ដំណើរ ១០០ ឆ្នាំនៃសារព័ត៌មានវៀតណាម៖ ការចងចាំដ៏រស់រវើកនៅសារមន្ទីរ សារព័ត៌មានវៀតណាម
VOV5/ Le Chi -
(VOVWORLD) - នាថ្ងៃទី ២១ មិថុនា ឆ្នាំ ១៩២៥ កាសែត “Thanh Nien” (យុវជន) ត្រូវបានបង្កើត ឡើងដោយអគ្គមគ្គុទេស Nguyen Ai Quoc ដែលកត់សម្គាល់នូវកំណើតនៃសារព័ត៌ មានបដិវត្តន៍វៀតណាម។ មួយសតវត្សបានកន្លងផុតទៅហើយ ដំណើរនោះត្រូវបាន បង្កើតឡើងវិញយ៉ាងរស់រវើកក្នុងជីវភាពសម័យទំនើបនៅសារមន្ទីរសារព័ត៌មាន
វៀត ណាម - កន្លែងរក្សាទុកនូវការចងចាំអំពីអ្នកនិពន្ធដែលបានលះបង់ខ្លួនឯងដើម្បី ប្រជាជាតិ និងការពិត។
 |
| សារមន្ទីរសារព័ត៌មានវៀតណាម មានទីតាំងនៅក្នុងបរិវេណអគារសមាគមអ្នក កាសែតវៀតណាម នៅវិថី Duong Dinh Nghe (ខ័ណ្ឌ Cau Giay ទីក្រុងហាណូយ) ដែលជាកន្លែងរក្សាទុកអនុស្សាវរីយ៍អំពីអាជីពអ្នកកាសែតក្នុងអំឡុងពេល ១០០ ឆ្នាំកន្លងមក។ |
 |
| ដំបូន្មានរបស់លោកប្រធានហូជីមិញជូនចំពោះអ្នកសារព័ត៌មានវៀតណាម ត្រូវបានដាក់នៅសាលកិត្តិយស ដែលជាកន្លែងដ៏ឧឡារិកនៃសារមន្ទីរ។ |
 |
| “ប៊ិចផ្កាឈូក” លេចធ្លោនៅចំកណ្តាលជាមួយនឹងអត្ថន័យដ៏ជ្រាលជ្រៅ៖ ភាពមុតស្រួចនៃចុងប៊ិច និងផ្កាឈូកតំណាងឱ្យភាពបរិសុទ្ធ។ នេះត្រូវបានគេចាត់ទុកថាជាសារដែលអ្នកកាសែតវៀតណាមគ្រប់ជំនាន់ប្រកាន់ខ្ជាប់ជានិច្ច។ |
 |
| រូបផ្កាឈូកត្រូវបានបង្កើតឡើងដោយឈ្មោះកាសែត និងភ្នាក់ងារសារព័ត៌មានចាប់តាំងពីការបង្កើតនៃកាសែតវៀតណាមដំបូងគេរហូតមកដល់បច្ចុប្បន្ន។ |
 |
| លំហតាំងពិព័រណ៍ត្រូវបានបែងចែកតាមសម័យប្រវត្តិសាស្ត្រ។ |
 |
| ជាន់ទីមួយដាក់តាំងបង្ហាញវត្ថុសារព័ត៌មានក្នុងសម័យប្រវត្តិសាស្ត្រពីឆ្នាំ ១៨៦៥ ដល់ឆ្នាំ ១៩៧៥។ |
 |
| “Thanh Nien” (យុវជន) - ស្នាដៃបោះពុម្ភសារព័ត៌មានបដិវត្តន៍ដំបូងរបស់វៀត ណាម ដែលបានបោះពុម្ពក្នុងខែតុលា ឆ្នាំ ១៩២៦។ |
 |
| ភ្ញៀវមកទស្សនាសារមន្ទីរ។ |
 |
| សារមន្ទីរមានវត្ថុនិងឯកសារជាង ២ ម៉ឺន។ ក្នុងចំណោមនោះ មានវត្ថុ ឯកសារលេចធ្លោនិងពិសេសប្រមាណ ៧០០ ជាមួយនឹងរឿងរ៉ាវគួរឱ្យចាប់អារម្មណ៍ ត្រូវបានតាំងបង្ហាញនៅសារមន្ទីរ។ ភាគច្រើនជាវត្ថុដើម។ |
