(VOVWORLD) - ពីអង្គភាពមួយដែលមានឯកទេសក្នុងការនាំចូលនិងចែកចាយកុំព្យូទ័រ ក្រុមហ៊ុនភាគហ៊ុនផ្សព្វផ្សាយនិងកុំព្យូទ័រ Thanh Giong បានអភិវឌ្ឍន៍ក្នុងទិសដៅផលិតនិងដំឡើងកុំព្យូទ័រជាមួយគោលបំណងចង់បង្កើតផលិតផលកុំព្យូទ័រ "Make in Vietnam"។ រយៈពេលជិត ២០ឆ្នាំចាប់តាំងពីការបង្កើត រហូតមកដល់ពេលនេះ ម៉ាកយីហោកុំព្យូទ័រ Thanh Giong បានខិតខំនាំយកបញ្ញានិងភាពច្នៃប្រឌិតរបស់ប្រជាជនវៀតណាមពីដំបូងទីក្នុងវិស័យនេះ ស្ទុះឈានឡើង ជាមួយនឹង "កម្លាំងពលំ Phu Dong" ។

(VOVWORLD) - ការលក់បន្តផ្ទាល់នៅលើវេទិកាបណ្តាញទំនាក់ទំនងសង្គម ឬការលក់តាមរយៈ ពហុបណ្តាញ គឺជានិន្នាការដែលត្រូវបានអ្នកផ្គត់ផ្គង់និយមប្រើប្រាស់ ហើយត្រូវបានអតិថិជន ជឿទុកចិត្តជ្រើសរើសផងដែរ។ មិនត្រឹមតែតភ្ជាប់អ្នកទិញជាមួយអ្នកលក់ប៉ុណ្ណោះទេ វិធីសាស្ត្រផ្សាយផ្ទាល់ទំនិញវៀតណាមកំពុងឆ្ពោះទៅបង្កើនការទទួលខុសត្រូវ ធានាកេរ្តិ៍ឈ្មោះម៉ាកយីហោផលិត ផល និងបង្កើតខ្សែសង្វាក់ផ្គត់ផ្គង់ប្រកបដោយសុវត្ថិភាពនិងនិរន្តរភាព។

(VOVWORLD) - ឧស្សាហកម្ម semiconductor គឺជាស្នូលនៃឧស្សាហកម្មអេឡិចត្រូនិក ដែលបានចាត់ទុក ជាមូលដ្ឋានគ្រឹះសម្រាប់ការផ្លាស់ប្តូរសំខាន់ៗចំនួនបីនៅក្នុងបដិវត្តន៍ឧស្សាហកម្ម ៤.០ រួមមាន៖ ការផ្លាស់ប្តូរឌីជីថល ការផ្លាស់ប្តូរបៃតង និងការផ្លាស់ប្តូរឆ្លាតវៃ។ ក្នុងបរិបទនៃការធ្វើពិពិធកម្មខ្សែសង្វាក់ផ្គត់ផ្គង់ និងការប្រែប្រួលដ៏ស្មុគស្មាញផ្នែកភូមិសាស្ត្រនយោបាយនៅលើពិភពលោក សហគ្រាស semiconductor បាននិងកំពុងផ្លាស់ទីទៅកាន់បណ្តាប្រទេសអាស៊ី រួមទាំងវៀតណាមផងដែរ។ ដើម្បីកុំឱ្យរំលងឱកាស វៀតណាមបានផ្តោតសំខាន់លើរបកគំហើញដូចជា៖ ការសុក្រិតស្ថាប័ន ការធ្វើសមកាលកម្មហេដ្ឋារចនាសម្ព័ន្ធ និងការអភិវឌ្ឍធនធានមនុស្សប្រកបដោយគុណភាពខ្ពស់ ដើម្បីលើកកំពស់ឋានៈរបស់វៀតណាមក្នុងខ្សែសង្វាក់ផ្គត់ផ្គង់ semiconductor សកល។

(VOVWORLD) - សហគ្រាសបច្ចេកវិទ្យាឌីជីថលរបស់វៀតណាមមានការអភិវឌ្ឍយ៉ាងឆាប់រហ័សទាំងបរិមាណនិងសមត្ថភាពប្រកួតប្រជែង។ សហគមន៍អាជីវកម្មបច្ចេកវិទ្យាវៀតណាមបាននិងកំពុងផ្តល់ផលិតផល សេវាកម្មនិងដំណោះស្រាយឌីជីថល សម្រាប់ការពន្លឿនការផ្លាស់ប្តូរ ឌីជីថល អភិវឌ្ឍន៍សេដ្ឋកិច្ចឌីជីថលនិងសង្គម ឌីជីថលរបស់ប្រទេសជាតិ រួមចំណែកកាត់បន្ថយគម្លាតឌីជីថលសកលលោក រួមដៃគ្នាជាមួយ សហគមន៍ធុរកិច្ចអន្តរជាតិ ដើម្បីកសាងពិភព ឌីជីថល។ ក្នុងចំណោមនោះ មានអាជីវកម្មជាច្រើនបានត្រួសត្រាយចូលទីផ្សារពិភពលោក និងទទួលបានជោគជ័យផងដែរ។

