(VOVworld)- ក្នុងសប្តាហ៍កន្លងទៅ កាណាល់ផ្សាយជាភាសា បរទេសនៃវិទ្យុសម្លេង
វៀតណាមទទួលបានសំបុត្រចំនួន២៣០ មកពីប្រទេសនិងតំបន់ដែនដីចំនួន៣៩លើ
ពិភពលោក។ ក្នុងនោះកម្មវិធីផ្សាយ ជាភាសាខ្មែរ ទទួលបានសំបុត្រចំនួន៣ពីមិត្ត
ឈួនសុខុម​និងមិត្តវិចចិន្តា មកពីខេត្តកណ្តាល និងមិត្ត ចាន ដារា​មកពីខេត្តសៀម
រាប។ក្នុងនាទីប្រអបសំបុត្រមិត្តអ្នកស្តាប់នាសប្តាហ៍នេះ យើងខ្ញុំធ្វើការបូកសរូប លិខិតរបសមិត្តអ្នកស្តាប់មួយចំនួនស្តីអំពី ការប្រឡង មិត្តបានយល់អ្វីខ្លះអំពីវៀត
ណាមឆ្នាំ២០១៥របស់ VOV ប៉ុន្តែដំបូងបង្អស់ តាមសំណូមពរ របស់មិត្តចាន ដារា
យើងខ្ញុំសូមឧទ្ទេសនាមត្រួសៗអំពីកិច្ចសហប្រតិបត្តិការរវាង ខេត្ត Kien Giang របស់
វៀតណាមជាមួយខេត្តកែបរបស់កម្ពុជា។

        ដោយមានកិច្ចព្រមព្រៀងសហប្រតិបត្តិការជា ច្រើនដែលបានចុះហត្ថលេខា នាប៉ុន្មានឆ្នាំកន្លងទៅ ខេត្តទាំងពីរ Kien Giang របស់វៀតណាមនិងខេត្តកែបរបស់
កម្ពុជា បានជម្រុញកិច្ចសហប្រតិបត្តិការ អភិវឌ្ឍន៍លើគ្រប់វិស័យ ក្នុងនោះយកចិត្ត
ទុកដាក់ដល់កិច្ចការគ្រប់គ្រងការពារ សន្តិសុខព្រំដែន ខ័ណ្ឌសីម៉ាបោះបង្គោលព្រំ
ដែន រុករក និងធ្វើមាតុភូមិនិវត្តន៍កងទ័ពស្ម័គ្រ ចិត្តវៀតណាមដែលពលីកម្មក្នុង
សង្គ្រាមនៅកម្ពុជា ក៏ដូចជាអភិវឌ្ឍន៍ពាណិជ្ជកម្ម សេវាកម្មនិងទេសចរណ៍។

ថ្នាក់ដឹកនាំនៃភាគីទាំងពីរចុះហត្ថលេខាលើបណ្តាកិច្ចសហប្រតិបត្តិការ

        នៅក្នុងសន្និសីទបូកសរុបរយៈពេល២ឆ្នាំអនុវត្តទំនាក់ទំនង ថ្នាក់ដឹកនាំ
របស់ ខេត្តកែប (កម្ពុជា)និងខេត្ត Kien Giang បានវាយតម្លៃខ្ពស់ចំពោះរាល់ការ
ខិតខំ ប្រឹងប្រែងរបស់រដ្ឋអំណាចគ្រប់ជាន់ថ្នាក់ កងកម្លាំងប្រដាប់អាវុធនិងប្រ
ជាជននៃ ខេត្តទាំងពីរ ក្នុងការអនុវត្តយ៉ាងល្អបណ្តាកិច្ចព្រមព្រៀង ឯកសារ
សហប្រតិបត្តិ​ការនៃប្រទេសទាំងពីរ។ ថ្លែងមតិនៅទីនេះ លោក Le Van Thi
ប្រធានគណៈកម្មា ធិការប្រជាជនខេត្ត Kien Giang បានឲ្យដឹងថា៖

        “យើងរួមគ្នាសហប្រតិបត្តិការអភិវឌ្ឍន៍សេដ្ឋកិច្ច វប្បធម៌ សង្គម​និងសន្តិ
ភាព ស្ថិរភាព រួមចំណែកនាំវៀតណាមនិងកម្ពុជាមានការអភិវឌ្ឍន៍រួមជាមួយ
ប្រទេស ដទៃក្នុងតំបន់និងលើពិភពលោក។ ជាពិសេស នាថ្ងៃទី៣១ធ្នូ២០១៥
ខាងមុខ សហគមអាស៊ានបានចាប់បដិសន្ធិ នឹងរូមចំណែកពង្រឹងនិងពង្រីក
កិច្ចសហប្រតិ បត្តិការរវាងខេត្តយើងទាំងពីរផងដែរ។ ដោយលទ្ធផលទទួល
បាន​ ខេត្តយើងទាំង ពីរគប្បីសកម្មជាងទៀត បញ្ជាណែនាំក្រសួង ផ្នែកនានា
អនុវត្តល្អរាល់ឯកសារ ដែលបានចុះហត្ថលេខា សំដៅនាំខេត្ត Kien Giang និង
ខេត្តកែបស្ថិរភាពអំពី នយោបាយ និរន្តភាពអំពីសេដ្ឋកិច្ចសង្គម ដើ​ម្បីប្រជាជន
នៃភាគីទាំងពីរមាន ជីវភាពរស់នៅសម្បូធូធារ សុភមង្គល”។

