លាននាក់លើពិភពលោកបានស្លាប់ដោយសារជម្ងឺរាតត្បាតកូវីដ-១៩

នៅកូរ៉េខាងត្បូង ក្រសួងពលកម្មប្រទេសនេះឲ្យដឹងថា ចាប់ពីចុងខែវិច្ឆិកាប្រទេសនេះនឹងលុបចោលជាបណ្ដើរៗនូវការរឹតត្បិតលើការធ្វើអន្តោប្រវេសន៍ចំពោះ ពលករបរទេស។ តាមនោះ ពលករបរទេសចំណុះស្ថានបេសកកម្មនានា នឹងត្រូវបាន អនុញ្ញាតឲ្យចូលមកកូរ៉េខាងត្បូង ប្រសិនបើមានលិខិតបញ្ជាក់ការចាក់វ៉ាក់សាំងបង្ការ កូវីដ-១៩នៅក្នុងប្រទេស ហើយមានលទ្ធផលធ្វើតេស្ត RT-PCR អវិជ្ជមាន។

ចំណែកឯរដ្ឋាភិបាលជប៉ុនគ្រោងនឹងកាត់បន្ថយពេលវេលាធ្វើចត្តាឡីស័ក ចំពោះមនុស្សដែលទៅកាន់ជប៉ុនដើម្បីគោលដៅអាជីវកម្ម ចុះត្រឹម៣ថ្ងៃ ប៉ុណ្ណោះ ជំនួសឲ្យរយៈពេល១០ថ្ងៃដូចបច្ចុប្បន្នវិញ។ នៅ អាល្លឺម៉ង់ រដ្ឋមន្រ្តីក្រសួងសុខា ភិបាលបានអំពាវនាវឲ្យអាជ្ញាធររដ្ឋទាំងអស់ក្នុងប្រទេស បើកទ្វារមជ្ឈមណ្ឌលចាក់ វ៉ាក់សាំងឡើងវិញ សំដៅពន្លឿនការចាក់វ៉ាក់សាំងដូសជំរុញសម្រាប់ជនចាស់ជរា៕