នៅក្នុងគ្រឹះស្ថានបំប្លែងសារធាតុអ៊ុយរ៉ាញ៉ូមរបស់អ៊ីរ៉ង់ក្នុងទីក្រុង Isfahan។ រូបថតឯកសារ៖ REUTERS/Caren Firouz
នៅក្នុងសន្និសីទសារព័ត៌មានកាលពីថ្ងៃទី ២៦ ឧសភា អ្នកនាំពាក្យក្រសួងការ បរទេសអ៊ីរ៉ង់លោក Esmail Baghaei បានបដិសេធព័ត៌មានអំពីការផ្អាកការចម្រាញ់ សារធាតុអ៊ុយរ៉ាញ៉ូមដើម្បីធានាកិច្ចព្រមព្រៀងនុយក្លេអ៊ែរជាមួយសហរដ្ឋអាមេរិក។ អ្នកនាំពាក្យ Esmail Baghaei ក៏បានបញ្ជាក់យ៉ាងច្បាស់ថា ប្រទេសនេះនឹងមិន ទទួលយកការបង្កកសកម្មភាពចម្រាញ់សារធាតុអ៊ុយរ៉ាញ៉ូមរយៈពេល ៣ ឆ្នាំ ដើម្បី សម្រេចបានកិច្ចព្រមព្រៀងជាមួយសហរដ្ឋអាមេរិកនោះទេ។ និយាយអំពីវឌ្ឍនភាពនៃ ការចរចា លោក Baghaei បានឲ្យដឹងថា អ៊ីរ៉ង់កំពុងរង់ចាំព័ត៌មានលម្អិតបន្ថែមពីអ្នក សម្របសម្រួល អូម៉ង់ អំពីពេលវេលានៃវង់ចរចាបន្ទាប់។ លោកក៏បានសម្តែងក្តីសង្ឃឹម ចំពោះសុច្ឆន្ទៈពីភាគីអាមេរិក ប៉ុន្តែបានសង្កត់ធ្ងន់ថា នឹងមិនទទួលយកលទ្ធផលចរចា ដែលនឹងនាំទៅដល់ការរឹតត្បិតសិទ្ធិនានារបស់ប្រទេសសាធារណរដ្ឋអ៊ីស្លាមនេះទេ។
នៅក្នុងសេចក្ដីថ្លែងនៅថ្ងៃដដែលនោះ ប្រធានាធិបតីអ៊ីរ៉ង់លោក Masoud Pezeshkian ក៏បានបង្ហាញពីជំហរដ៏តឹងតែងរបស់ទីក្រុង តេអេរ៉ង់ ដោយសង្កត់ធ្ងន់ថា ទោះបីជាមិនឈានដល់កិច្ចព្រមព្រៀងជាមួយសហរដ្ឋអាមេរិក ឬប្រឈមមុខនឹង ទណ្ឌកម្មពីទីក្រុងវ៉ាស៊ីនតោនក៏ដោយ ប៉ុន្តែទីក្រុង តេអេរ៉ង់ នឹងនៅតែរកវិធីដើម្បីរស់រានមានជីវិត៕