នាយប់ថ្ងៃទី២១ ខែកញ្ញានៅស្រុក Hoang Su Phi ខេត្ត Ha Giang បាន ប្រព្រឹត្តទៅពិធីបើកសប្ដាហ៍វប្បធម៌ដោយប្រធានបទ “ឆ្លងកាត់តំបន់បេតិកភ័ណ្ឌ ស្រែកាំជណ្ដើរ” Hoang Su Phi ឆ្នាំ ២០១៩។ សប្ដាហ៍វប្បធម៌នេះត្រូវបានរៀបចំ ឡើងសំដៅលើកតម្កើងតម្លៃវប្បធម៌នានាព្រមទាំងអភិរក្សនិងពង្រីកតម្លៃប្រពៃណីរបស់បណ្ដាជនជាតិនៅខេត្ត Ha Giang ផងដែរ។

        តាងនាមថ្នាក់ដឹកនាំបក្សនិងរដ្ឋ អនុប្រធានរដ្ឋសភាវៀតណាមលោក Uong Chu Luu បានវាយតម្លៃខ្ពស់ចំពោះបក្សភាគ អាជ្ញាធរនិងប្រជាជនបណ្ដាជនជាតិ នៅខេត្ត Ha Giang ក្នុងការកសាងខេត្តអោយកាន់តែសម្បូរធូធារនិងអារិយ្យធម៌ពី មួយថ្ងៃទៅមួយថ្ងៃ។ បក្សភាគ អាជ្ញាធរនិងប្រជាជនបណ្ដាជនជាតិនៅខេត្ត Ha Giang បានសាមគ្គីគ្នា ប្រែក្លាយការលំបាកឧបសគ្គទៅជាឧត្តមភាពដើម្បីបើក ចេញទិសដៅថ្មីដោយជ្រើសរើសទេសចរណ៍ធ្វើជាវិស័យសេដ្ឋកិច្ចមុខព្រួញដើម្បីអភិវឌ្ឍប្រកបដោយចីរភាព។ ទន្ទឹមនឹងនោះ អនុប្រធានរដ្ឋសភាលោក Uong Chu Luu ក៏បានស្នើអោយខេត្តត្រូវតែយកចិត្តទុកដាក់ជាពិសេសដល់ការថែទាំ ជីវភាពរស់នៅរបស់ប្រជាជននៅតាមតំបន់លំបាកលំបិន តំបន់ព្រំដែន កសាង វប្បធម៌ភូមិឃុំដោយផ្សាភ្ជាប់នឹងការកសាងជនបទថ្មី ការពាររឹងមាំនូវអធិបតេយ្យ ភាពនិងសន្តិសុខព្រំដែនជាតិផងដែរ៕