នាយករដ្ឋមន្ត្រី  Nguyen Tan Dung បានជួបសន្ទនាជាមួយនាយករដ្ឋមន្ត្រីសឹង្ហបុរី Lee Sien Loong។ (vov.vn)

        VOV-នាថ្ងៃទី៣១ឧសភា នាយករដ្ឋមន្ត្រីវៀតណាមលោក Nguyen Tan Dung បានអញ្ចើញទៅកាន់សឹង្ហបុរីចាប់ផ្ដើមបណ្ដាសកម្មភាពក្នុងកម្មវិធីចូលរួមជំនួប
សន្ទនា Shangri La លើកទី១២​តាមសេចក្តីអញ្ចើញរបស់នាយករដ្ឋមន្ត្រីសឹង្ហបុរី​
Lee Sien Loong និងគណៈចាត់តាំងជំនួបសន្ទនា Shangri La។ មុនពេលចូលរួម
ជំនួបសន្ទនា Shangri La នោះ​នាយករដ្ឋមន្ត្រី Nguyen Tan Dung បានមកជួបសម្ដែង ការគួរសមប្រធានាធិបតីសឹង្ហបុរី​ Tony Tan Keng Yam និងជួបសន្ទនាជាមួយ
នាយករដ្ឋមន្ត្រី Lee Sien Loong។ នៅបណ្ដាជំនួបសន្ទនា ភាគីទាំងពីរបានចែក រំលែកក្តីសប្បាយរីករាយចំពោះការអភិវឌ្ឍន៍យ៉ាងល្អប្រសើររបស់ទំនាក់ទំនង
មិត្តភាពនិងកិច្ចសហប្រតិបត្តិការលើគ្រប់វិស័យរវាងវៀតណាមនិងសឹង្ហបុរីក្នុង
រយៈពេលកន្លងមក។​ភាគីទាំងពិរបានអះអាងថា​វៀតណាមនិងសឹង្ហបុរីនឹងបន្ត បង្កើនកិច្ចសហប្រតិបត្តិការក្នុងក្របខ័ណ្ឌរបស់បណ្ដាវេទិការដំបន់និងអន្តរជាតិ
ដើម្បីផលប្រយោជន៍នៃប្រជាជននៃប្រទេសនីមួយៗ ដើម្បីសន្តិភាពស្ថិរភាពកិច្ច សហប្រតិបត្តិការនិងអភិវឌ្ឍន៍នៅដំបន់និងលើពិភពលោក។

        អំពីសាររបស់វៀតណាមនៅជំនួបសន្ទនា Shangri La លើកទី១២​នាយករដ្ឋមន្ត្រី​
Nguyen Tan Dung បានឲ្យដឹងថា​សារបានសង្កត់ធ្ងន់ទៅលើសំណូមពរថា បណ្ដា ប្រទេសត្រូវគោរពច្បាប់អន្តរជាតិនិងរួមគ្នាកសាងទំនុកទុកចិត្តយុទ្ធសាស្ត្រដែល
មុនបង្អស់ត្រូវផ្អែកលើមូលដ្ឋានស្មោះត្រង់ដើម្បីសន្តិភាពភាពសម្បូរុងរឿងរបស់
ដំបន់អាស៊ិ-ប៉ាស៊ីហ្វិក។​ អំពីបញ្ហាសមុទ្រខាងកើតថ្នាក់ដឹកនាំសឹង្ហបុរីទាំងពីររូបបាន
ឯកភាពអំពីសារសំខាន់នៃការធានាសន្តិភាពស្ថិរភាពសន្តិសុខសុវត្ថិភាពនាវាចរណ៍
នៅសមុទ្រខាងកើត បណ្ដាភាគីត្រូវអនុវត្តអត់ធ្មត់និងដោះស្រាយជំលោះដោយ
សន្តិវិធីគោរពច្បាប់អន្តរជាតិនិងអនុសញ្ញាច្បាប់សមុទ្ររបស់អង្គការសហប្រជាជាតិ
ឆ្នាំ១៩៨២ អនុវត្តសេចក្តីថ្លែងការណ៍ស្ដីពីការប្រតិបត្តិរបស់ភាគីនានានៅសមុទ្រ
ខាងកើត (DOC) សេចក្តីថ្លែងការណ៍៦ខរបស់អាស៊ានអំពីបញ្ហាសមុទ្រខាងកើត កសាងក្រមប្រតិបត្តិដំបន់នៅសមុទ្រខាងកើត (COC) យ៉ាងឆាប់រហ័ស៕