អគ្គលេខាបក្ស លោក Nguyen Phu Trong និងប្រធានាធិបតីអាមេរិកលោក  Joe Biden (រូបថត៖ VOV)

នៅក្នុងអត្ថបទដែលបានបង្ហោះនៅលើបណ្តាញសង្គម X (Twitter) នៅថ្ងៃទី ១១ ខែកញ្ញា បន្ទាប់ពីឡើងយន្តហោះដើម្បីត្រឡប់មកប្រទេសវិញ លោកប្រធានាធិបតី Joe Biden បានថ្លែងអំណរគុណចំពោះលោកប្រធានរដ្ឋវៀតណាម Vo Van Thuong សម្រាប់ជំនួបដែលបាននាំមកនូវលទ្ធផលល្អប្រសើរជាច្រើន។ ភាពជាដៃគូបច្ចុប្បន្នមានគោលបំណងបំផុសសក្ដានុពលរបស់ប្រជាជននៃប្រទេសទាំងពីរ និងបើកឱកាសដ៏អស្ចារ្យជាបន្តបន្ទាប់។

នៅក្នុងបទដែលបានបង្ហោះមុននេះ លោកប្រធានាធិបតី Joe Biden បានសម្តែងថា “ពិតជាអស្ចារ្យណាស់ ពេលបានអង្គុយ និងសំណេះសំណាលជាមួយលោកនាយករដ្ឋមន្រ្តី Pham Minh Chinh នៅទីក្រុងហាណូយ”។ លោកបានបញ្ជាក់ថា៖ “ភាពជាដៃគូយុទ្ធសាស្ត្រគ្រប់ជ្រុងជ្រោយ និងកិច្ចព្រមព្រៀងសហប្រតិបត្តិការថ្មីស្តីពី semiconductors នឹងជួយប្រទេសទាំងពីរកសាងអនាគតដ៏រឹងមាំជាមួយគ្នា”។

មុននេះ នៅក្នុងសារដំបូងរបស់លោកបន្ទាប់ពីបានមកដល់ប្រទេសវៀតណាមកាលពីថ្ងៃទី ១០ ខែកញ្ញា លោកប្រធានាធិបតី Biden បានថ្លែងអំណរគុណដល់ប្រទេសម្ចាស់ផ្ទះសម្រាប់ការ "ស្វាគមន៍យ៉ាងកក់ក្តៅ" ហើយបានសង្កត់ធ្ងន់ថា នេះគឺជា "ដំណើរទស្សនកិច្ចជាប្រវត្តិសាស្ត្រ" ។ លោកក៏បានបង្ហោះរូបថតចាប់ដៃជាមួយអគ្គលេខាគណៈកម្មាធិការមជ្ឈិមបក្សកុម្មុយនិស្តវៀតណាម លោក Nguyen Phu Trong ជាមួយនឹងអត្ថបទថា៖ អស្ចា្យណាស់ដែលបានសំណេះសំណាលជាមួយលោកអគ្គលេខាបក្ស។ ដូចដែលខ្ញុំធ្លាប់មានប្រសាសន៍ វៀតណាម និងសហរដ្ឋអាមេរិកមានឱកាសដ៏ល្អដើម្បីក្លាយជាដៃគូសំខាន់។ ខ្ញុំជឿជាក់ថា យើងអាចសម្រេចបាននូវសេចក្តីប្រាថ្នារួមរបស់ប្រទេសទាំងពីរអំពីអនាគតមួយប្រកបដោយសន្តិភាព សុវត្ថិភាព និងវិបុលភាពជាងនេះទៅទៀត”៕