ការសម្តែងសិល្បៈបើករាត្រី Gala ជាមួយប្រធានបទ "សាមគ្គីភាពជាកម្លាំង"។ (រូបថត៖ qdnd.vn)

ចូលរួមក្នុងកម្មវិធីនេះមានថ្នាក់ដឹកនាំគណៈប្រតិភូកងកម្លាំងអនុវត្តន៍ច្បាប់ចំនួន៧មកពីប្រទេស៖ កម្ពុជា ចិន ឥណ្ឌូនេស៊ី ម៉ាឡេស៊ី ហ្វីលីពីន ថៃ វៀតណាម និងអង្គការអន្តរជាតិមួយចំនួនទៀត។ ថ្លែងសុន្ទរកថានៅរាត្រី Gala លោកឧត្តមសេនីយ៍ទោ Le Quang Dao មេបញ្ជាការប៉ូលិសសមុទ្រវៀតណាមបានសង្កត់ធ្ងន់ថា៖

“ក្រោយពីកម្មវិធីជួបប្រាស្រ័យ កងកម្លាំងអនុវត្តន៍ច្បាប់នៅសមុទ្រនៃប្រទេសយើងទាំងអស់ នឹងកាន់តែយល់ដឹងគ្នាទៅវិញទៅមក កាន់តែសាមគ្គីគ្នា និងសម្របសម្រួលគ្នាកាន់តែជិតស្និទ្ធក្នុងសកម្មភាពសហប្រតិបត្តិការ ជាពិសេសក្នុងការស្វែងរក និងជួយសង្គ្រោះនៅសមុទ្រ សំដៅកាត់បន្ថយអតិបរមានូវការខូចខាតដល់មនុស្ស ក៏ដូចជាយានជំនិះ និងឧបករណ៍ដែលបង្កឡើងដោយគ្រោះមហន្តរាយធម្មជាតិ និងគ្រោះថ្នាក់នៅសមុទ្រ។ តាមនោះ រួមចំណែកក្នុងការកសាងតំបន់សមុទ្រក្នុងតំបន់ប្រកបដោយសន្តិភាព ស្ថិរភាព សុវត្ថិភាព និងអភិវឌ្ឍន៍។ កងកម្លាំងអនុវត្តន៍ច្បាប់ដែនសមុទ្រនៃប្រទេសទាំង ៧ សន្យាថា យើងពិតជាទីបង្អែកដែលអាចទុកចិត្តបានសម្រាប់អង្គការ និងបុគ្គលដែលធ្វើអាជីវកម្មស្របច្បាប់នៅសមុទ្រ”។

ក្នុងឱកាសនេះ តំណាងកងកម្លាំងអនុវត្តន៍ច្បាប់ដែនសមុទ្រនៃប្រទេសទាំង ៧ បានសន្យាការពារមហាសមុទ្រ ការពារបរិស្ថានសមុទ្រ និងប្តេជ្ញារួមដៃគ្នា និងរួមចំណែកក្នុងសកម្មភាពស្វែងរក
ជួយសង្គ្រោះ ក៏ដូចជាឆ្លើយតបនឹងបញ្ហាប្រឈមសន្តិសុខក្រៅប្រពៃណីនៅសមុទ្រផងដែរ៕