ប្រធានរដ្ឋសភាវៀតណាម លោក Tran Thanh Man ជូនអំណោយដល់គ្រួសារគោលនយោបាយ និងគ្រួសារដែលកំពុងជួបការលំបាកនៅខេត្ត Ha Tinh។ (រូបថត៖ VOV)

ជូនអំណោយ និងសំណេះសំណាលជាមួយប្រជាជននៅទីនេះ ប្រធានរដ្ឋសភាលោក Tran Thanh Man បានជូនដំណឹងពីលទ្ធផលសេដ្ឋកិច្ចសង្គមរបស់ប្រទេសជាតិក្នុងឆ្នាំ ២០២៤។ ដោយលើកឡើងអំពីការងារដែលមូលដ្ឋានត្រូវធ្វើនាពេលខាងមុខ ប្រធានរដ្ឋសភាលោក Tran Thanh Man បានស្នើថា៖

“អាជ្ញាធរ រណសិរ្សមាតុភូមិ និងផ្នែកនានា បន្តមានសកម្មភាពថែទាំគ្រួសារគោលនយោបាយ គ្រួសារក្រីក្រ ដើម្បីឲ្យពួកគេមានជីវភាពរស់នៅប្រកបដោយស្ថិរភាព។ ខ្ញុំក៏សង្ឃឹមដែរថា ខេត្តនិងឃុំនឹងយកចិត្តទុកដាក់ដល់ការជំរុញបុព្វហេតុអប់រំ និងបណ្តុះបណ្តាលលើវិស័យវិទ្យាសាស្ត្រ និងបច្ចេកវិទ្យា ជាពិសេសការផ្លាស់ប្តូរឌីជីថល។ Ha Tinh មានចលនាកសាងជនបទថ្មី គំរូជនបទថ្មី ជនបទថ្មីជឿនលឿន និងមានគំរូល្អៗជាច្រើន។ ខ្ញុំសង្ឃឹមថា គ្រួសារគោលនយោបាយ និងគ្រួសារក្រីក្រក៏នឹងខិតខំព្យាយាមធ្វើពលកម្ម ផលិតកម្ម អាជីវកម្មតាមមធ្យោបាយជាច្រើន ដើម្បីរួចផុតពីភាពក្រីក្រ រួមចំណែកក្នុងការកសាងប្រទេសជាតិ”។

ដោយវាយតំលៃខ្ពស់ចំពោះគោលដៅរបស់ខេត្ត Ha Tinh ក្នុងការខិតខំសាងសង់ផ្ទះជិត ២២០០ ខ្នងសម្រាប់គ្រួសារគោលនយោបាយ និងជនក្រីក្រនៅឆ្នាំ ២០២៥ នោះ លោកប្រធានរដ្ឋសភាបានស្នើឲ្យខេត្តត្រូវខិតខំប្រឹងប្រែងកៀរគរធនធានពីប្រភពខាងក្រៅនិងប្រភពថវិកាមជ្ឈិមដើម្បីដោះស្រាយបញ្ហាលំនៅឋាននៅមូលដ្ឋាន៕