អង្គការសហប្រជាជាតិស្វែងរកវិធីចាប់ផ្ដើមដំណើការ នយោបាយនៅស៊ីរីឡើងវិញ

យោងតាមសេចក្ដីប្រកាសមួយ ដែលបាននាំចេញនាថ្ងៃទី ១៨ មេសាបានឲ្យដឹងថា៖ បេសកជនពិសេសរបស់អង្គការសហប្រជាជាតិទទួលបន្ទុកស៊ីរី លោក  Staffan de Mistura កំពុងអនុវត្តន៍ “កិច្ចពិភាក្សាជាន់ខ្ពស់នានា ដោយមានគោលបំណងស្វែងរកវិធានការ“ សម្រាប់ការដាក់ឲ្យដំណើរការឡើងវិញនូវដំណើរការនយោបាយ ដែលអង្គកាសហប្រជាជាតិជាអាជ្ញាកណ្ដាល តាមក្របខ័ណ្ឌសេចក្ដីសម្រេចចិត្ត ២២៥៤ របស់ក្រុមប្រឹក្សាសន្តិសុខនៃអង្គការសហប្រជាជាតិ។

សេចក្ដីប្រកាសពោលខាងលើរបស់ការិយាល័យបេសកជនពិសេស លោក Mistura បានឲ្យដឹងថា៖ នាសប្ដាហ៍នេះ លោក Staffan de Mistura បានជួបជាមួយរដ្ឋមន្ត្រីការបរទេសនៃប្រទេសមួយចំនួនដែលចូលរួមសន្និសីទកំពូលកន្លងទៅ របស់សម្ព័ន្ធអារ៉ាប់ (AL) នៅអារ៉ាប៊ីសាអ៊ូឌីតផងដែរ៕