(VOV)_នាយប់ថ្ងៃទី ២៩ សីហា តាមម៉ោងវ៉ាស៊ីនតោន ស្ថានទូតវៀតណាម ប្រចាំនៅអាមេរិកបានរៀបចំពិធីរំលឹកខួបអនុស្សាវរីយ៍លើកទី៦៨ទិវាបុណ្យជាតិវៀតណាម (​ទី២កញ្ញា)។ ថ្លែងមតិនៅទីនេះ ឯកអគ្គរដ្ឋទូត​វៀត​ណាមប្រចាំនៅអាមេរិក លោក Nguyen Quoc Cuong បានអះអាងថា÷​សព្វថ្ងៃ វៀតណាមបានក្លាយទៅជាទីផ្សារសកម្ម ដោយមានចំនួនប្រជាជនជិត​៩០​លាននាក់ និងកំពុងប្តេជ្ញាចិត្តជំរុញខ្លាំង​ការផ្លាស់ប្តូរថ្មីលើគ្រប់វិស័យ ធ្វើ​សមាហរណកម្មអន្តរជាតិ ដើរតួនាទីកាន់តែសកម្ម ម្ចាស់ការ​មានការទទួលខុសត្រូវក្នុងតំបន់និង​លើពិភពលោកទាំងមូល។ ស្ដីពីទំនាក់ទំនងវៀតណាមនិងអាមេរិក ឯកអគ្គរដ្ឋទូត​ Nguyen Quoc Cuong បានអះអាងថា÷​ទំនាក់ទំនងវៀតណាមនិងអាមេរិក ត្រូវបានពង្រឹងនិងពង្រីកពីមួយថ្ងៃទៅ​មួយថ្ងៃ។ តាមនាងអោយរដ្ឋាភិបាលអាមេរិក ឧបការីស្ដីទី របស់រដ្ឋមន្ត្រីការបរទេសអាមេរិក Scot Marciel បានសម្ដែងជំនឿជឿជាក់ទៅលើការអភវិឌ្ឍន៍ដ៏​ល្អ​ប្រសើរ​ ក្នុងទំនាក់ទំនងដៃគូលើគ្រប់វិស័យ រវាងប្រទេសទាំងពីរ នាពេលខាងមុខនេះ។

          ក៏ក្នុងថ្ងៃនេះដែរ នៅទីក្រុង Pretoria ស្ថានទូតវៀតណាម ប្រចាំ​នៅអាហ្វ្រីកខាងត្បូង បានរៀបចំពិធីរំលឹកខួបអនុស្សាវរីយ៍ លើកទី៦៨ នៃទិវាបុណ្យជាតិវៀតណាម ដ៏អធិកអធម​។

          រសៀលថ្ងៃទី៣០សីហា ស្ថានទូតវៀតណាមប្រចាំនៅចិនក៏បានរៀបចំពិធីរំលឹក ខួបអនុស្សាវរីយ៍ លើកទី៦៨ នៃទិវាបុណ្យជាតិវៀតណាមផងដែរ៕