នាយករដ្ឋមន្រ្តីវៀតណាមលោក ហ្វាម មិញជីញ ជួបសន្ទនាជាមួយប្រធានព្រឹទ្ធសភាបារាំង លោក Gérard Larcher។ (រូបថត៖ VGP)
ក្នុងជំនួបសន្ទនាជាមួយប្រធានព្រឹទ្ធសភាបារាំង លោក Gérard Larcher នារសៀលថ្ងៃទី១០ មិថុនា នៅទីក្រុងប៉ារីស នាយករដ្ឋមន្រ្តីវៀតណាមលោក ហ្វាម មិញជីញ បានស្នើឱ្យព្រឹទ្ធសភាបារាំងពង្រឹងកិច្ចសហប្រតិបត្តិការជាមួយរដ្ឋសភាវៀតណាមក្នុងការបង្កើតលក្ខខ័ណ្ឌផ្តល់សច្ចាប័នលើកិច្ចព្រមព្រៀងសហប្រតិបត្តិការ ក៏ដូច ជាបង្កើនការសម្របសម្រួល និងការគាំទ្រគ្នាទៅវិញទៅមកនៅវេទិកាអន្តរសភាតំបន់ និងពិភពលោក។ លោកនាយករដ្ឋមន្ត្រីស្នើឲ្យបារាំងឆាប់ផ្ដល់សច្ចាប័នលើកិច្ចព្រម ព្រៀងការពារការវិនិយោគសហភាពអឺរ៉ុប-វៀតណាម (EVIPA)។
ភាគីទាំងពីរបានឯកភាពជំរុញទំនាក់ទំនងការពារជាតិ និងសន្តិសុខ រួមទាំងការ រក្សាសន្តិភាព ការស្វែងរក និងជួយសង្គ្រោះ វិទ្យាសាស្ត្របច្ចេកវិទ្យា ថាមពល គមនាគមន៍-ដឹកជញ្ជូន; ពង្រឹងកិច្ចសហប្រតិបត្តិការលើវិស័យអប់រំបណ្តុះបណ្តាល រួមទាំងការផ្លាស់ ប្តូររវាងសាកលវិទ្យាល័យនៃប្រទេសទាំងពីរ កិច្ចសហប្រតិបត្តិការវប្បធម៌ ការអភិរក្ស កេរ្តិ៍ដំណែលជាមួយស្ថាបត្យកម្មបារាំងនៅវៀតណាម; កិច្ចសហប្រតិបត្តិការសុខា ភិបាល ជាពិសេសការផលិតវ៉ាក់សាំង។
ទិដ្ឋភាពនៅជំនួបរវាងនាយករដ្ឋមន្រ្តីវៀតណាមលោក ហ្វាម មិញជីញ និងប្រធានរដ្ឋសភាបារាំង លោកស្រី Yael Braun-Pivet។ (រូបថត៖ VGP)
នារសៀលថ្ងៃដដែល ក្នុងជំនួបជាមួយប្រធានរដ្ឋសភាបារាំង លោកស្រី Yael Braun-Pivet លោកនាយករដ្ឋមន្ត្រី ហ្វាម មិញជីញ បានស្នើឱ្យរដ្ឋសភាបារាំងគាំទ្ររដ្ឋាភិបាល ក្នុងការអនុវត្តខ្លឹមសារជាក់ស្ដែងនៃទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយ ដោយមានគម្រោងជានិមិត្តរូបលើវិស័យដូចជា៖ ការសាងសង់ហេដ្ឋារចនាសម្ព័ន្ធដឹក ជញ្ជូន ថាមពលថ្មី ការអប់រំ-បណ្តុះបណ្តាល វប្បធម៌-សិល្បៈ ការអភិរក្សសារមន្ទីរ។ ថ្នាក់ដឹកនាំទាំងពីរបានឯកភាពបន្តរក្សាការផ្លាស់ប្តូរគណៈប្រតិភូជាន់ខ្ពស់ និង រវាងគណៈកម្មាធិការជំនាញ និងក្រុមសមាជិកសភាមិត្តភាព ដើម្បីផ្លាស់ប្តូរបទ ពិសោធន៍ និងលើកកំពស់ប្រសិទ្ធភាពប្រតិបត្តិការនៃស្ថាប័នរដ្ឋសភារបស់ប្រទេស ទាំងពីរ ក៏ដូចជាបង្កើនការត្រួតពិនិត្យប្រកបដោយប្រសិទ្ធភាពនូវកិច្ចព្រមព្រៀងសហ ប្រតិបត្តិការដែលបានចុះហត្ថលេខារវាងរដ្ឋាភិបាលទាំងពីរផងដែរ។
ក្នុងកម្រិតពហុភាគី ភាគីទាំងពីរបានឯកភាពពង្រឹងការសម្របសម្រួល និងការគាំទ្រគ្នាទៅវិញទៅមកនៅវេទិកាអន្តរសភាក្នុងតំបន់ និងពិភពលោក ដូចជាសហភាពអន្តរសភា (IPU) សហភាពសភាហ្វ្រង់កូហ្វូន (APF) ជាដើម៕