លោកអ្នកនាងជាទីមេត្រី!
ក្នុងនាទីប្រអប់សំបុត្រមិតអ្នកស្ដាប់នាពេលនេះ តាមសំណូមពររបស់មិត្តវស្សា ក៏ដូចជាមិត្តអ្នកស្ដាប់ផ្សេងៗ យើងខ្ញុំនឹងឧទ្ទេសនាមជាមួយអស់លោកអ្នកនាង អំពី ចលនាកសាងជនបទថ្មី នៅភូមិ ឃុំមួយចំនួនដែលមានជនរួមជាតិជាជនជាតិខ្មែរ ណាមបូរស់នៅជាច្រើនកុះករ។
 |
| ជីវភាពរស់នៅរបស់ជនរួមជាតិខ្មែរណាមបូក្នុងប៉ុន្មានថ្ងៃបុណ្យចូលឆ្នាំថ្មី |
ក្នុងប៉ុន្មានថ្ងៃដើមឆ្នាំ របស់ជនរួមជាតិខ្មែរណាមបូយើងខ្ញុំមានឱកាសវិលត្រ
ឡប់ មកឃុំក្រីក្រ Ba Trinh ស្រុក Ke Sach ខេត្ត Soc Trang (ភាគខាងត្បូងវៀតណាម)។ នេះគឺជាឃុំមួយក្នុងចំណោមឃុំត្រូវបានជ្រើសរើស ធ្វើជាគំរូរអំពីការកសាងជនបទថ្មី។
ភូមិទី៤ មានទេសភាពដ៏ស្រស់ត្រកាលរបស់បណ្ដាចំការដើមឈើហូបបន្លែនៅអម
សង្ខាង ផ្លូវដែលទើបនឹងបានចាក់បេតុង។ មើលទៅឆ្ងាយៗ នោះគឺបណ្ដាចំការបន្លែរ បឹងត្រី និងវាលស្រែស្រូវល្វឹងល្វើយជិតមកដល់ថ្ងៃប្រមូលផល។ ហើយជួនកាលនឹង
ឃើញធំក្លិនក្រអូបរបស់ផ្លែធុរេនទៀតផង។ លោកស្រី Thach Thanh Phuong ជាអ្នក
ភូមិ១នាក់បានអោយដឹងថា៖ ឥឡូវនេះការធ្វើស្រែមានភាពងាយស្រួលណាស់ មានទឹកធ្វើស្រែពេញមួយឆ្នាំ ធារាសាស្ត្រដ៏ល្អ អគ្គីសនីបានមកដល់គ្រប់គ្រួសារ
កូនចៅសុទ្ធតែបានទៅរៀនសូត្រ៖
“ ក្នុងឆ្នាំកន្លងទៅ តំបន់ជួបប្រទះនឹងការលំបាកច្រើន ក្នុងការអភិវឌ្ឍន៍សេដ្ឋកិច្ច ប៉ុន្តែ ដោយមានការជួយឧបត្ថម្ភពីបក្ស រដ្ឋ សំរាប់តំបន់ជនរួមជាតិជាជនជាតិភាគតិច
ដូចជា៖ កសាងផ្ទះសម្បែង ជួយឧបត្ថម្ភក្នុងការផលិតកម្ម…។ល។ ដូច្នេះ ក្នុងឆ្នាំកន្លង
ទៅ ជីវភាពរស់នៅរបស់ជនរួមជាតិខ្មែរណាមបូបានមានការរីកចំរើនជាច្រើន។”
 |
| ជីវភាពរស់នៅរបស់ជនរួមជាតិខ្មែរណាមបូក្នុងប៉ុន្មានថ្ងៃបុណ្យចូលឆ្នាំថ្មី |
តាមរបាយការណ៍ថា៖ នាបច្ចុប្បន្ន ឃុំ Ba Trinh សម្រេចបានបទដ្ឋានចំនួន១១ អំពីការកសាងជនបទថ្មីហើយ ខំប្រឹងប្រែងដល់ឆ្នាំ ២០១៥ នឹងសម្រេចបទដ្ឋានទាំង
១៩។
រួមជាមួយឃុំBa Trinh ឃុំ Truong Khanh ស្រុកLong Phu ក៏បានខេត្តSoc Trang ជ្រើសរើសជាគំរូរអំពីការកសាងកម្មវិធីនេះដែរ។ នេះគឺជាឃុំមានជនរួមជាតិខ្មែរចំនួន៥៣%កំពុងរស់នៅ។ ជាឃុំកសិកម្មមួយ បានជារដ្ឋអំណាចតំបន់បានយកចិត្តទុក
