នាយករដ្ឋមន្ត្រីវៀតណាមជួបសន្ទនាជាមួយជនវៀតណាមនៅបារាំង

          (VOV)_ក្នុងក្របខ័ណ្ឌដំណើរបំពេញទស្សនកិច្ចនៅបារាំង អញ្ជើញចូលរួម
សន្និសីទកំពូលស្ដីអំពី៖បំរ៉ែបំរួលអាកាសធាតុពិភពលោក COP 21 នាយប់ថ្ងៃ​ទី២៩​
 វិច្ឆិកា តាមម៉ោងវៀតណាម នាយករដ្ឋមន្ត្រីវៀតណាម លោក Nguyen Tan Dung
បានមានជំនួបសន្ទនាជាមួយកម្មាភិបាលនៃស្ថាប័នដំណាងវៀតណាម​និងជនវៀត
ណាមនៅបារាំង។ ថ្លែងមតិនៅទីនេះ នាយករដ្ឋមន្ត្រី លោក Nguyen Tan Dung បាន
សង្កត់ធ្ងន់ថា៖   

          “ ថ្នាក់ដឹកនាំបក្ស រដ្ឋ រដ្ឋាភិបាល ថ្នាក់ដឹកនាំតំបន់ ប្រជាជនក្នុងប្រទេសជា
​និច្ចកាលយកចិត្តទុកដាក់ នឹករលឹកដល់ជនវៀតណាមនៅឯបរទេស។ យើងខ្ញុំ​
ចែករំលែក និងមានគោលបំណងថា៖បងប្អូននៅទីនេះមានសាមគ្គីភាព ឆ្លងកាត់
លើ​​ការលំបាកសាកល្បង បង្កើតសហគមន៍ជនវៀតណាមប្រកបដោយសាមគ្គី 
ជួយឧបត្ថម្ភគ្នាទៅវិញទៅមក រួមវិភាគទានចំពោះប្រទេសសាម៉ី និងចំពោះទំនាក់
ទំនងរវាងវៀតណាមនិងប្រទេសសាម៉ី។យើងខ្ញុំមានគោលបំណងថា៖ បងប្អូន​
យើងនៅទីនេះឆ្ពោះទៅមាតុប្រទេស ឆ្ពោះទៅស្រុកកំណើត។”

          ឧទ្ទេសនាមអំពីសមិទ្ធិផលខាងសេដ្ឋកិច្ចនិងសង្គមកិច្ចរបស់ប្រទេសជាតិ
ក្នុងប៉ុន្មានឆ្នាំកន្លងទៅ ជាពិសេសគឺកំណើនសេដ្ឋកិច្ចក្នុងឆ្នាំ ២០១៥នេះ អាចទ
ទួលបាន៦,៥%។ នាយករដ្ឋមន្ត្រី លោក Nguyen Tan Dung បានសង្កត់ធ្ងន់ថា៖ ​
សមិទ្ធិផលទាំងឡាយដែលប្រទេសទទួលបានក្នុងរយៈពេលផ្លាស់ប្តូរថ្មីនេះ ក្រៅ
ពីការខំប្រឹងប្រែងរបស់ប្រជាជននៅក្នុងប្រទេស ថែមទាំងមានការរួមវិភាគទានដ៏ធំធេងពីសហគមន៍ជនវៀតណាមនៅឯបរទេសទៀតផង ដែលក្នុងនោះមាន​សហគមន៍ជនវៀតណាមនៅបារាំង។

          ក៏ក្នុងយប់ថ្ងៃទី២៩ វិច្ឆិកានេះតាមម៉ោងវៀតណាម នាយករដ្ឋមន្ត្រីលោក ​
Nguyen Tan Dung បានមានជំនួបពិភាក្សាជាមួយលោក Jean Pierre Archambault
អគ្គលេខាធិការសមាគមមិត្តភាពបារាំង-វៀតណាម ផងដែរ៕