ម្ចាស់ឆ្នោតប៉ូឡូញទៅបោះឆ្នោតជ្រើសរើសសមាជិករដ្ឋសភា

នាថ្ងៃទី ១៥ តុលា ម្ចាស់ឆ្នោតប៉ូឡូញបានទៅបោះឆ្នោតជ្រើសរើសសមាជិករដ្ឋសភា។ នេះត្រូវបានចាត់ទុកថាជាការបោះឆ្នោតដ៏សំខាន់បំផុតចាប់តាំងពីឆ្នាំ ១៩៨៩ សម្រាប់ប៉ូឡូញ ក៏ដូចជា បង្កើតការផ្លាស់ប្តូរដ៏សំខាន់មួយនៅក្នុងការសម្រេចចិត្តបន្ទាប់ពីគោលនយោបាយការបរទេសរបស់ប៉ូឡូញជាមួយអ៊ុយក្រែន និងអឺរ៉ុប ក៏ដូចជាដំណោះស្រាយដើម្បីដោះស្រាយជម្លោះរុស្ស៊ី-អ៊ុយក្រែននាពេលបច្ចុប្បន្ន។

ក្រុមអ្នកវិភាគនិយាយថា ប៉ូឡូញកំពុងឈានចូលដល់ពេលវេលាដ៏សំខាន់មួយនៅពេលដែលឃើញការបែកបាក់យ៉ាងខ្លាំងក្នុងសង្គម និងគណបក្សនយោបាយ។ ការស្ទង់មតិនាពេលថ្មីៗនេះបង្ហាញថា គណបក្សច្បាប់ និងយុត្តិធម៌ (PiS) ដែលកំពុងកាន់អំណាចមានការគាំទ្រច្រើនជាងគណបក្សផ្សេងទៀត ប៉ុន្តែមិនគ្រប់គ្រាន់ដើម្បីសម្រេចបានអាសនៈភាគច្រើននៅក្នុងសភានោះទេ។ ប្រការនេះនាំឱ្យគណបក្សនេះអាចត្រូវស្វែងរកការគាំទ្រពីគណបក្សស្តាំនិយមជ្រុលមួយទៀតដែលមានជំហរប្រឆាំងលើបញ្ហាអ៊ុយក្រែន។ ការស្ទង់មតិក៏បានឲ្យដឹងថា ក្រុមប្រឆាំង អាចរួមគ្នាឈ្នះអាសនៈភាគច្រើននៅក្នុងសភា ក្នុងនោះសម្ព័ន្ធភាពស៊ីវិល ដឹកនាំដោយអតីតនាយករដ្ឋមន្ត្រីប៉ូឡូញ លោក Donald Tusk កំពុងទទួលបានសន្លឹកឆ្នោតច្រើនទី ២ បន្ទាប់ពីគណបក្សកាន់អំណាច។

លោកបានបញ្ជាក់ថា លោកនឹងស្ដារនីតិរដ្ឋ និងកសាងទំនាក់ទំនងឡើងវិញជាមួយសហភាពអឺរ៉ុប (EU) ផងដែរ៕