ចំណាប់អារម្មណ៍យ៉ាង​ខ្លាំងរបស់អ្នកសារព័ត៌មានកម្ពុជាក្នុង​ដំណើរទស្សនកិច្ចនៅវៀតណាម

នោះគឺជាការចែករំលែករបស់អ្នកកាសែត ទូច វល័ក្ខ អនុប្រធានផ្នែកផលិតកម្មវិធី នៃទីភ្នាក់ងារសារព័ត៌មានកម្ពុជា (AKP)។ អ្នកស្រី វល័ក្ខ សមាជិកម្នាក់ក្នុងចំណោមមន្ត្រីនិងអ្នកសារព័ត៌ ១០នាក់ មកពីអង្គភាពសំខាន់ៗចំនួន ៦ នៃក្រសួងព័ត៌មានកម្ពុជា ដែលចូលរួមក្នុងដំណើរទស្សកិច្ចចាប់ពីថ្ងៃទី ២៨ ខែកញ្ញា ដល់ថ្ងៃទី ៤ ខែតុលា នៅវៀតណាម។ ជាមួយនឹងដំណើរចាប់ពីមូលដ្ឋានសម្បូរណ៍ធូរធាដូចជា Ninh Binh, Quang Ninh ដល់រដ្ឋធានីហាណូយ ជាមួយភ្នាក់ងារសារព័ត៌មានទំនើប អ្នកសារព័ត៌មានកម្ពុជាបានមើលឃើញពីវឌ្ឍនភាពដ៏ខ្លាំងក្លារបស់វៀតណាមក្នុងវិស័យព័ត៌មាន និងផ្សព្វផ្សាយ ក៏ដូចជាជីវភាពសេដ្ឋកិច្ចនិងសង្គមនិយាយរួម។ ដោយធ្វើការជាមួយភ្នាក់ងារសារព័ត៌មានក្នុងស្រុក គណៈប្រតិភូបានស្តាប់ការឧទ្ទេសនាម និងចែករំលែកបទពិសោធន៍ជាច្រើនក្នុងការគ្រប់គ្រងនិងតំរង់ទិសព័ត៌មាន បង្កើតប្រព័ន្ធផ្សព្វផ្សាយពហុស្រទាប់ ស៊ីសង្វាក់គ្នា ជួយឲ្យប្រជាជននៅគ្រប់ទីកន្លែង ពីទីក្រុងធំៗរហូតដល់តំបន់ដាច់ស្រយាល សុទ្ធតែអាចទទួលបានព័ត៌មានផ្លូវការ និងទាន់ពេលវេលា។ លោក អ៊ិន ឆៃ រដ្ឋលេខាធិការក្រសួងព័ត៌មានកម្ពុជា ប្រធានគណៈប្រតិភូអ្នកសារព័ត៌មានកម្ពុជាបានសម្ដែងមតិថា៖

ដំណើរទស្សនៈកិច្ចការងាររបស់គណៈប្រតិភូអ្នកសារព័ត៌មានកម្ពុជាបានបញ្ចប់ក្នុងបរិយាកាសដ៏កក់ក្តៅនិងស្និទ្ធស្នាល ដែលបន្សល់ទុកនូវចំណាប់អារម្មណ៍ដ៏ល្អប្រសើរជាច្រើន។ បទពិសោធន៍ និងមេរៀនដែលបានចែករំលែកនឹងរួមចំណែកពង្រឹងទំនាក់ទំនងសហប្រតិបត្តិការមិត្តភាព និងនិរន្តរភាពរវាងប្រទេសទាំងពីរ ដែលក្នុងនោះសារព័ត៌មាននិងប្រព័ន្ធផ្សព្វផ្សាយបន្តជាស្ពានដ៏សំខាន់ រួមចំណែកបង្កើនការយល់ដឹង និងសាមគ្គីភាពរវាងប្រជាជនវៀតណាម និងកម្ពុជា៕