លោក Stontenberg ដាស់តឿនឱ្យណាតូ ពិភាក្សាអំពីការធានាសន្តិសុខសម្រាប់អ៊ុយក្រែន
(VOVWORLD) - អគ្គលេខាធិការអង្គការណាតូ លោក Jens Stoltenberg កាលពីថ្ងៃទី ៧ ខែមិថុនា បានដាស់តឿនឱ្យសម្ព័ន្ធភាពយោធានេះ ពិភាក្សាអំពីជម្រើសដើម្បីធានាសន្តិសុខសម្រាប់អ៊ុយក្រែនបន្ទាប់ពីជម្លោះជាមួយរុស្ស៊ីបានបញ្ចប់។ យោងតាមលោក Jens Stoltenberg នៅពេលដែលជម្លោះបានបញ្ចប់ អង្គការណាតូនឹងត្រូវការរៀបចំដើម្បីធានាថា រុស្ស៊ីមិនគ្រាន់តែដកកងទ័ពរបស់ខ្លួនប៉ុណ្ណោះទេ។
 អគ្គលេខាធិការអង្គការណាតូ លោក Jens Stoltenberg។ (រូបថត៖ Hanna Johre/REUTERS) |
លោកក៏បានលើកឡើងពីមាត្រាលេខ៥ នៃសន្ធិសញ្ញាក្រុងវ៉ាស៊ីនតោន ដែលចែងថា អង្គការណាតូនឹងផ្តល់ការធានាសន្តិសុខគ្រប់គ្រាន់សម្រាប់ប្រទេសដែលជាសមាជិកពេញសិទ្ធិតែប៉ុណ្ណោះ។
អ៊ុយក្រែនបានដាក់ពាក្យសូមចូលជាសមាជិកអង្គាករណាតូកាលពីខែកញ្ញាឆ្នាំ២០២២ ហើយមានបំណងចង់ទទួលបានការធានាសន្តិសុខជាក់លាក់ពីណាតូ។ ទោះជាយ៉ាងណាក៏ដោយ នេះគឺជាបញ្ហាដ៏ចម្រូងចម្រាសមួយនៅក្នុងសម្ព័ន្ធភាពយោធាអាត្លង់ទិកខាងជើង។ ប្រទេសមួយចំនួនដូចជាសហរដ្ឋអាមេរិក បារាំង និងអាឡឺម៉ង់ចាត់ទុកថា សមាជិកភាពមិនមែនជាជម្រើសរយៈពេលខ្លីនោះទេ ហើយមិនអាចសម្រេចបានការពិភាក្សាប្រកបដោយគុណភាពក្នុងអំឡុងពេលជម្លោះ។ រដ្ឋាភិបាលរុស្ស៊ីក៏បានព្រមានម្តងហើយម្តងទៀតថា ការរារាំងអ៊ុយក្រែនចូលជាសមាជិកអង្គការណាតូនៅតែជាគោលដៅសំខាន់នៃប្រតិបត្តិការយោធាពិសេស ហើយបានចាត់ទុកថា សមាជិកភាពរបស់អ៊ុយក្រែននៅក្នុងអង្គការណាតូនឹងបង្កការគំរាមកំហែងដល់សហព័ន្ធរុស្ស៊ី៕