នៅក្នុងសេចក្តីថ្លែងការណ៍រួម រដ្ឋមន្ត្រីការបរទេសអារ៉ាប់បានបញ្ជាក់ជាថ្មីអំពីតម្រូវការក្នុងការពន្លឿនដំណើរការនៃការបង្កើតរដ្ឋប៉ាឡេស្ទីនឯករាជ្យមួយដែលមានព្រំដែនឆ្នាំ ១៩៦៧ និងក្រុងយេរូសាឡឹមខាងកើតជារដ្ឋធានីរបស់ខ្លួន ដោយចាត់ទុកថា នេះជាផ្លូវតែមួយគត់ដើម្បីសម្រេចបាននូវសន្តិភាពដ៏យុត្តិធម៌ ទូលំទូលាយ និងយូរអង្វែងនៅមជ្ឈិមបូព៌ា។

នៅក្នុងសេចក្តីថ្លែងការណ៍នេះផងដែរ រដ្ឋមន្ត្រីការបរទេសអារ៉ាប់ទាំងប្រាំរូបបានសង្កត់ធ្ងន់លើសារៈសំខាន់នៃការអនុវត្តកិច្ចព្រមព្រៀងសន្តិភាពហ្គាហ្សាយ៉ាងពេញលេញក្រោមគំនិតផ្តួចផ្តើមរបស់ប្រធានាធិបតី ដូណាល់ ត្រាំ ដើម្បីបញ្ចប់សង្គ្រាម៕