ខ្សែផ្លូវធ្វើចំណាកស្រុកខុសច្បាប់ថ្មីពីអាហ្វ្រិកខាងជើង
(VOVWORLD) - នៅយប់ថ្ងៃទី ១០ ខែសីហា អាជ្ញាធរព័រទុយហ្គាល់បានឃាត់ខ្លួនទូកឈើមួយគ្រឿង ដឹកជនចំណាកស្រុកចំនួន ៣៨ នាក់ ដែលបានចូលចតនៅឆ្នេរសមុទ្រភាគខាងត្បូងនៃប្រទេសនេះ។ អាជ្ញាធរបានព្រមានថា នេះអាចជាសញ្ញានៃខ្សែផ្លូវចំណាកស្រុកថ្មីពីអាហ្វ្រិកខាងជើងទៅអឺរ៉ុប។
ទូកបានមកដល់ឆ្នេរសមុទ្រក្បែរទីក្រុង Vila do Bispo ខេត្ត Algarve នៅយប់ថ្ងៃទី ៨ ខែសីហា។ មនុស្សជាច្រើននៅលើទូក ស្ថិតក្នុងស្ថានភាពអស់កម្លាំង។ មនុស្ស១០នាក់ត្រូវបានបញ្ជូនទៅមន្ទីរពេទ្យដើម្បីពិនិត្យសុខភាព។
 ទូកដឹកជនចំណាកស្រុកខុសច្បាប់ក្នុងដែនទឹកអន្តរជាតិនៅភាគខាងត្បូងក្រុង Lampedusa សមុទ្រមេឌីទែរ៉ាណេ ថ្ងៃទី១៣ ខែសីហា ឆ្នាំ២០២៤។ រូបថត៖ REUTERS/Juan Medina |
កម្លាំងសមត្ថកិច្ចមិនទាន់ប្រកាសអំពីសញ្ជាតិ ឬប្រភពដើមនៃក្រុមនេះនៅឡើយទេ ប៉ុន្តែប្រព័ន្ធផ្សព្វផ្សាយក្នុងស្រុកបាននិយាយថា ជនចំណាកស្រុកបានចាកចេញពីប្រទេសម៉ារ៉ុក ហើយចំណាយពេលប្រាំមួយថ្ងៃឆ្លងសមុទ្រមុនពេលមកដល់ប្រទេសព័រទុយហ្គាល់។ នាប៉ុន្មានឆ្នាំកន្លងទៅ ជនចំណាកស្រុករាប់រយពាន់នាក់បានឆ្លងកាត់សមុទ្រមេឌីទែរ៉ាណេ ដើម្បីទៅអឺរ៉ុបភាគខាងត្បូង ប៉ុន្តែការធ្វើដំណើរកម្របានទៅកាន់ប្រទេសព័រទុយហ្គាល់ ដែលមានទីតាំងនៅភាគនិរតីនៃទ្វីបអឺរ៉ុប៕