        លើវិស័យពាណិជ្ជកម្ម ដោយឈរលើមូលដ្ឋានកម្មវិធីសហប្រតិបត្តិការរវាង 
ខេត្ត Kien Giang និងខេត្តកែប ភាគីទាំងពីរបានបង្កើនកិច្ចសហប្រតិបត្តិការ ពាណិ
ជ្ជកម្មព្រំដែន។​ទន្ទឹមនឹងនោះ បណ្តាអង្គភាពអាជីវកម្មនៃភាគីទាំងពីរមាន​ការ
ផ្លាស់ប្តូរទំនិញយ៉ាងសកម្ម ឆ្លើយតបនឹងតម្រូវការរបស់អតិថិជន។ ក្នុងរយៈ ពេល២ឆ្នាំ២០១៣-២០១៤ តម្លៃប្រាក់ពាណិជ្ជកម្មទ្វេភាគីរវាងខេត្ត Kien Giang ជាមួយបណ្តាខេត្តជាប់ព្រំដែនកម្ពុជានិយាយរួមក្នុងនោះមានខេត្តកែបទទួលបាន ២៧៧លានដុល្លារអាមេរិក។

        លើសពីនេះទៅទៀត វិស័យទេសចរណ៍ក៏ជាវិស័យដែលបានភាគីទាំងពីរ យកចិត្តទុកដាក់ផងដែរ។ ជាក់ស្តែង ក្នុងឆ្នាំ២០១៤ មានភ្ញៀវទេសចរណ៍រាប់
ពាន់នាក់នៃ ប្រទេសទាំងពីរ បានធ្វើដំណើរទស្សនាតាមផ្លូវគោក ដោយឆ្លងព្រំ
ដែនអន្តរជាតិ Ha Tien និងច្រកទ្វាអន្តរជាតិព្រះចាក់។

         លោកអ្ន​កនាងជាទីមេត្រី! នាប៉ុន្មានថ្ងៃនេះ យើងខ្ញុំនៅតែទទួលបានអត្ថបទ
ប្រឡង  “មិត្តយល់ដឹងអ្វីខ្លះអំពីវៀតណាម” របស់មិត្តអ្នកស្តាប់ទូទាំងពិភពលោក។មិត្តអ្នកស្តាប់ទាំងអស់ សុទ្ធតែមានអារម្មដោយឡែកអំពីកម្មវិធីនេះ។

       ក្នុងលិខិតផ្ញើរមក VOV មិត្តអ្នកស្តាប់ Ogasawara នៅខេត្ត Tochigi ជប៉ុន
បានចែករំលែកថា លោកបានស្វែងរកព័ត៌មានលើទំព័រវ៉ែបសាយរបស់​VOV
ដើម្បីអាច ឆ្លើយសំនួរក្នុងការប្រឡង។​លោកមិនច្បាស់អំពីចំលើយរបស់ខ្លួន
ប៉ុន្មានទេ ប៉ុន្តែលោកមានអារម្មសប្បាយដែលបានចូលរួមកម្មវិធីនេះ”។

       មិត្តអ្នកស្តាប់ Jahangir Alam Manto នៅ Bangladesh បានថ្លែងអំណរគុណ
ចំពោះការដែល VOV បានរៀបចំកម្មវិធីដ៏ដ៏អស្ចារ្យនេះ។ សូមអរគុណ លោក
អ្នកនាងដែលបានយកចិត្តទុកដាក់ដល់កម្មវិធីរបស់យើងខ្ញុំ។ ថ្ងៃផុតកំណត់
ការទទួលអត្ថបទប្រឡងគឺ៣០មិថុនា អត្ថបទប្រឡងបានផ្ញើក្រោយថ្ងៃទី ៣០
មិថុនា ត្រូវបានចាត់ទុកជាមិនបានការ។ ដោយហេតុនេះ មិត្តអ្នកស្តាប់ប្រ
ញាប់ប្រញាល់ ផ្ញើរអត្ថបទប្រឡងមកកាន់វិទ្យុសម្លេងវៀតណាម តាមប្រៃណីយ៍
ឬ តាមអ៊ីម៉ែលមកឲ្យកម្មវិធីផ្សាយជាភាសាខ្មែរវិទ្យុសម្លេងវៀតណាមលេខ ​៤៥
វិថី  ​Ba Trieu​ ខ័ណ្ឌ Hoan Kiemរដ្ឋធានីហាណូយ ឬ email: khmervov​5@yahoo.
com.vn. លោកអ្នកនាងអាចស្តាប់នាទីនេះលើគេហទំព័ណ៍៖www.vovworld.vn។សូមជួបអស់លោកអ្នកនាងនាសប្តាហ៍ខាងមុខ៕