ប្រធានាធិបតីរុស្ស៊ី លោក  វ្ល៉ាឌីមៀរ ពូទីន ធ្វើសន្និសីទសារព័ត៌មានប្រចាំឆ្នាំនៅទីក្រុងមូស្គូ ប្រទេសរុស្ស៊ី នៅថ្ងៃទី ១៩ ខែធ្នូ ឆ្នាំ ២០២៥។ (រូបថត៖ Alexander Nemenov/REUTERS)

អ្នកសារព័ត៌មានរុស្ស៊ី និងអន្តរជាតិប្រមាណ ៦០០នាក់ រួមទាំងតំណាងមកពីប្រព័ន្ធផ្សព្វផ្សាយមកពីប្រទេសដែលរុស្ស៊ីចាត់ទុកថា “មិនរាក់ទាក់” បានចូលរួមក្នុងព្រឹត្តិការណ៍នេះ។ សន្និសីទសារព័ត៌មានមានរយៈពេលប្រហែល ៣ម៉ោង ក្នុងអំឡុងពេលនោះ លោកប្រធានាធិបតី ពូទីន បានឆ្លើយសំណួរចំនួន ២៧ ដោយផ្ទាល់។ យោងតាមអ្នករៀបចំ សំណួរប្រមាណ ២លានសំណួរត្រូវបានដាក់ជូនប្រធានាធិបតីរុស្ស៊ីតាមរយៈបណ្តាញផ្សេងៗ។

ថ្លែងនៅក្នុងសន្និសីទសារព័ត៌មាន លោកប្រធានាធិបតី ពូទីន បានអះអាងថា សេដ្ឋកិច្ចរុស្ស៊ីនៅតែបន្តរក្សាស្ថិរភាពក្នុងចំណោមស្ថានភាពអន្តរជាតិដ៏ស្មុគស្មាញ។ អតិផរណានៅចុងឆ្នាំនេះត្រូវបានរំពឹងថានឹងមាន ៥,៨% មិនលើសពី ៧%។ ថវិកាជាតិត្រូវបានធ្វើឱ្យមានតុល្យភាព ក្នុងកម្រិតស្មើនឹងឆ្នាំ ២០២១ ដែលឆ្លុះបញ្ចាំងពីស្ថិរភាពនៃសេដ្ឋកិច្ច និងប្រព័ន្ធហិរញ្ញវត្ថុ។

ទាក់ទងនឹងជម្លោះនៅអ៊ុយក្រែន លោកប្រធានាធិបតី ពូទីន បានបញ្ជាក់ថា រុស្ស៊ីបានត្រៀមខ្លួនរួចជាស្រេចដើម្បីបញ្ចប់ជម្លោះ នៅពេលដែលមូលហេតុចម្បងនៃវិបត្តិត្រូវបានលុបបំបាត់។ លោកក៏បានព្រមានផងដែរថា ការដែលលោកខាងលិចប្រើប្រាស់ទ្រព្យសម្បត្តិរបស់រុស្ស៊ីដែលត្រូវបានបង្កក  ដើម្បីផ្តល់ប្រាក់កម្ចីដល់អ៊ុយក្រែន នឹងប៉ះពាល់យ៉ាងធ្ងន់ធ្ងរដល់ថវិការបស់បណ្តាប្រទេសនៅអឺរ៉ុប៕