នៅក្នុងពិធីនេះ អនុរដ្ឋមន្ត្រីក្រសួងការពារប្រទេស លោក Hoang Xuan Chien បានប្រគល់សេចក្តីសម្រេចជូនចំពោះលោកវរៈសេនីត្រី Su Tan Phi Long ចូលរួមក្នុងបេសកកម្មរក្សាសន្តិភាពរបស់អង្គការសហប្រជាជាតិ; លើកសរសើរនាយកដ្ឋានរក្សាសន្តិភាពវៀតណាមដែលបានបំពេញល្អការងារត្រៀមរៀបចំ បណ្តុះបណ្តាល និងបង្កើតធនធានមនុស្សសម្រាប់ភារកិច្ចដ៏សំខាន់នេះ។  អនុរដ្ឋមន្ត្រី Hoang Xuan Chien បានស្នើឱ្យ វរៈសេនីត្រី Su Tan Phi Long ពង្រីកប្រពៃណីរបស់កងទ័ពប្រជាជនវៀតណាម បង្ហាញពីស្មារតីទទួលខុសត្រូវ ម្ចាស់ការសិក្សារៀនសូត្រ និងសហការយ៉ាងសកម្មជាមួយសហការីអន្តរជាតិ បង្ហាញប្ញទ្ធានុភាពនិងសមត្ថភាពវិជ្ជាជីវៈ តាមនោះ រីកសាយភាយគុណសម្បត្តិដ៏ល្អប្រសើរ របស់កងទ័ពប្រជាជនវៀតណាម ក៏ដូចជារូបភាពប្រទេសជាតិ និងប្រជាជនវៀតណាម។

អនុរដ្ឋមន្ត្រីក្រសួងការពារប្រទេស លោក Hoang Xuan Chien បានប្រគល់សេចក្តីសម្រេចចិត្តជូនចំពោះលោកវរៈសេនីត្រី Su Tan Phi Long ចូលរួមក្នុងបេសកកម្មរក្សាសន្តិភាពរបស់អង្គការសហប្រជាជាតិ។ រូបថត៖ VOV

យោងតាមនាយកដ្ឋានរក្សាសន្តិភាពវៀតណាម រហូតមកដល់ពេលនេះ នាយទាហាននិងយុទ្ធជនជំនាញជិត ១.១០០នាក់ ត្រូវបានក្រសួងការពារប្រទេសដាក់ពង្រាយតាមទម្រង់បុគ្គលនិងអង្គភាព។ នាពេលខាងមុខ នឹងមានបុគ្គលនិងកងកម្លាំងឆ្នើមរបស់វៀតណាមកាន់តែច្រើន ចូលរួមចំណែកក្នុងសកម្មភាពរក្សាសន្តិភាពរបស់អង្គការសហប្រជាជាតិ៕