(VOV5)_គ្មានផ្សារណា ដែលពិសេសដូចជាផ្សារតែមនេះ​ទេ​។ មានតែតុ កៅ
អ៊ីតូចៗ ប៉ុន្មានប៉ុណ្ណោះ ទាំងអ្នកលក់ អ្នកទិញ រួមគ្នាផឹកទឹកតែផង និងពិភាក្សាអំពី
តែមផង។ គ្មានការកំណត់ណាមួយ ហើយក៏គ្មានផ្លាក់ផ្សាយពាណិជ្ជកម្មដែរ នា
ម៉ោង៩ ថ្ងៃអាទិត្យជារៀងរាល់ សប្ដាហ៍ បណ្ដាអ្នកស្រឡាញ់តែមនៅមានវត្តមាន
នៅផ្សារតែម នៅផ្លូវ Trieu Viet Vuong ខ័ណ្ឌ Hoan Kiem រដ្ឋធានីហាណូយជាប្រចាំ។​

ផ្សារតែមនៅរដ្ឋធានីហាណូយ

ហៅថាផ្សារ ប៉ុន្តែវាមិនម៉ែនជាផ្សារទាំងស្រុងនោះទេ ពីព្រោះ មនុស្សមកដល់ទី
នេះមិនគ្រាន់តែស្វែងរក ផ្លាស់ប្តូរ លក់ដូរ ទេ ថែមទាំងគេមកដល់ទីនេះដើម្បី ជួបជុំ
 សារសងគ្នា នឹងគយគន់តែមតែប៉ុណ្ណោះ។ លោក Pham Duc Van អតិថិជនជាប្រចាំ
នៅផ្សារនេះ  ហើយក៏ជាអ្នកសម្រាំងតែ​មល្បីឈ្មោះមួយ​រូបនៅហាណូយ  បាន
អោយដឹងថា៖​​

“នាគ្រាដំបូង អ្នកនិយមចូលចិត្តស្រឡាញ់តែមមកទីនេះដើម្បីជួបប្រាស្រ័យពិ
ភាក្សាតែប៉ុណ្ណោះ។​ ហើយបន្ទាប់នោះ មជ្ឈដ្ឋានអ្នកសម្រាំង​តែម​នៅគ្រប់​ទិសទីមក
ទីនេះ ដើម្បីលក់ដូរ ហើយទីនេះបានក្លាយទៅជាផ្សារតែម នៅពេលណា ខ្ញុំក៏មិនដឹងដែរ។”​

ផ្សារតែមនៅរដ្ឋធានីហាណូយ

ការនិយមចូលចិត្តសម្រាំងតែមគឺទាមទារអោយអ្នកលេងត្រូវយល់ដឹងផង និង
ការឧស្សាព្យាយាមផង។ មានអ្នកលេងតែមខ្លះលេងដើម្បីលើកកំពស់ចំណេះដឹង 
ដើម្បីហ្វឹកហាត់ខ្លួនឯង និងដើម្បីបំរើការងាររបស់ខ្លួន តែប៉ុណ្ណោះ។ តែមនិមួយៗ
អ្នកលេង សុទ្ធតែ ក្តាប់បានចំណេះដឹងមួយចំនួនអំពីវប្បធម៌ វិចិត្រសិល្បះ និងប្រវត្តិ
សាស្ត្រដ៏វិសេសវិសាល។​ ឧទាហរណ៍៖ តាមរយៈបណ្ដាតែមក្នុងដំណាក់កាល
សង្គ្រាម នៅវៀតណាម អ្នកសម្រាំងតែមអាចឃើញនូវថ្ងៃ ខែ ដ៏អង់អាចក្លាហាន
របស់ ប្រជាជាតិវៀតណាម។    

ពិសេស តែមនៅទីនេះបានបែងចែកជាសៀវភៅនិមួយៗ ហើយបានសរសេរ
តំលៃទៀតផង។ អ្នកសម្រាំង​តែម បែងចែកតែមជា២ប្រភេទ គឺតែមស្លាប់ និងតែម
រស់។ តែមស្លាប់គឺតែមដែលបានបោះត្រា ឬលុបចោល គ្មានតំលៃទូទាត់ខាងប្រៃសណីយ៍ និងតែមរស់គឺបណ្ដាតែមនៅមានតំលៃប្រើប្រាស់បាន។ ប៉ុន្តែ អ្នក
សម្រាំងតែមតែងតែសម្រាំងតែមស្លាប់ និងតែមកាន់តែយូរឆ្នាំ កាន់តែមានតំលៃ
តែប៉ុណ្ណោះ។ ​

មិត្ត Nguyen Quoc Huy និស្សិតមហាវិទ្យាល័យ បានអោយដឹងថា៖ ចាប់ពី ពេល
ផ្សារតែមនេះដាក់អោយដំណើការ មិត្តបានមកដល់ទីនេះហើយ។ ក្រៅពី ការលក់ដូរ 
មិត្តមកទីនេះដើម្បីចែករំលែកក្តីស្រឡាញ់ចូលចិត្តតែមរបស់ខ្លួន  ជាមួយអ្នកស្រ
ឡាញ់តែមផ្សេងៗ។ ចំពោះមិត្ត បណ្ដាជំនួបនាព្រឹកថ្ងៃអាទិត្យជា ប្រចាំសប្ដាហ៍ 
បានក្លាយទៅជាមុខម្ហូបមួយខាងស្មារតីដែលមិនអាចខ្វះបានដែរ។​

“ ការនិយមតែមនេះរបស់ខ្ញុំមានតាំងពីយូរណាស់មកហើយ។ តែមនិមួយៗ 
មានអត្ថន័យដោយឡែករបស់ខ្លួន។ ទោះបីជា តែមនេះមានរូបរាងតូចក្តី ប៉ុន្តែ
វាអាចទៅដល់គ្រប់ទីកន្លែងលើពិភពលោក។ ”​

រួមជាមួយសមាជិកប្រចាំរបស់ផ្សារនេះ ក៏មានអ្នកផ្សេងៗទៀតមកទស្សនា
ផងដែរ។ ​សមាជិកនៃក្លិបអ្នកស្រឡាញតែមនៅខេត្ត ទីក្រុងផ្សេងៗ មកទីនេះ 
ដើម្បីជួបប្រាស្រ័យជាមួយអ្នកស្រឡាញ់តែមហាណូយ និងស្វែងរកអោយខ្លួន
ឯងនូវតែមណាដែលខ្លួនពេញចិត្ត។ ​​

លោកអ្នកនាងជាទីមេត្រី។ សង្ឃឹមកថាអស់លោកអ្នកនាងពេញចិត្តចំពោះ
ព័ត៌ មាន ពោលខាងលើ និងមកទីនេះទស្សនា ទិញបានតែមដែលខ្លួននិយម
ចូលចិត្ត។  បណ្ដាព័ត៍មាននិងអត្ថបទ របស់យើងខ្ញុំត្រូវបានចុះផ្សាយនៅលើ
គេហទំព័រ៖  http://vovworld.vn/។​រាល់សំណួរមតិរបស់​ប្រិយមិត្តសូមផ្ញើរមក
អាស័យដ្ឋាន៖ កម្មវិធីផ្សាយជាភាសាខ្មែរកាណាល់ផ្សាយជាភាសាបរទេស
វិទ្យុសម្លេង វៀតណាម  លេខ៤៥ វិថី Ba Trieuខ័ណ្ឌ Hoan​ Kiem​ រដ្ឋធានីហា
ណូយឬ email៖ vov5khmer@ yahoo. com.vn ៕