ដាក់ជាច្រើន ដល់ការងារ៖ ធារាសាស្ត្រ រចនាសម្ព័ន្ធពលករ របៀបផលិតកម្ម…។ល។ ដើម្បីអនុវត្តកម្មវិធីប្រកបដោយប្រសិទ្ធិភាពនោះ ឃុំបានរួមសហការជាមួយស្ថាប័ន
ផ្សេងៗ បង្កើតថ្នាក់ហ្វឹកហ្វឺនផ្ទេរប្តូរវិទ្យាសាស្ត្រ បច្ចេកទេសក្នុងផលិតកម្ម កសាងវាល
ស្រែធំ។ នាបច្ចុប្បន្ន ឃុំកសាងបានក្រុមសហករណ៍ និងក្រុមផលិតកម្មនានា តាមទិស
ទំនើបភាវូបនីយកម្មកសិកម្ម ជនបទ។ បងចិន្តា នៅឃុំ Truong Khanh អោយដឹងថា៖
“ នាបច្ចុប្បន្ន ជីវភាពរស់នៅរបស់ប្រជាជន បានមានការអភិវឌ្ឍន៍ជាច្រើន។ដោយសារប្រជាជនបានចេះបច្ចេកវិទ្យា និងរបៀបផលិតកម្ម។ ឧទាហរណ៍៖ធ្វើស្រូវ គេចេះគិតគូរអំពីពូជនិងរដូវកាល។ ទន្ទឹមនឹងនោះ សមគមកសិករយើងខ្ញុំក៏បានរៀបចំគំរោងការណ៍នានាក្នុងឆ្នាំនិមួយៗ ដើម្បីកំណត់ទិសដៅអភិវឌ្ឍន៍សំរាប់ប្រ
ជាជន ដូចជា៖ការចិញ្ចឹមមាន់ គោ ក្របី…។ល។ ដើម្បីប្រជាជនមានចំណេញច្រើន
ជាង លើកស្ទួយជីវភាពរស់នៅ។”
ក្នុងឱកាសបុណ្យចូលឆ្នាំថ្មីនេះ សេចក្ដីសប្បាយរីករាយរបស់ជនរួមជាតិជាជនជាតិខ្មែរនៅខេត្ត Soc Trang ត្រូវបានកើនឡើងជាច្រើន ដោយសំណង់ផលប្រយោជន៍សង្គមជាច្រើនត្រូវបានសម្រេចរួចរាល់។ សំណង់ទាំងនេះនឹងជួយឧបត្ថម្ភជនរួមជាតិ
ខ្មែរ អភិវឌ្ឍន៍ផលិតកម្ម ផ្ទេរប្តូររចនាសម្ព័ន្ធខឿនសេដ្ឋកិច្ចកសិកម្ម រួមចំណែកកាត់
បន្ថយភាពក្រីក្រ កសាងភូមិ ឃុំកាន់តែសម្បូរធូធារ រីកចំរើនជាងទៀត។
មិត្តវស្សានិងមិត្តអ្នកស្ដាប់ជាទីមេត្រី!
សង្ឃឹមថាមិត្តនានានឹងពេញចិត្តជាមួយព័ត៍មានពោលខាងលើនេះ។
យើងខ្ញុំសង្ឃឹមថានឹងបន្តទទួលបានសំបុត្រ និងការររួមមតិរបស់បណ្ដាមិត្ត។ សូមផ្ញើរមកកម្មវិធីជាភាសាខ្មែរនៃវិទ្យុសម្លេងវៀតណាម កាណាល់ផ្សាយជាភាសាបរ
ទេសលេខ 45Ba Trieu ហាណូយរឬ Email: vov5khmer@yahoo.com.vn។កម្មវិធីផ្សាយជាភាសាខ្មែររបស់យើងខ្ញុំសូមចប់តែប៉ុណ្ណោះ។ លោកអ្នកនាងអាចស្ដាប់កម្មវិធី
នេះឡើងវិញនៅគេហទំព័រ៖ http://vovworld.vn/. សូមគរពជំរាបលា និងជួបជាមួយ អស់លោកអ្នកនាងក្នុងកម្មវិធីនេះ ក្នុងសប្ដាហ៍ជាបន្ត៕