 |
| ផ្សារណាត់សៀវភៅអន្តរជាតិ-ទិវាបុណ្យនៃបញ្ញា |
VOV-ការចាប់អារម្មណ៍របស់ទស្សនិកជនក្នុងពេលមកដល់ផ្សារណាត់សៀវភៅអន្តរជាតិនោះគឺបរិយាកាសដាក់តាំងបង្ហាញ។ ការច្នៃប្រឌិតដ៏វិសេស
វិសាលជាអ្វីដែលជនគ្រប់រូបមានការសង្កេតរួមក្នុងពេលមកនឹងទីនេះ។ Thanh
Hien និស្សិតមហាវិទ្យាល័យពាណិជ្ជកម្មអន្តរជាតិបានឲ្យដឹងថា៖
“ខ្ញុំចូលចិត្តអានសៀវភៅ វប្បធម៍អានត្រូវបានផ្សព្វផ្សាយដ៏ទូលំទូលាយនិងអភិវឌ្ឍន៍ទាំងក្នុងគ្រួសារ ទាំងក្នុងសាលា។ ខ្ញុំឃើញថាពិព័ណ៍មានប្រយោជន៍
ណាស់។”
រហូតក្នុងរយៈពេល៥ថ្ងៃបើកផ្សារណាត់ មិត្តអ្នកអានមានឱកាសទិញ
សៀវភៅជាមួយតំលៃអាទិភាព គ្រឹះស្ថានបោះពុម្ភផ្សាយបញ្ញាបានបន្ថយតំលៃ
ពី២០ដល់៣០%សៀវភៅទាំងអស់និងមានជូនការដូ គ្រឹះស្ថានបោះពុម្ភផ្សាយ
វ័យក្មេងបានបញ្ចុះតំលៃលក់ជាមួយតំលៃស្មើគ្នាតែមួយសំរាប់មិត្តអ្នកអានចាប់ ពីថ្ងៃទី១៩រហូតដល់ថ្ងៃបញ្ចប់ផ្សារណាត់ជាដើម។ នេះក៏ជាមូលហេតុដែល
Thanh Hien និងបណ្ដាមិត្តនិស្សិតផ្សេងៗបានមកដល់ផ្សារណាត់សៀវភៅនេះ។
“ខ្ញុំចូលចិត្តណាស់ពីព្រោះមុននេះខ្ញុំត្រឹមតែទៅហាងលក់សៀវភៅតូចៗរឺ កន្លែងណាដែលបញ្ចុះតំលៃ៥០% គុណភាពមិនសូវល្អ។ ប៉ុន្តែមកទីនេះសៀវភៅបរទេសពិសេសគឺសៀវភៅជាភាសាអង់គ្លេស៍ដ៏ពហុបែបសំរាប់គ្រប់វ័យអាយុ។”
មិនត្រឹមតែបណ្ដាមិត្តវ័យក្មេងស្រឡាញ់សៀវភៅប៉ុណ្ណោះទេ ផ្សារណាត់សៀវភៅអន្តរជាតិក៏ទាក់ទាញបានមិត្តអ្នកអានមានអាយុច្រើនទៀតផង។ លោក
Nguyen Huu Khuong មានអាយុ៧៦ឆ្នាំនៅស្រុក Hoai Duc បានទៅតាំងពីម៉ោង៦
ព្រឹកដើម្បី រកបានសៀវភៅស្ដីពីវប្បធម៍បូព៌ាដែលលោកនិយមចូលចិត្ត។
“ពិព័ណ៍សៀវភៅលើកណា ក៏ខ្ញុំបានទៅដែរ។ យើងខ្ញុំសប្បាយពីព្រោះគ្មាន
លក្ខណៈដើម្បីទៅកន្លែងជាច្រើន មកទីនេះមានសៀវភៅជាច្រើនដើម្បីយើងរក
អាន។ ខ្ញុំចង់រកសៀវភៅអំពីវប្បធម៍បូព៌ាសមស្របនឹងវ័យអាយុច្រើន។”
ផ្សារណាត់បានតាំងបង្ហាញស្តង់ទំនិញចំនួន១៦០ ជាមួយសៀវភៅប្រមាណជាង៣០លានក្បាលមានគ្រប់វិស័យរបស់គ្រឹះស្ថានបោះពុម្ភផ្សាយក្នុងនិងក្រៅ
ប្រទេស។ វិទ្យាស្ថានសៀវភៅ សមាគមបោះពុម្ភផ្សាយអាស៊ី-ប៉ាស៊ីហ្វិក សមាគម
បោះពុម្ភផ្សាយអាស៊ី-អាគ្នេយ៍។ ស្តង់ទំនិញរបស់វិទ្យាស្ថានសៀវភៅគុយបាក៏ជាស្ដង់ទំនិញមួយត្រូវបានមិត្តវ័យក្មេងយកចិត្តទុកដាក់។ លោក Alain Rey
Gouzalez ដំណាងនៃស្ដង់ទំនិញបានឲ្យដឹងថា នេះជាលើកតំបូងស្ថានទូតគុយបាសហប្រតិបត្តិការជាមួយវិទ្យាស្ថានសៀវភៅគុយបាចូលរួមផ្សារណាត់សៀវភៅ។
“វិទ្យាស្ថានសៀវភៅគុយបាបាននាំមកសៀវភៅរបស់គ្រឹះស្ថានបោះពុម្ភផ្សាយគុយបាស្ដីអំពីនយោបាយ ប្រពៃណីរបស់គុយបានិងសៀវភៅរបស់អ្នក
កាសែតល្បីឈ្មោះរបស់គុយបា។ មានគ្រឹះស្ថានបោះពុម្ភផ្សាយរួមជាមួយ
វណ្ណកម្មដ៏ល្អរបស់វៀតណាមនិងពិភពលោក ដូច្នេះខ្ញុំគិតថាពិព័ណ៍ទទួលបាន
ជោគជ័យ។”
តាមរយៈផ្សារណាត់លើកនេះ ទស្សនិកជនចង់ឲ្យផ្សារណាត់សៀវភៅត្រូវបានរៀបចំប្រចាំឆ្នាំជំនួសឲ្យ២ឆ្នាំម្ដងដូចជានាបច្ចុប្បន្នដើម្បីគេមានឱកាសទាក់
ទងជាមួយសៀវភៅល្អពិសេសគឺគេបានជួបប្រាស្រ័យជាមួយអ្នកនិព័ន្ធល្បីឈ្មោះ
ជាច្រើន។ ប្រការសំខាន់គឺពិព័ណ៍-ផ្សារណាត់សៀវភៅជាពិតប្រាកដបានក្លាយទៅ
ជាទិវាបុណ្យរបស់វប្បធម៍អានក្នុងជីវភាពរស់នៅខាងវប្បធម៍ស្មារតីរបស់មហាជន៕