(VOVWORLD) - មិនត្រឹមតែទទួលបានការជឿទុកចិត្តពីអ្នកប្រើប្រាស់ក្នុងស្រុកប៉ុណ្ណោះទេ ផលិតផលវៀតណាមកំពុងអះអាងពីគុណភាពរបស់ខ្លួននៅលើទីផ្សារបរទេសហើយទទួលបានប្រប្រិយភាពនិងវាយតម្លៃខ្ពស់ពីអ្នកប្រើប្រាស់នៅបរទេសទៀតផង។ ដោយមានការគាំទ្រពីក្រសួង ផ្នែក ស្ថាប័នតំណាងការទូតនៅបរទេសបានចុះហត្ថលេខាលើកិច្ចព្រមព្រៀងពាណិជ្ជកម្មសេរី (FTA) ផលិតផល “Made in Vietnam" កំពុងមានវត្តមាននិងពង្រីកចំណែកទីផ្សារដោយឥតឈប់ឈរនៅទូទាំងពិភពលោក។

(VOVWORLD) - ផ្តោតលើការអភិវឌ្ឍផលិតផល OCOP (ឃុំមួយផលិតផលមួយ) ដោយដោយភ្ជាប់ជាមួយកម្មវិធីគោលដៅជាតិកសាងជនបទថ្មី គឺជាទិសដៅរបស់ខេត្ត Hau Giang នាពេលថ្មីៗនេះ។ តាមនោះ ខេត្ត Hau Giang ជាតំបន់ឈានមុខគេក្នុងការបង្កើតផលិតផលប្រកបដោយគុណភាព រួមចំណែកលើកកំពស់តម្លៃកសិផលក្នុងមូលដ្ឋាន និងលើកកម្ពស់ជីវភាពរស់នៅរបស់ប្រជាជននៅជនបទ។

(VOVWORLD) - ក្រុមហ៊ុនភាគហ៊ុនអំពូលភ្លើងបំពង់ទឹកក្ដៅ Rang Dong (ពីមុននេះគឺជា រោងចក្រអំពូលភ្លើង បំពង់ទឹកក្ដៅ Rang Dong) គឺជាសហគ្រាស ឈានមុខក្នុងវិស័យអំពូលភ្លើងបំភ្លឺនៅវៀតណាម បន្ទាប់ពីរយៈពេលជាង ៦០ ឆ្នាំនៃការសាងសង់និងអភិវឌ្ឍន៍។ ចាប់ពីផលិតផលដើមដំបូងដូច ជា អំពូលភ្លើង បំពង់ទឹកក្ដៅរហូតមកដល់បច្ចុប្បន្ន ផលិតផលរបស់ក្រុមហ៊ុនភាគហ៊ុនអំពូលភ្លើងបំពង់ទឹកក្ដៅ Rang Dong កាន់តែភាពចម្រុះនិងសម្បូរបែប ហើយត្រូវបាននាំចេញទៅកាន់ទីផ្សារជាច្រើន ជុំវិញពិភពលោក។

(VOVWORLD) - វិស័យសំបុកត្រចៀកកាំរបស់ វៀតណាមត្រូវបានចាត់ទុកថា ជាវិស័យមុខរបរមួយក្នុងចំណោមវិស័យមុខរបរដែលនាំមក នូវតម្លៃសេដ្ឋកិច្ចខ្ពស់។ បច្ចុប្បន្ន នៅទូទាំងប្រទេសមានខេត្តចំនួន ៤២/៦៣ ដែលចិញ្ចឹមសំបុកត្រចៀកកាំ។ ជារៀងរាល់ឆ្នាំ គ្រួសារចិញ្ចឹមត្រចៀកកាំ បានផលិតចេញត្រចៀកកាំរាប់រយតោន ដែលមានតម្លៃជិត ៥០០លានដុល្លារអាមេរិក។ ក្រៅពីបម្រើទីផ្សារក្នុងស្រុក ផលិតផលសំបុកត្រចៀកកាំរបស់វៀតណាមក៏ត្រូវបាននាំចេញទៅកាន់ប្រទេសមួយចំនួន ហើយកំពុង ដណ្តើមយកទីផ្សារដែលមានស្តង់ដា តឹងរឹងជាច្រើនក្នុងពិភពលោកបន្តិចម្តងៗ។

(VOVWORLD) - ជាមួយនឹងការបើកទូលាយខឿនសេដ្ឋកិច្ច និងកិច្ចព្រមព្រៀងពាណិជ្ជកម្មសេរីទ្វេភាគី (FTA)ជំនាន់ថ្មី សហគ្រាសវៀតណាមកំពុងមានឱកាសជាច្រើនដើម្បីអភិវឌ្ឍន៍។ ជំរុញការផ្លាស់ប្តូរ ការអនុវត្តវិទ្យាសាស្ត្រនិងបច្ចេកវិទ្យា ជាមួយនឹងការជួយឧបត្ថម្ភពីយន្តការនិងគោលនយោបាយជាក់លាក់ សហគ្រាសវៀតណាមកំពុងបង្កើតសមត្ថភាពប្រកួតប្រជែងមិនត្រឹមតែនៅលើទីផ្សារក្នុងស្រុកប៉ុណ្ណោះទេ ថែមទាំងនៅលើទីផ្សារក្នុងតំបន់ និងជុំវិញពិភពលោកទៀតផង។

(VOVWORLD) - ផលិតផលវៀតណាមកំពុងមានវត្តមានកាន់តែខ្លាំងឡើងនៅក្នុងទីផ្សារប្រពៃណីសំខាន់ៗ ហើយទន្ទឹមនឹងនោះ បានចាប់ផ្តើមស្វែងរកទីផ្សារដ៏មានសក្តានុពលថ្មីៗនៅអាស៊ីខាងត្បូង មជ្ឈិមបូព៌ា ឬអាមេរិកខាងត្បូង។