ដៃរបស់អ្នកឆ្លងជំងឺអ៊ុតស្វា។ រូបថត៖ Shutterstock/TTXVN

ទាក់ទិននឹងការរីករាលដាលនៃជំងឺអ៊ុតស្វានៅក្នុងទ្វីបអាហ្រ្វិក កាលពីថ្ងៃទី ១៧ ខែសីហា លោកស្រី Bronwyn Nichol មន្ត្រីជាន់ខ្ពស់នៃសមាគមកាកបាទក្រហមនិងអឌ្ឍចន្ទក្រហមអន្តរជាតិ (IFRC) បានឲ្យដឹងថា ការខ្វះខាតឧបករណ៍ធ្វើតេស្ត វិធីព្យាបាល និងវ៉ាក់សាំង កំពុងរារាំងដល់កិច្ចខិតខំប្រឹងប្រែងដើម្បីទប់ស្កាត់ការរីករាលដាលនៃជំងឺនេះ។ លោកស្រីក៏បានអំពាវនាវឱ្យមានធនធានបន្ថែមដើម្បីជួយឧបត្ថម្ភដល់ទ្វីបអាហ្វ្រីកក្នុងការឆ្លើយតបទៅនឹងការផ្ទុះឡើងនៃវ៉ារ្យ៉ង់ថ្មី។ យោងតាមតួរលេខរបស់ CDC អាហ្រ្វិក ចាប់ពីខែមករា ឆ្នាំ ២០២២ ដល់ថ្ងៃទី ៤ ខែសីហា ទ្វីបនេះមាន ករណីឆ្លងជំងឺអ៊ុតស្វាចំនួន ៣៨.៤៦៥នាក់ និងមានអ្នកជំងឺ ១.៤៥៦នាក់បានស្លាប់៕