អាមេរិកប្រកាសកិច្ចព្រមព្រៀងរ៉ែជាមួយអ៊ុយក្រែន; ប្រកាសមិនផ្តល់សមាជិកភាព ណាតូដល់អ៊ុយក្រែន

នាថ្ងៃដដែល នៅក្នុងកិច្ចប្រជុំគណៈរដ្ឋមន្ត្រីដំបូងនៃរដ្ឋបាលថ្មី នៅសេតវិមាន ប្រធានាធិបតីអាមេរិក លោក Donald Trump បានបញ្ជាក់ថា កិច្ចព្រមព្រៀងក្របខ័ណ្ឌស្តីពីរ៉ែរវាងសហរដ្ឋអាមេរិកនិងអ៊ុយក្រែនត្រូវបានសុក្រឹត្យ ហើយនឹងត្រូវបានចុះហត្ថលេខានៅចុងសប្តាហ៍នេះ។ យោងតាមខ្លឹមសារសំខាន់ៗនៃកិច្ចព្រមព្រៀងនេះ អ៊ុយក្រែននឹងយល់ព្រមចែករំលែកជាមួយសហរដ្ឋអាមេរិកចំនួន ៥០% នៃប្រាក់ចំណេញពីការធ្វើអាជីវកម្មរ៉ែកម្រនៅក្នុងប្រទេសនេះ ក៏ដូចជាការធ្វើអាជីវកម្មលើហេដ្ឋារចនាសម្ព័ន្ធកំពង់ផែ។ កិច្ចព្រមព្រៀងនេះមានតម្លៃសរុប ៥០០ ពាន់លានដុល្លារអាមេរិក ហើយត្រូវបានរដ្ឋបាលរបស់លោកប្រធានាធិបតី Donald Trump ចាត់ទុកជាសំណង សម្រាប់ជំនួយផ្នែកយោធានិងសេដ្ឋកិច្ចដែលអាមេរិកបានផ្តល់ជូនអ៊ុយក្រែនក្នុងប៉ុន្មានឆ្នាំកន្លងទៅ។