ថ្លែងទៅកាន់សារព័ត៌មាន ឧបនាយករដ្ឋមន្ត្រី លោក Alexander Novak បានសង្កត់ធ្ងន់ថា ក្រុមហ៊ុនថាមពលរុស្ស៊ីត្រូវបានគេរំពឹងថា នឹងបង្កើនការផ្គត់ផ្គង់ទៅកាន់ទីផ្សារថ្មី ហើយកំពុងចរចាជាមួយដៃគូជាច្រើន។ សេចក្តីប្រកាសនេះកើតឡើងនៅពេលដែលរុស្ស៊ីកំពុងពិចារណាកែសម្រួលយុទ្ធសាស្ត្រនាំចេញថាមពលរបស់ខ្លួន បន្ទាប់ពីសហភាពអឺរ៉ុប (EU) បានសម្រេចចិត្តកាត់បន្ថយបន្តិចម្តងៗ និងឈប់នាំចូលឧស្ម័នធម្មជាតិពីរុស្ស៊ី។

មុននេះ នៅថ្ងៃទី ៥  ខែមីនា ប្រធានាធិបតីលោក  Vladimir Putin បានថ្លែងថា ការបញ្ចប់ការផ្គត់ផ្គង់ឧស្ម័នទៅកាន់អឺរ៉ុប អាចផ្តល់អត្ថប្រយោជន៍ដល់រុស្ស៊ី ខណៈដែលសហភាពអឺរ៉ុបកំពុងអនុវត្តការរឹតបន្តឹងបន្តិចម្តងៗលើប្រេងឥន្ធនៈរបស់រុស្ស៊ី៕