 |
| កាតអ្នកកាសែតរបស់អ្នកកាសែត Duong Thi Ngan - វិទ្យុសម្លេងវៀតណាម។ |
 |
| វត្ថុដ៏លេចធ្លោមួយនៅសារមន្ទីរគឺឧបករណ៍បំពងសម្លេងដោយមានអានុភាព ៥០០W ដែលត្រូវបានគេដាក់នៅច្រាំងខាងជើងនៃទន្លេ Ben Hai (ខេត្ត Quang Tri ភាគកណ្តាលវៀតណាម) សម្រាប់ផ្សាយកម្មវិធីរបស់វិទ្យុសម្លេងវៀតណាម សំដៅ ជួយតភ្ជាប់ព័ត៌មាន និងចំណងសាមគ្គីភាពរបស់បងប្អូនជនរួមជាតិរវាងច្រាំងទន្លេ ទាំងពីរខាងជើង-ខាងត្បូង ក្នុងអំឡុងពេលតស៊ូប្រឆាំងអាមេរិកសង្គ្រោះជាតិ។ |
 |
| ឧបករណ៍ចាក់ផ្សាយ-ទទួលសញ្ញា នៃទីភ្នាក់ងារព័ត៌មានរំដោះដែលប្រើប្រាស់ នៅសមរភូមិភាគខាងត្បូងក្នុងអំឡុងពេលតស៊ូប្រឆាំងអាមេរិក។ |
 |
| លើសពីនេះ នៅមាន "លេណដ្ឋានកាសែត" ប្រជាជន បន្ទប់ងងឹតលាងរូបថតរបស់ ទីភ្នាក់ងារសារព័ត៌មានវៀតណាម ឬកាមេរ៉ាថតវីដេអូដែលគូសសញ្ញាពីកំណើត របស់ទូរទស្សន៍វៀតណាម... |
 |
| ការបង្កើតឡើងវិញនូវបន្ទប់ងងឹតលាងរូបថតរបស់ទីភ្នាក់ងារព័ត៌មានវៀតណាម។ |
 |
| សាមញ្ញ ខ្វះខាត ប៉ុន្តែពោរពេញដោយភាពខ្លៀវក្លា - លំហតាំងបង្ហាញវត្ថុដែល ផ្សារភ្ជាប់នឹងជីវភាពប្រចាំថ្ងៃរបស់អ្នកកាសែតក្នុងសម័យសង្គ្រាម។ |
 |
| ជាន់ទី២ ជាកន្លែងតាំងបង្ហាញពីការផ្លាស់ប្ដូរថ្មី ការអភិវឌ្ឍ និងសមាហរណកម្ម នៃសារព័ត៌មានបដិវត្តន៍វៀតណាម។ |
 |
| សារព័ត៌មានបដិវត្តន៍វៀតណាមសព្វថ្ងៃនេះ បានឈានចូលយុគសម័យឌីជីថល ដោយមានការផ្លាស់ប្តូរថ្មីខ្លាំងក្លា៖ កាសែតអេឡិចត្រូនិក ទូរទស្សន៍អន្តរកម្ម សារព័ត៌ មានទិន្នន័យ... និងតភ្ជាប់ជាមួយសាធារណៈជនតាមរយៈពហុវេទិកា។ |
 |
| ចាប់តាំងពីកាសែតបោះពុម្ពបឋមនៃដើមសតវត្សទី ២០ រហូតដល់ឧបករណ៍ ឌីជីថលទំនើប សារមន្ទីរបាននាំអ្នកទស្សនាឆ្លងកាត់ដំណើរអភិវឌ្ឍន៍ដោយឥត ឈប់ឈរនៃសារព័ត៌មានបដិវត្តន៍។ កន្លែងនេះមិនត្រឹមតែរក្សាទុកប្រវត្តិសាស្ត្រប៉ុណ្ណោះទេ ថែមទាំងក៏ជា “សាលារស់” សម្រាប់យុវជនជំនាន់ក្រោយដែលស្រឡាញ់អាជីពអ្នកកាសែតទៀតផង៕ |
VOV5/ Le Chi