នាយករដ្ឋមន្ត្រីអេត្យូពីអញ្ជើញទៅទស្សនាវត្ត Tran Quoc
(VOVWORLD) - នាព្រឹកថ្ងៃទី ១៧ មេសា នាយករដ្ឋមន្ត្រីវៀតណាម លោក ហ្វាម មិញជីញ និងលោកជំទាវ រួមជាមួយនាយករដ្ឋមន្ត្រីអេត្យូពីលោក Abiy Ahmed Ali និងលោកជំទាវ បានទទួលទានអាហារពេលព្រឹក ពិសារកាហ្វេ និងដើរកម្សាន្តនៅបឹង Ho Tay បឹង Truc Bach ហើយទៅទស្សនាវត្ត Tran Quoc នៅទីក្រុងហាណូយ។
 នាយករដ្ឋមន្ត្រី លោក ហ្វាម មិញជីញ និងលោកជំទាវ ជាមួយនាយករដ្ឋមន្ត្រីអេត្យូពី លោក Abiy Ahmed Ali និងលោកជំទាវ នៅវត្ត Tran Quoc។ រូបថត៖ Duong Giang/VNA |
នាយករដ្ឋមន្ត្រីលោក ហ្វាម មិញជីញ បានឧទ្ទេសនាមដល់នាយករដ្ឋមន្ត្រីអេត្យូពី និងលោកជំទាវ អំពីវត្ត Tran Quoc - វត្តមួយដែលមានប្រវត្តិសាស្ត្រជិត ១.៥០០ ឆ្នាំ និងត្រូវបានចាត់ទុកថា ជាវត្តចំណាស់ជាងគេនៅ Thang Long - ហាណូយ; មជ្ឈមណ្ឌលពុទ្ធសាសនានៃព្រះបរមរាជវាំង Thang Long ក្នុងរជ្ជកាល Ly និងរជ្ជកាល Tran ជាមួយនឹងស្ថាបត្យកម្មប្រកបដោយភាពសុខដុមរមនា រួមបញ្ចូលគ្នានូវភាពឧឡារិក លក្ខណៈបុរមបុរាណ ជាមួយនឹងទេសភាពដ៏ស្រគត់ស្រគំ នៅក្បែរបឹងទឹកស្អាតដ៏ធំល្វឹងល្វើយ។
 នាយករដ្ឋមន្ត្រី លោក ហ្វាម មិញជីញ និងលោកជំទាវ ជាមួយនាយករដ្ឋមន្ត្រីអេត្យូពី លោក Abiy Ahmed Ali និងលោកជំទាវ នៅវត្ត Tran Quoc។ រូបថត៖ Duong Giang/VNA |
 នាយករដ្ឋមន្ត្រី លោក ហ្វាម មិញជីញ និងលោកជំទាវ ជាមួយនាយករដ្ឋមន្ត្រីអេត្យូពី លោក Abiy Ahmed Ali និងលោកជំទាវ បានស្តាប់ការណែនាំអំពីវប្បធម៌ ប្រវត្តិសាស្ត្រ និងស្ថាបត្យកម្មនៃវត្ត Tran Quoc។ រូបថត៖ Duong Giang/VNA |
នាយករដ្ឋមន្ត្រីអេត្យូពី និងលោកជំទាវបានសម្តែងការពេញចិត្តចំពោះដំណើរទស្សនកិច្ចលើកដំបូងនៅវៀតណាម; ទន្ទឹងរង់ចាំស្វាគមន៍នាយករដ្ឋមន្ត្រីវៀតណាម លោក ហ្វាម មិញជីញ និងលោកជំទាវ ក៏ដូចជាថ្នាក់ដឹកនាំបក្សនិងរដ្ឋវៀតណាម ទៅបំពេញទស្សនកិច្ចនៅអេត្យូពី៕