កំណែបទចម្រៀង ស្គរប្រយុទ្ធប្រឆាំងនឹងកូវីដ ១៩ សម្តែងដោយតារាចម្រៀង Kyo York បានទាក់ទាញចំណាប់អារម្មណ៍របស់សហគមន៍ (រូបថត៖ hanoitv.vn)

កាលពីដើមខែមេសា បទចំរៀង ស្គរប្រយុទ្ធប្រឆាំងកូវីដ ១៩ ដែលត្រូវបានស្គាល់ដល់ជា បទចម្រៀង COVID សម្តែងដោយ Kyo York អ្នកចំរៀងអាមេរិក ដែលស្រឡាញ់វៀតណាម យោងតាមលំនាំនៃបទចំរៀងប្រជាប្រិយភាគខាងជើង និងប្រែទំនុកច្រៀងដោយលោក Khuc Dao Minh។ ទំនុកច្រៀងនៃបទចំរៀង ស្គរប្រយុទ្ធប្រឆាំងនឹងកូវីដ ១៩ គឺពោរពេញទៅដោយលក្ខណៈផ្សព្វផ្សាយការបង្ការនិងប្រយុទ្ធប្រឆាំងកូវីដ ១៩ ផងនិងមានចង្វាក់ភ្លេងពិរោះ រណ្តំគួរឲ្យចាប់អារម្មណ៍ទៀតផង។  តារាចម្រៀង Kyo York បានឲ្យដឹងថា បទចម្រៀងស្គរប្រយុទ្ធប្រឆាំងកូវីដ ១៩ មានលំនាំតាមបទចម្រៀងប្រជាប្រិយនៃភាគខាងជើងនេះ ត្រួវបានស្ថានីយ៍ទូរទស្សន៍ទាំងក្នុងនិងក្រៅប្រទេសជាច្រើនសូមធ្វើការផ្សាយ។ តាមរយៈផលិតផលគួរ ឱ្យចាប់អារម្មណ៍នេះ  Kyo York ចង់អំពាវនាវថាៈ “សូមរួមដៃ រួមកម្លាំងកាយចិត្ត  ដើម្បីរុញថយក្រោយជំងឺរាតត្បាត ហើយវិលត្រឡប់មករកការងារប្រចាំនិងបន្តជីវភាពរស់នៅស្រស់ស្រាយ ណាមិត្តយើងទាំងអស់គ្នា”។

ស្មារតីសាមគ្គីភាពនិងការទំនុកបំរុងគ្នាទៅវិញទៅមកក៏ជាសម្រស់ប្រពៃណីដែលត្រូវបានបង្ហាញយ៉ាងច្បាស់ តាមរយៈសកម្មភាពសង្គមរបស់ប្រជាជនវៀតណាមក្នុងការប្រយុទ្ធប្រឆាំងនឹងជំងឺរាតត្បាត។ មកពីប្រទេសអាល្លឺម៉ង អ្នកនិពន្ធតន្រ្តី Hoang Thi Du  ប្រធានសមាគមអ្នកស្រឡាញ់សិល្បៈប្រពៃណីវៀតណាម បានចែករំលែកថា៖ “ពិភពលោកទាំងមូល កំពុងប្រយុទ្ធប្រឆាំងនឹងការរីករាលដាលនៃកូវីដ ១៩។ តាមរយៈការរាតត្បាតនេះ យើងបានឃើញពីភាពស្រឡាញ់រាប់អានគ្នារវាងមនុស្សនិងមនុស្សល្អជាងពេលណាៗទាំងអស់។  ពីគ្រប់ទិសទី ប្រជា ជនវៀតណាមបានជួយយកអាហារគ្នាទៅវិញទៅមក។ សូម្បីតែនៅប្រទេសអាល្លឺម៉ង កន្លែងដែលខ្ញុំកំពុងរស់នៅចលនាទំនុកបំរុងគ្នានេះក៏បានរីកសាយភាយពារពេញផងដែរ។ រីឯបងប្អូនយើងខ្ញុំនៅ សមាគមអ្នកស្រឡាញ់សិល្បៈប្រពៃណីក៏បានចូលរួមយ៉ាងសកម្ម។ ហើយចលនានេះត្រូវបានមិត្តភក្តិអន្តរជាតិកោតសរសើរនិងនិយមចូលចិត្ត។ នោះគឺជាប្រភពបំផុសអារម្មណ៍សម្រាប់ខ្ញុំក្នុងការតែងបទចម្រៀង Cheo ម៉ាស់នៃក្តីស្រឡាញ់ (The Mask of Love)”។

