អាមេរិក៖ មហាសេដ្ឋី Bloomberg ចូលរួមក្នុងការរកសម្លេងឆ្នោតជ្រើសរើសប្រធានាធិបតីអាមេរិក
(VOVWORLD) - នាថ្ងៃទី ៨ ខែវិច្ឆិកា ប្រព័ន្ធផ្សព្វផ្សាយអាមេរិកបានផ្សាយថាមហាសេដ្ឋី Michael Bloomberg បានដាក់ពាក្យនិងឯកសារចាំបាច់ផ្សេងៗទៀតដើម្បីសុំឈរឈ្មោះបោះឆ្នោតជ្រើសរើសប្រធានាធិបតីអាមេរិក។
 មហាសេដ្ឋី Michael Bloomberg (រូបថត៖ AFP/TTXVN) |
យោងតាមប្រភពព័ត៌មាននានា បានអោយដឹងថា លោក Bloomberg បានចុះឈ្មោះក្នុងនាមជាបេក្ខជនគណបក្សប្រជាធិបតេយ្យនៅរដ្ឋ Alabama ។ ឈ្មោះរបស់លោកក៏បានបង្ហាញនៅលើគេហទំព័ររបស់បេក្ខជនទាំង ១៧ នាក់នៃគណបក្សប្រជាធិបតេយ្យ ដែលកំពុងឈរឈ្មោះបោះឆ្នោតនៅរដ្ឋ Alabama ផងដែរ។ ទន្ទឹមនឹងនេះអ្នកនាំពាក្យរបស់លោក Bloomberg - លោក Jason Schechter បានឲ្យដឹងថា មហាសេដ្ឋីរូបនេះបានទទួលហត្ថលេខាគាំទ្រចំនួន ២០០០ ដើម្បីចូលរួមយុទ្ធនាការរកសម្លេងឆ្នោតនេះ ហើយយុទ្ធនាការរបស់លោក Bloomberg គឺផ្តោតទៅលើបញ្ហាជាច្រើន ដូចជាសេដ្ឋកិច្ច ការរក្សាសុខភាព ការអប់រំ ការប្រែប្រួលអាកាសធាតុ និងការគ្រប់គ្រងកាំភ្លើងជាដើម៕