អគ្គនាយក VOV លោក Do Tien Sy និងលេខាគណៈកម្មាធិការបក្សខេត្ត Thanh Hoa លោក Do Trong Hung បានប្រគល់រង្វាន់ ជូនចំពោះជ័យលាភីពានរង្វាន់មាស (រូបថត៖ VOV5)

កម្មវិធីនេះមានការចូលរួមពីថ្នាក់ដឹកនាំនៃវិទ្យុសម្លេងវៀតណាម ថ្នាក់ដឹកនាំខេត្ត Thanh Hoa ខេត្ត-ក្រុង ភ្ញៀវ និងអ្នកសារព័ត៌មានជាង ១.០០០នាក់ មកពីស្ថានីយ៍វិទ្យុ-ទូរទស្សន៍ មជ្ឈមណ្ឌលប្រព័ន្ធផ្សព្វផ្សាយទូទាំងប្រទេស និងអង្គភាពនានា របស់វិទ្យុសម្លេងវៀតណាម។

គណៈកម្មការរៀបចំកម្មវិធីបានប្រគល់រង្វាន់មាស ២៨ រង្វាន់, រង្វាន់ប្រាក់ ៥៨ រង្វាន់, រង្វាន់សំរឹទ្ធ ៧១, រង្វាន់លើកទឹកចិត្តចំនួន ៦៣ រង្វាន់ និងរង្វាន់ផ្សេងៗទៀតដូចជា៖ ពានរង្វាន់សម្លេងមាស; ពានរង្វាន់ពិធីករឆ្នើម; ពានរង្វាន់បច្ចេកទេសដឹកនំាកម្មវិធី; ពានរង្វាន់កម្មវិធីវេទិកា ឌីជីថល និងពានរង្វាន់ផតខាស់សម្រាប់អ្នកនិពន្ធ។ គណៈកម្មការកិច្ចការបរទេស (VOV5) មានកិត្តិយសឈ្នះរង្វាន់មាសក្នុងប្រភេទវិទ្យុផ្សាយផ្ទាល់ចំនួន ១ រង្វាន់; រង្វាន់សំរឹទ្ធ ១ រង្វាន់ សម្រាប់ប្រភេទបទយកការណ៍ និងរង្វាន់លើកទឹកចិត្ត ១ រង្វាន់ សម្រាប់ប្រភេទប្រធានបទ។

មហោស្រពវិទ្យុជាតិលើកទី១៦ ឆ្នាំ ២០២៤ មានការចូលរួមចំនួន ៨១ អង្គភាព ដែលមានស្នាដៃចំនួន ៣៨០ ចែកជា ៦ ប្រភេទ៖ បទយកការណ៍ កម្មវិធីប្រធានបទ បទសម្ភាសន៍ កម្មវិធីវិទ្យុភាសាជនជាតិ  វិទ្យុរឿង កម្មវិធីវិទ្យុផ្សាយផ្ទាល់។

ក្នុងកម្មវិធី លោក Do Tien Sy អគ្គនាយកនៃវិទ្យុសម្លេងវៀតណាម ប្រធានគណៈកម្មាធិការដឹកនាំនៃមហោស្រពវិទ្យុជាតិលើកទី១៦ បានប្រគល់ទង់ ជូនអង្គភាពម្ចាស់ផ្ទះនៃមហោស្រពវិទ្យុជាតិលើកទី១៧ ឆ្នាំ ២០២៦ គឺខេត្ត Quang Ninh៕