លោក Moon Jae-in សន្យាថា នឹង អនុវត្តភារកិច្ចរបស់ប្រធានាធិបតីកូរ៉េខាងត្បូងដោយការទទួលខុសត្រូវខ្ពស់បំផុតក្នុងអាណត្តិបេសកកម្ម៥ឆ្នាំខាងមុខ (រូបថត៖Getty Images)

(VOVworld) - នាព្រឹកថ្ងៃទី១០ ឧសភា លោក Moon Jae-in ជាអ្នកទើបនឹងបាន ឈ្នះក្នុងការបោះឆ្នោត១ថ្ងៃមុននោះ បានអញ្ជើញធ្វើសច្ចាប្រណិធានចូលកាន់ តំណែងប្រធានាធិបតីកូរ៉េខាងត្បូងជាផ្លូវការ។លោក Moon Jae-in សន្យាថា នឹង អនុវត្តភារកិច្ចរបស់ប្រធានាធិបតីកូរ៉េខាងត្បូងដោយការទទួលខុសត្រូវខ្ពស់បំផុតក្នុងអាណត្តិបេសកកម្ម៥ឆ្នាំខាងមុខ។ក្រោយពីធ្វើសច្ចាប្រណិធាន ប្រធានាធិបតី លោក Moon Jae-in ឲ្យដឹងថា លោកត្រៀមខ្លួនជាស្រេចទៅបំពេញទស្សនកិច្ច នៅស.ប.បកូរ៉េក្នុងពេលវេលាសមស្រប ក៏ដូចជាចូលរួមចរចារជាមួយចិននិង អាមេរិកអំពីការដាក់ពង្រាយប្រព័ន្ធការពារកាំជ្រួច (THAAD) នៅកូរ៉េខាងត្បូង ដែលកំពុងបង្កឡើងភាពចម្រូងចម្រាសនោះផងដែរ៕