រូបភាពអ្នកជំងឺដែលមានជំងឺ អ៊ុតស្វា ។ រូបថត៖ រ៉យទ័រ

ថ្លែងទៅកាន់អ្នកសារព័ត៌មាន អគ្គនាយក CDC អាហ្រ្វិក លោក Jean Kaseya បានសង្កត់ធ្ងន់ថា ចាំបាច់ត្រូវរៀបចំខ្សែសង្វាក់ផ្គត់ផ្គង់ និងភស្តុភារ ដើម្បីធានាថា វ៉ាក់សាំងបង្ការជំងឺអ៊ុតស្វាត្រូវបានរក្សាទុកយ៉ាងល្អ និងអាចចាក់បានប្រកបដោយសុវត្ថិភាព។ ការស្រាវជ្រាវអំពីប្រសិទ្ធភាពនៃវ៉ាក់សាំងផ្សេងៗគ្នានឹងបន្តធ្វើឡើងនៅក្នុងទ្វីបអាហ្រ្វិក ក្នុងដំណើរការដាក់ពង្រាយយុទ្ធនាការចាក់វ៉ាក់សាំង ដើម្បីឱ្យប្រទេសនានាយល់កាន់តែច្បាស់ថា តើវ៉ាក់សាំងប្រភេទណាមួយដែលសមស្របនឹងបរិបទរបស់ពួកគេ។ បណ្តាប្រទេសអាហ្រ្វិកបានកត់ត្រាករណីឆ្លងជំងឺអ៊ុតស្វា ជាង ១.៤០០ នាក់ ក្នុងសប្តាហ៍មុន ដែលនាំឱ្យចំនួនករណីសរុបនៅក្នុងប្រទេសចំនួន ១២ នៅទ្វីបនេះបានកើនឡើងដល់ជិត ១៩.០០០នាក់ ចាប់តាំងពីដើមឆ្នាំមក។ បរិមាណករណីឆ្លងជំងឺអ៊ុតស្វាបានកើនឡើងជាង ១០០% បើធៀបនឹងរយៈពេលដូចគ្នាកាលពីឆ្នាំមុន៕