បំផុសយុទ្ធនាការ "ជំហានរាប់លាននៃសេចក្តីសប្បុរស - បន្តទំព័រមាសនៃប្រវត្តិសាស្រ្ត" និងកៀរគរធនធានសម្រាប់ចលនា "បុណ្យតេតនៃសេចក្ដីសប្បុរស - និទាឃរដូវឆ្នាំ២០២៥"

ចលនា "បុណ្យតេតនៃសេចក្ដីសប្បុរស - និទាឃរដូវឆ្នាំ ២០២៥" ដែលធ្វើឡើង ចាប់ពីថ្ងៃទី ៧-១៧ ខែមករា ឆ្នាំ ២០២៥ មានគោលដៅកៀរគរអំណោយចំនួន ១,២ លានកញ្ចប់សម្រាប់ជនក្រីក្រ ជនដែលមានស្ថានភាពលំបាក និងជនងាយរងគ្រោះ ដោយមានតម្លៃសរុប ៧០០ ពាន់លានដុង (ជាង ២៧,៥ លានដុល្លារអាមេរិក)។

បណ្ដាតំណាងចូលរួមដើរថ្មើជើងបំផុសយុទ្ធនាការ "ជំហានរាប់លាននៃសេចក្តីសប្បុរស - បន្តទំព័រមាសនៃ ប្រវត្តិសាស្ត្រ"។ (រូបថត៖ VNA)

ទន្ទឹមនឹងនោះ យុទ្ធនាការ "ជំហានរាប់លាននៃសេចក្តីសប្បុរស - បន្តទំព័រមាសនៃ ប្រវត្តិសាស្ត្រ" ដែលធ្វើឡើងចាប់ពីថ្ងៃទី ២៣ ខែវិច្ឆិកា ឆ្នាំ ២០២៤ ដល់ថ្ងៃទី ២៨ ខែមេសា ឆ្នាំ ២០២៥ មានគោលដៅចលនាមនុស្សចំនួន ២០ ម៉ឺននាក់ឱ្យចូលរួម ក្នុងការដើរថ្មើជើង និងរត់តាមរយៈផ្លាតហ្វមអនឡាញ V-Race ជាមួយនឹងចម្ងាយ ៥ លានគីឡូម៉ែត្រដែលឆ្លងកាត់ទីតាំងនិងព្រឹត្តិការណ៍ប្រវត្តិសាស្ត្រនានារបស់ប្រទេសជាតិ។ កម្មវិធីនេះរំពឹងថា នឹងកៀគរថវិកាបានចំនួន ៥ ពាន់លានដុង (ជិត ១៩៧ ពាន់ ដុល្លារអាមេរិក) ដើម្បីអនុវត្តន៍គម្រោងជំនួយមនុស្សធម៌ក្នុងឆ្នាំ ២០២៥។

លោកស្រី Bui Thi Hoa ប្រធានមជ្ឈិមសមាគមកាកបាទក្រហមវៀតណាម។ (រូបថត៖ VNA)

ថ្លែងមតិក្នុងកម្មវិធី លោកស្រី Bui Thi Hoa ប្រធានមជ្ឈិមសមាគមកាកបាទ ក្រហមវៀតណាម បានអំពាវនាវយ៉ាងដូច្នេះថា៖ “គណៈកម្មាធិការមជ្ឈិមកាកបាទក្រហមវៀតណាម អំពាវនាវដល់សមាជិក សមាជិកា អ្នកស្ម័គ្រចិត្ត យុវជនកាកបាទក្រហម អង្គភាពអាជីវកម្ម អង្គការ និងបុគ្គល ទាំងអស់នៅទាំងក្នុងនិងក្រៅប្រទេស ដោយសមត្ថភាពនិងបេះដូងរបស់ខ្លួន សូមចូលរួមជួយជ្រោមជ្រែង និងធ្វើសកម្មភាពជាក់ស្តែងជាច្រើន ដើម្បីគាំទ្រដល់កម្ម វិធី "បុណ្យតេតនៃសេចក្ដីសប្បុរស - និទាឃរដូវឆ្នាំ ២០២៥"និងយុទ្ធនាការ "ជំហានរាប់លាននៃសេចក្តីសប្បុរស - បន្តទំព័រមាសនៃប្រវត្តិសាស្រ្ត"។ កាយវិការដ៏ថ្លៃថ្នូនីមួយៗ ជំហានប្រកបដោយក្តីសប្បុរសនីមួយៗ របស់លោកអ្នកនឹង នាំមកនូវក្ដីសប្បាយរីករាយ និងក្តីសង្ឃឹមដល់ជនក្រីក្រ និងជនដែលមានស្ថានភាព លំបាករាប់លាននាក់ ដោយបានទទួលអំណរបុណ្យតេតប្រពៃណីកាន់តែពេញលេញ ធ្វើឱ្យចលនាសប្បុរសធម៌ស្ម័គ្រចិត្ត រីករាលដាលយ៉ាងទូលំទូលាយលើ ទូទាំងប្រទេស”៕