រូបថតនៃវីដេអូ   “កំចាត់ចោលកូរ៉ូណា” (ប្រភព៖ vov.vn

ក្នុងចំណោមស្នាដៃសិល្បៈប្រពៃណីដែលមានប្រធានបទប្រឆាំងនឹងជំងឺរាតត្បាត កូវីដ ១៩ អ្នកដែលស្រឡាញ់តន្រ្តីនឹងមានការភ្ញាក់ផ្អើលហើយចាប់អារម្មណ៍យ៉ាងខ្លាំងចំពោះវីដេអូចម្រៀង Xam  “កំចាត់ចោលកូរ៉ូណា” នៃក្រុមសិល្បៈច្រៀងចម្រៀង Xam Ha Thanh។ នៅក្នុងឈុតសម្តែង Xam sai អ្នកទស្សនានឹងជួបប្រទះនូវឃ្លានិយាយកំប្លែងជាច្រើនដែលនៅតែត្រូវបានសហគមន៍អ៊ិនធឺរណែតពេញនិយមប្រើប្រាស់នាប៉ុន្មានថ្ងៃកន្លងមកនេះ។ ជាពិសេស ឈុត Xam sai នេះក៏បានសង្កត់ធ្ងន់ថាស្មារតីសាមគ្គីភាពនិងការប្តេជ្ញាចិត្តពីមជ្ឈឹមចុះរហូតដល់មូលដ្ឋាន របស់ប្រជាជាតិទាំងមូលនឹងមានលក្ខណៈសម្រេចចិត្តក្នុងការប្រយុទ្ធប្រឆាំងនឹងការរីករាលដាលនៃជំងឺរាតត្បាតដ៏គ្រោះថ្នាក់នេះ។ តន្ត្រីករ Nguyen Quang Long ដែលតែងបទចំរៀង Xam “កំចាត់ចោលកូរ៉ូណា” បានចែករំលែក៖ “ខ្ញុំបានប្រើចង្វាក់ Xam sai ដែលជាចង្វាក់មិនសូវមានប្រជាប្រិយភាពក្នុងសិល្បៈច្រៀងXam ឡើយ ប៉ុន្តែចង្វាក់នេះបាននាំមកនូវសេចក្តីសប្បាយរីករាយ ខណៈពេលដែលវីរុសកូរ៉ូណា ជាអ្វីដែលអាក្រក់បំផុត ហើយត្រូវលុបបំបាត់ចេញពីជីវភាពរស់នៅរបស់យើង។ នៅក្នុងវីដេអូនេះ អ្នកសិល្បៈនៃក្រុម Xam Ha Thanh បានសម្តែងលើសាលាភូមិភាគខាងជើង។  រូបភាពនោះក៏តំណាងឱ្យប្រពៃណីរបស់ប្រជាជាតិវៀតណាមដែលតែងតែបានវើរួមកម្លាំងកាយចិត្ត ដើម្បីជំនេះពុះពារលើរាល់ការលំបាក”។

រួមជាមួយតន្រ្តីសម័យទំនើប ការលេចចេញនូវស្នាដៃសិល្បៈប្រពៃណីជាច្រើនដោយប្រធានបទស្តីពីការបង្ការនិងប្រយុទ្ធប្រឆាំងជំងឺរាតត្បាតកូវីដ ១៩ បាននិងកំពុងជម្រុញឱ្យមនុស្សគ្រប់គ្នា បង្កើនការយល់ដឹងក្នុងការបង្ការនិងទប់ស្កាត់ជំងឺរាតត្បាត។ នេះក៏ជា វិធានការផ្លូវចិត្ត ដែលជួយឱ្យសហគមន៍មានប្រភពថាមពលវិជ្ជមានបន្ថែមទៀតនៅក្នុងជីវភាពប្រចាំថ្ងៃ៕